ربما اهم كتاب عن التحول الديمقراطي في العالم هو “محددات الديمقراطيه”. مصدر ١. الكتاب ده فيه وصفه ازاي تسقط نظام ديكتاتوري بأسلوب سلمي. الكتاب بيقول ان اهم أسباب سقوط النظام الديكتاتوري انهم يتخانقوا بينهم و بين بعضيهم جوه النظام. يعني تلاقي ناس رأيهم نستمر في قتل المعارضين. و قصادهم تلاقي ناس بتقول لازم نخفف عشان السياحه ترجع و الاقتصاد يمشي. يتخانقوا كمان على تقسيم الغنائم و على الامتيازات. و كل لما الاقتصاد يسوء كل لما الخناقات تزيد. ببساطه لان البحر لما بيعلى كل المراكب بتعوم. لكن لما بينزل النظام مش بيقدر يشيل الناس كلها. و بعدين الاقتصاد لما بيسوء الديكتاتور مبيبقاش عنده استعداد يساوم. بالعكس بيبقى الحل كله أمني. يعني القضاه عاوزين تنازلات و امتيازات زي الجيش و الشرطه، الديكتاتور مش حيقابلهم حتى و معندوش ليهم غير الجزمه. و الأهم من كده ان الناس اللي الديكتاتور بيعتمد عليهم في الخارج مطالبهم بتزيد و بيساوموا الديكتاتور على تنازلات اكثر عشان ينقذوه. يعني مثلا خلص لنا على الأزهر عشان معقل التطرّف، يبقى مفيش حل غير كده و يبقى لازم يخلص على الأزهر.
كل نظام ديكتاتوري في العالم عمل كده. مصر مش استثناء. مش معنى كده اننا نتعاطف مع القضاه او شيخ الأزهر. دول جزء من النظام ككل. لكن احنا كل شيئ يهد النظام الديكتاتوري احنا معاه و نؤيده.
مصدر ١:
