كلهم ٥٠٪‏

They_are_50%.jpg

المقاله دي حنحطها كده للمستقبل. فيه وقت جاي سيفشل السيسي تماما في اداره مصر و ستنهار الأمور الاقتصاديه بشكل اكبر مما هي عليه الان. مش عاوزين وقتها حد يطلع يقول أصل السيسي وحش لكن الجيش المصري حلو. و انه السيسي كان خاين و عميل لكن الجيش المصري هو اساس الدوله و لازم واحد بخلفيه عسكريه. من الاخر كده من يدير مصر الان هو الجيش المصري بذاته و صفاته. بص كده على حركه المحافظين:

“أدى المحافظون الجدد في مصر، إضافة لوزير التموين الجديد اللواء محمد الشيخ، اليمين الدستورية، الأربعاء الماضي، أمام الرئيس المصري عبدالفتاح السيسي، وذلك بعدما أعلن رئيس الوزراء المصري، شريف إسماعيل، أن 6 محافظين جدد سيؤدون اليمين الدستورية أمام السيسي في إطار حركة المحافظين الجديدة.

المحافظين الجدد هم اللواء عاطف عبدالحميد وزير النقل السابق الذي سيصبح محافظًا للقاهرة، واللواء رضا فرحات محافظ القليوبية الحالي الذي سيذهب محافظًا للإسكندرية، واللواء عمرو عبد المنعم أمين عام مجلس الوزراء عُين محافظًا للقليوبية، واللواء عصام بدوي لمحافظة المنيا، وجمال سامي للفيوم، واللواء أحمد محمد حامد حسن للسويس.كما يُشار إلى أن اللواء أركان حرب محمد علي مصلحي الشيخ، أدى اليمين الدستورية، كوزير للتموين.”

ده طبعا غير رؤساء الأحياء و المدن و قيادات الشركات الكبرى في مصر ده غير المستشارين في كل وزاره اللي هم الحقيقه اللي بيديروا الوزاره. ده غير ان اَي قانون اقتصادي او غيره لازم يعدي على اللواءات من أعضاء المجلس العسكري. 

فعلى طول كده الجيش هو اللي بيدير مصر. و لازم حيفشل اكتر من الفشل اللي هوه فيه دلوقتي. مفيش جيش في الدنيا نجح في اداره اَي دوله. و مش محتاجين نشوف اسبانيا و لا البرازيل و لا الأرجنتين و لا غيرها. بص على مصر في السبعين سنه اللي فاتت. المنظر قصادنا أهوه. ببساطه كده لان المجتمعات لا تدار بالأوامر. بالذات في الاقتصاد الحديث المعتمد على الإبداع و حريه الأفكار و حريه تأسيس الشركات و بالذات في دوله زي مصر مفيهاش أساسا موارد كبيره الا موردها الأهم و هو شعبها. ازاي شعب يبدع و يفكر تحت حكم عسكري بالأمر. فالفشل ده امر مفروغ منه. و بعد الفشل الجيش حيجي للمدنيين و يقولهم طيب نعمل ايه. و احلام الجيش وقتها انه يحافظ على امتيازاته. و حيطلع ناس تقول أصل السيسي وحش لكن غيره كويس. 

أرجوكم. احنا بنفكر أهوه. محدش يغلط الغلطه دي تاني. لما الجيش يفشل تماما ده وقت إزاحته عن اداره مصر للأبد. يرجع جيش له دور واحد وحيد انه يدافع عن مصر تحت أمره الشعب المصري و من يختاره. مش انه دوله فوق الدوله و عنده امبراطوريه اقتصاديه و يكلم القاضي و عنده نوادي ليليه و يصلح ساعات. 

ادينا بنقول من بدري. 

كلهم ٥٠٪‏

كلهم متواطئون و لو بالصمت 

و الحلقات السابقه من على نضافه هنا:

https://jawdablog.org/category/علي-نضافه/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s