!الموعد شبه السنوي لتذكير السيساوية اننا قلنا ان الجيش سيفشل في سيناء

army_fails_in_sinai

في مقاله كتبناها في مارس ٢٠١٦ ذكّرنا فيها السيساوية اننا في يوليو ٢٠١٥ كتبنا مقاله ذكّرناهم فيها اننا في يناير ٢٠١٥ قلنا في مقاله ان الجيش المصري سينهزم في سيناء. و دلوقتي أهوه بنكتب المقاله شبه السنويه للتذكير بالسلسلة كامله.و لو مش مصدقنا ادخل مصدر ١ و شوف السلسله كامله بالتواريخ. 

بعد كده احنا حننشر المقاله بشكل اتوماتيكي دون انتظار ان الجيش ينضرب. 

 مضحكون جدا من سخروا منا عندما قلنا ان اسامه عسكر و قيادته في سيناء هي أسرع طريق ممكن للفشل. و مش عشان احنا بنضرب بالودع. لا. العلم العسكري و ردع حركات المقاومه (بصرف النظر عن رأيك السياسي فيها) هو علم و له قواعد. و عليك فقط تدخل في مصدر ١ و تعرف تنبأنا بأيه بالضبط. 

كفايه بس ننقل بعض ما قلناه:

“دون شك ان كثيرون الان تعرفوا علي كل نقاط ضعف الجيش. و عدم محاسبه المسئولين و الاستمرار في ذات الخط و الاستمرار في ذات السياسه من هدم و ترويع و قتل لن يودي الا لتفجر اكثر و ربما لانفصال سيناء فعليا. اللهم بلغنا. اللهم فاشهد و طبعا اتي الهجوم عنيفا من جحافل السيساويه. احنا مش فاهمين حاجه. و الجيش حيخلص علي الاٍرهاب. كان هذا في يناير ٢٠١٥. “

“يعني كتبنا اللي حيحصل بالضبط ان المقاتلين في سينا حيشددوا الضغط بذات الطريقه لأنهم شايفين عوامل الضعف. حيركزوا الهجوم علي الكمائن الثابته و المعسكرات بنفس الطريقه عشان شايفين الجيش الماسري العظيم بيهرب ساعه الضرب. و قلنا ان الاباتشي تم تحييدها في المعارك لان الجيش دلوقتي خايف يدخلها في القتال فتنصاب. و بيعتمد علي الدرونز من اسرائيل و طيارات الاف ١٦ علي ارتفاع كبير. و كل ده تاثيره محدود قدام عدو متحرك و جزء من السكان. و الا كانت الضربات الجويه اللي العالم كله بيعملها ضد داعش كانت عملت نتيجه. هذه ابسط مبادئ العلم العسكري.” 

“كلام واضح و توقع دقيق جدا للي حصل. و مفيش داعي لتكرار الكلام ان كمين ثابت اتعرض للقصف راح هربان بضباطه بجنوده و هم بيهربوا اتعملهم كمين تاني من المقاتلين بالرشاشات خلص عليهم كلهم. نفس الخطه بالحرف و التفاصيل و هي ذات خطه تي اي لورانس في حربه ضد الأتراك في الاْردن و فلسطين و سوريا. خطه محفوظه من الكتاب. و الجيش المصري بيقع فيها كل مره. بنفس الشكل و نفس الطريقه.” 

“مفيش حاجه نقولها دلوقتي غير استمروا. انتم علي الطريق. لما ولايه سينا تعلن العريش عاصمه يمكن وقتها تصحوا و تتخلصوا من السيسي و الحكم العسكري. “

ان هذا في يناير ٢٠١٥!!!! يا الله. نفس الحاصل بالمسطرة. لقد هرمنا. 

المصادر

 ١- توقعات سيناء

https://jawdablog.org/2016/03/22/military_fails_in_sinai/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s