تسونامي اتشاه

tsunami_indonisia

الصوره العلويه هي بعد تسونامي اتشاه في مقاطعه اتشاه دار السلام في اندونيسيا عام ٢٠٠٤. الصوره بالأسفل هي بعد إعمارها. مات اكثر من ربع مليون نسمه نتيجه هذا التسونامي. 

لماذا بعض المجتمعات تتمتع بالقدره العاليه على الصمود و الإعمار بينما تفتقد بعضها لتلك القدره؟ لماذا عـُمرت آتشه و ازدهرت بينما تنحدر القاهره و الاسكندرية دون تسونامي؟ 

 علماء الاجتماع اتفقوا ان اهم سبب لكده هو ما أطلقوا عليه رأس المال الاجتماعي social capital و هو قدره أفراد المجتمع على تكوين علاقات من الثقه بينهم و بين بعضهم. كم مره مثلا الناس في مجتمع ما تجتمع مع بعض عشان تتناقش في مصير نضافه العمارة بتاعتهم او الشارع بتاعهم. او للتناقش في الانتخابات القوميه و قدرتهم على ان يثقوا في بعضهم البعض و انهم يساعدوا بعض. 

طبعا زي ما احنا عارفين أساسا سكان العماره الواحدة في مصر عاجزين انهم يجتمعوا مع بعض و لو اجتمعوا حيتخانقوا مين حيدفع كام. كل ده بسبب انعدام الثقه. 

في بلد غربي انت بتستلف كتب من المكتبه العموميه بضمان إثبات الشخصيه دون الحاجه لترك رهن مثلا. فكر كده اذا كان ده ممكن في مصر. معظم التعاملات التجارية في الغرب اساسها الثقه. طبعا مفيش اَي ثقه قي التعاملات التجاريه المصريه. كتبنا ده قبل كده و شرحنا أسباب انعدام الثقه في المجتمع المصري. مصدر ١. 

في القرن ١٩ زار اليكس دي توكوفيل وزير خارجيه فرنسا وقتها زار أمريكا و لاحظ ان الأمريكان بيتناقشوا و يتقابلوا كتير. يعني مثلا أهل الشارع يعملوا حفله سنويه يتقابلوا فيها. في انتخابات شبه مستمره على كل المستويات. و الناس عندها رغبه انها تساعد بعضها. و سمى ده رأس المال المجتمعي او الاجتماعي. مصدر ٢. 

طبعا هو رأس مال حقيقي و ربما اهم من الفلوس. لانه بيمكن المجتمع من النجاح تحت الضغوط. Resilience. 

عارفين أيه اهم أسباب انعدام الثقه في مصر؟ عهود طويله من الاستبداد و عدم الأمان تلى المال او الانفس. يعني جامع الضرايب بتاع الحكومه و لا الملتزم بتاع محمد علي و لا الراجل بتاع التجنيد اللي بيلم الفلاحين من ايّام محمد علي، كل دول بيجوا على سهوه و ياخذوا فلوس اجدادك او زرعهم او رجالتهم. و بالتالي ازاي تثق في حد؟ بالعكس لازم تخبي اللي معاك و تتهرب من كل دول. عصور طويله من الاستبداد خلت مفيش ثقه في بعض. و طبعا بتدهور الأمور اكثر مع زياده الاستبداد. 

عرفت ليه؟ عرفت انه مفيش تقدم الا بالتخلص من الاستبداد. العلم بيقول كده. حتفضل ماشي ضد العلم كتير و لا كفايه كده؟ 

#على_نضافه

 المصادر

——-

١- على نضافه. الثقه هي الأساس. 

https://jawdablog.org/2015/09/04/cleaning_up_building_trust/

٢- رأس المال المجتمعي

http://www.socialcapitalresearch.com/literature/definition.html

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s