الارض في مقابل الحدائق

Land_Exchanging_Parks.JPG

الحكومه الامريكيه عندها برنامج لطيف جدا. فيه أراضي في امريكا بقت ملك الحكومه الفيدراليه. مثلا أيام الحرب العالميه التانيه عملوا عليها قواعد عسكريه. او كان زمان اذاعه صوت امريكا لها محطات في أنحاء امريكا بتبث بالموجات القصيره للعالم كله. او موانئ لخفر السواحل. بمرور الوقت و انعدام السبب و تقدم التكنولوجيا (مثلا الأقمار الصناعية خلت مفيش داعي لموجات الراديو القصيره)، الحكومه الامريكيه بقى عندها أراضي مش محتاجها. تعمل ايه بالأرض دي؟ تبيعها و تعمل سبوبه؟ تسقعها عشان تمنها يغلى؟ تديها للأصحاب و الأهل و اولاد الساده اللواءات عشان يعملوا مدينه نصر و يبيعوها و يسترزقوا؟ 

لا. ده يبقى تفكير الجيش المصري. 

الحكومه الفيدراليه (و الجيش جزء منها) عندها برنامج اسمه “الارض في مقابل الحدائق”. الحكومه الفيدراليه بتدي لمجالس المدن و القرى الارض ببلاش في مقابل انهم يحولوها لحديقه عامه مجانيه و يلتزموا بصيانتها و الحفاظ عليها كحديقة عامه ذات مظهر جميل. بس خلاص. 

كام فدان بقى الحكومه نقلت ملكيتهم بالشكل ده؟ ١٧٠ الف فدان من سنه ١٩٤٩ لحد دلوقتي. كله ببلاش. 

معلش ادينا بنتعلم. 

و بعدين محدش يسأل هم بيتقدموا ليه. 

اهم حاجه سبوبه الجيش. و مفيش احلى من سبوبه تسقيع أراضي الجيش. بالذات حوالين طريق مصر-اسكندريه. 

و أدي البرنامج الامريكي و معلومات عنه:

https://www.nps.gov/ncrc/programs/flp/publications/FLPBrochure1.pdf

الارض احد اهم الموارد الطبيعية. في العالم كله الارض ملك الشعب.في مصر، الشعب و الارض ملك الجيش. 

و لو عاوز تعرف ازاي نصلح مصر اقرأ سلسله على نضافه كلها هنا:

https://jawdablog.org/category/علي-نضافه/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s