ليه الدولار نزل و الأسعار منزلتش و ليه بيطلع تاني؟

why_dolllar_value_falled_and_coming_back_up_agaon_1

عشان تفهم حط كده كام معلومه جنب بعض الاول. بالضبط ٤ معلومات:

١- معظم مشتريات السندات الدولاريه الاخيره كانت من اجانب. مصدر ١. 

يعني الحكومه المصريه بتطرح سندات او أوراق بالدولار بسعر فايده عالي عشان تجمع دولارات هي محتاجها. طبعا دي ديون. المره الاخيره كان معظم اللي اشتروا اجانب. يعني دفعوا دولارات. أخدوا في مقابلها ورق من الحكومه المصريه في مقابل فايده حوالي ١٥٪‏ و هي طبعا فايده عاليه جدا جدا على الدولار. مصدر ٢.

٢- في نفس الوقت ده الدولار سعره نزل. ليه؟ لان الحكومه استلفت دولارات من الأجانب دول و طرحتهم في السوق بدايه من يناير. بص كده على الشكل الاول و بيوري ان سعر الدولار ابتدا ينزل بدايه من يناير. الصوره الاولى.

٣- في يناير لما كان الدولار بعشرين جنيه و كان صندوق النقد الدولي بيقول ان سعو الدولار زاد جدا في مصر عن المتوقع و الناس اتريقت، فاكرين؟ طبعا الناس اللي فاهمه عرفت ان دي اشاره انهم يبيعوا. فطبعا راحوا و بالذات الأجانب بايعين الدولار اللي معاهم في السوق بعشرين جنيه. طبعا ده كمان خلى سعر الدولار ينزل لان المطروح منه بقى كتير. و المسأله عرض و طلب.

٤- في نفس الوقت ده الأجانب دول بعد لما باعوا الدولار بعشرين جنيه و أخدوا بداله جنيه مصري، حطوا الجنيه المصري ده في البورصه المصريه. اللي بدايه من يناير ارتفعت حوالي ٢٠٪‏. انظر الصوره التانيه.

why_dolllar_value_falled_and_coming_back_up_agaon_2

هل فهمت الفكره؟ و لا لسه؟

نقول بالارقام. انت واحد اجنبي او واحد فاهم حتى بلاش اجنبي و معاك ٣٠٠ دولار. اخدت ١٠٠ دولار منهم في يناير و أديتهم للحكومه المصريه بفايده ١٦٪‏ و هي اعلى فايده على الدولار في العالم. يعني بعد سنه حيرجعولك ١١٦ دولار.

اخدت كمان ١٠٠ دولار تانيين و حولتهم جنيه مصري بعشرين جنيه للدولار. يعني أخذت ٢٠٠٠ جنيه. حطتهم في البورصه المصريه. بقوا في شهرين اتنين ٢٤٠٠ جنيه.

ال ١٠٠ دولار اللي ادتهم للحكومه المصريه نزلوا في السوق و نزلوا سعر الدولار مؤقتا. بقى ب ١٥ جنيه.

حتقوم انت واخد ال ٢٤٠٠ جنيه من البورصه و محولهم دولارات يعملوا بسعر ال ١٥ جنيه للدولار حوالي ١٦٠ دولار. يعني ال ١٠٠ دولار عملوا ١٦٠ دولار.

طبعا لما تبتدي تعمل كده حيبتدي سعر الدولار يزيد تاني. حتكرر العمليه و هلم جر.

حتى لو عملتها مره واحده. انت حطيت ٢٠٠ دولار و جالك من ال ١٠٠ الاولانيبن ١١٦ و من ال ١٠٠ التانين ١٦٠ دولار. يعني رجعلك ٢٧٦ دولار من ٢٠٠ دولار في ظرف سنه. و ده على الأقل.

و الدوره دي حتكرر باستمرار و هي نفس الدوره اللي بتحصل في البورصه المصريه بقالها اكتر من سنه. مصدر ٣. بس الجديد ان دخل فيها مش بس البورصه لكن سعر المضاربات في سعر العمله كمان. الحقيقه ان الأجانب و اَي حد بيفهم لقي لقيه في المجموعه البلهاء التي تدير اقتصاد مصر الان و على رأسهم السيسي و بهلوانه طارق عامر الذي يقول انا كنت بقول نكته! اول مره محافظ بنك مركزي بهلوان في العالم.

و سلسله دراساتنا الاقتصاديه كلها مجمعه في مصدر ٤.

المصادر:

١- مشتروات السندات الدولاريه المصريه

https://www.bloomberg.com/news/articles/2017-02-21/egypt-burdened-by-own-success-as-foreigners-tire-of-pound-rally

٢- الفايده على سندات الحكومه المصريه الدولاريه 

https://www.investing.com/rates-bonds/egypt-government-bonds

٣- توقعات جوده للبورصه المصريه

https://jawdablog.org/2016/06/29/ayear_since_predicting_egyptian_stock_market/

٤- صفحه جوده الاقتصاديه

jawdablog.org/category/الإقتصاد/حلقات-تعالوا-نفهم-الاقتصاد/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s