احباب السيسي الذين يريدون ترامب

sisi_lovers_who_want_trump

ملحوظة: هذه مقاله ستغضب الجميع

مبسوطين ان ترامب بيقول ان امريكا كان لازم تاخد بترول العراق بعد الاحتلال؟ و انه معلش لو محصلش المره اللي فاتت تتعوض المره الجايه؟ مصدر ١.

مبسوط انت جدا انه بيقولك ان الاسلام كدين معاد له و لأمريكا. و متخيل انه حيميز بقى بينك انت شخصيا و بين الإسلاميين المتطرفين الوحشين. و انه حيختار انت شخصيا و يديك منصب المتحدث الرسمي بأسم الاسلام. أبشر. أبشر ان القنبله لما بتنزل مش بتميز. و أبشر كمان ان الناس دي مش بتكره الاخوان و لا المتطرفين بس. دول بيكرهوا المسلمبن و الاسلام بصفه عامه. و ان موضوع الاخوان و كده ده الهدف منه بس انه ديكور عشان ميقدرش يطلع كده و يقول انه بيكره الاسلام و المسلمين. و للأسف في جماعات متطرفه في امريكا سيطرت الان على الحكم و حبيبك السيسي متعاون معاها و مع التنظيمات اليهوديه المتطرفه في امريكا. و انت عارف كويس قوي انه بيقابلهم باستمرار و انت قافل بقك و مش قادر تفتحه لأنك للأسف شخصيه قذره.

و أبشر كمان ان ترامب حيرميك انت شخصيا و رئيسك زي ورق التواليت. بالضبط. ده التشبيه الوحيد اللائق بك و بقذارتك.

الاسلاميون الذين أرادوا ترامب لانه سيجعل “الأمور واضحه” و لان “كلهم زي بعض”

مبسوط ان ترامب حيرجع التعذيب اللي لغاه اوباما؟ مبسوط انت جدا انك عاوز الأمور تبقى واضحه بأن شباب مسلم يتعذب. مصدر ٢. و ناوي تقابل ربنا و تقوله انك ايدت واحد بيعذب الناس.

مبسوط انت كمان انه حيمنع وصول اللاجئين من دول عربيه و اسلاميه و أولهم سوريا. مبسوط انت جدا ان ستات و أطفال سوريين كان عندهم أمل يخرجوا من المنطقه المخروبة دي و يعيشوا بني آدميين و الأمل ده انتهى و انت (آه انت شخصيا) ايدت ده عشان يبقى عندك احساس ذاتي جميل ان الإسلاميين بيكافحوا و بيستشهدوا. لان طبعا الشهاده أغلى امانينا. مع ان ربنا قالنا انه لينا هدف في الدنيا دي و الهدف ده مش اننا نعذب نفسنا و نعذب الناس حوالينا. و بعدين ما تخلوا العذاب على نفسكم. لازم كمان نتمناه للغير؟

مبسوط انت كمان كأسلامي محترم انه حيقبض على العمال المكسيكيين الغلابه. مبسوط انت. و طبعا و لا يهمك. لان الحقيقه انك مش إسلامي. انت قبلي. لان الاسلام اللي احنا نعرفه دين عالمي للناس كلها. الاسلام بتاعك هو دين القبيله. و لا يشمل حتى القبيله المجاورة في بلد مجاوره. ما بالك بعامل مكسيكي غلبان أكيد ميهمكيش في اَي حاجه.

واحد حيقول طيب احنا لينا حيله و لا احنا اللي كنّا انتخبناه. طيب بتفتح بقك و تاخد ذنوب ليه؟ هوه فتي و خلاص.

الصراحه منكم لله كلكم و احنا زهقنا.

المصادر:

١- ترامب يريد بترول العراق

http://www.cnn.com/videos/politics/2017/01/23/donald-trump-iraq-oil-isis-starr-lwe-tsr.cnn

٢- ترامب يريد اباحه التعذيب

https://www.theguardian.com/us-news/2017/jan/26/donald-trump-torture-absolutely-works-says-us-president-in-first-television-interview

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s