السعوديه و الإمارات… قرارات ترامب

saudi_uae_and_trump

في بلدين لو قرروا انهم يوقفوا قرارات ترامب لمنع المسلمين حيوقفوها: السعوديه و الإمارات. دول بلدين صدعونا انهم معقل الاسلام السني. تعالوا نشوف البلدين دول عملوا أيه. ملك السعوديه سلمان الغضنفر اللي عاوز يؤيد الاخوان و كان ضد الانقلاب يا عيني بس والدته قالتله ما تتخانقش مع اخوك عبد الله. سلمان أتكلم مع ترامب في التليفون. و مش بس ما فتحش الموضوع. لا. ده قال لترامب انه “يدعو ترامب ان يقود الشرق الأوسط للتخلص من الاٍرهاب و تحقيق الرفاهية للشعب السعودي”. مصدر ١، أدي الأولاني.

التاني بقى مش بس كلم ترامب برضه و البيت الأبيض مطلعش تفاصيل المكالمه غالبا لانها عيب. بس ربيب محمد بن زايد و اسمه ضاحي خلفان طلع و قالنا لا فُض فوه: “ليس بالضرورة أن تستقبل أمريكا شعوبا متخلفة.كفاية استقبلت الكثيرين من قبل.جماعات غير منتجة ما تستاهل تكون بأمريكا إيراني على عراقي و صومالي”. الكلام ده نفسه سمعناه لما بلحه قالنا أنتم فقرا اوي اوي. و زاد كمان ان: ” وأردف قائلا: “الصومالي حده مقديشو…والسوري حده تركيا.. والعراقي حده مشهد وش لكم بامريكا”. و كمان: “عالم متخلفة تروح أمريكا ليش؟ شعوب ميتة وش يخليها تروح لشعوب حية”. و مسكتش على كده: “تحية للرئيس ترمب على قراراته الشجاعة…ما لهم إلا الإجراءات الرادعة”. مصدر ٢. نفس كلام بلحه انه بقاله سنتين صابر علينا و بيعاملنا بالحنيه. كله بالحنيه يفك.

اذا كان الإيراني اللي معاه نووي و العراقي اللي كان اغني منهم و اللي ترامب عاوز يأخذ بتروله و الصومالية اللي بقت عضوه في المجالس النيابيه في امريكا بيتقال عليهم كده. تخيلوا الناس دي يتفكر في مصر ازاي. و كلها دول ما اخدتش منهم فلوس. ع العموم كله سلف و دين.

نكته: مره واحد قال ان السعوديه و الإمارات معقل الاسلام السني. تتارارا تا تا.

المصادر:

١- مكالمة ترامب و سلمان. 

http://www.politico.com/story/…/01/trump-arab-leaders-234344

٢- ضاحي خلفان عن ترامب

medium.com/arabi-21/ضاحي-خلفان-يؤيد-إجراءات-ترامب-ضد-اللاجئين-ويهاجم-العرب-88210a6daaed#.sg1u0vy6g

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s