هل يجب ان نهتم بالبرادعي و تسريبه؟

barad3i_do_we_have_to_get_interested_in_his_leaks

عاطفيون نحن جدا و تأخذنا العاطفه بعيدا عن مصالحنا. نرجع للأصول الأساسيه و هدفنا الرئيسي. من تحديد الأهداف يمكننا ان نحدد افعالنا و ماذا نؤيد و ماذا نخالف. اتفقنا؟ هدفنا الرئيسي التخلص من السيسي و محاكمه كل المشاركين في الانقلاب و العوده للمسار الديمقراطي. واضح الكلام. 

البرادعي يتحدث الان لانه يرى ضعف نظام السيسي. عندما خرج البرادعي مهرولا من مصر بعد رابعه كان في البدايه لا يكتب حتى تويته مذعورا من النظام. و الان سيتحدث. هذا دليل ان النظام اصبح اضعف. و هذا بالطبع نراه في الانحدار الاقتصادي و تدهور علاقاته مع التحالف العربي الذي وضعه و حاول تثبيته. و حتى تدهور علاقاته مع المسيحيين. و لم يبقى له الا اسرائيل و ترامب. و كتبنا ان هذا مهم لسقوط النظام في السابق. مصدر ١. ليس معنى هذا ان النظام سيسقط الان. هذا له محددات شرحناها سابقا. مصدر ٢. 

طيب. كل لما البرادعي بيتكلم (بالذات في قناه ذات صلات قطريه) كل لما ضعف النظام حيبان. بصرف النظر عما يقول. اولا الناس حتتابع كلامه. ثانيا حيفتكروا تطورات الانقلاب. ثالثا حيفتكروا وقت لما كان فيه حريات. رابعا حيتكلموا في الشغل و مواقع التواصل الاجتماعي. كل ده حراك. و السيسي هدفه الأهم انه يموت اَي حراك. لذلك لو حتى البرادعي طلع و أتكلم في سعر البصل مش مهم. يتكلم عن عبد الناصر. عن السادات. عن اَي موضوع. يهمنا ده في أيه؟ و لا حاجه. المهم ان كلام البرادعي بيقلق النظام و يضعفه. و ده هدف في حد ذاته. طبعا اجمل و اجمل لو البرادعي اتهم النظام بالديكتاتوريه و القتل. واحد حيطلع يقول البرادعي شريك معه. أكيد. بس اولا مش أفضل ان الشركاء ينفضوا؟ زي ما شرحنا في مصدر ١ ان ده مهم لهدف تحالفات الانقلاب و البرادعي و تياره الليبرالي عضو مهم في التحالف. تقريبا هُو العضو الأوروربي تحالف الانقلاب. يا سلام كمان لو البرادعي يلف يطالب الدول الاوروبيه بالضغط للافراج عن المعتقلين و لو حتى محمد عاكف فقط. مصدر ٣. 

مش بس ان ده يفرج عن المعتقلين و ده طبعا مهم. لكن برضه بيوري النظام ضعيف اكتر. و ده هدفنا. 

هل معنى كده ان البرادعي خالي من الجرايم؟ إطلاقا. فيه وقت مناسب للحساب. 

طيب أيه دليل ان النظام قلقان من البرادعي؟ مفيش أوضح من التسريب اللي حصل حتى قبل ما يفتح بقه. يعني مثلا لو حد من الاخوان أتكلم النظام و لا حيطلع يتكلم حتى لأنهم سياسيا ورقه محروقة و السيسي قضى عليهم و بينهم خلافات. طبعا الاخوان كفكره مهمه جدا و باقيه لكن سياسيا في مصر مهزومين و لا يقلقوا احد. 

السيسي ليه يخاف من البرادعي؟ اولا التأثير الدولي. مكالمات لإنجيلا ميركيل تقلل شرعيه السيسي و هوه عارف كده كويس لانها حصلت قدّامه لما البرادعي لف يقلل شرعيه د مرسي. ثانيا. البرادعي عارف كتير. شهاده منه في محاكمات دوليه تودي في داهيه. بالذات انه خريج جامعه نيويورك في المحاماة. و السيسي اكتر حاجه خايف منها المحاكمات الدوليه. لذلك دائماً يقول انه مقتلش حد. و لما كلم هيجل بعد رابعه حاول يلصق القتل في الشرطه زي ما ظهر من تحقيق النيويوركر. مصدر ٤. 

جميل ان السيسي خايف من البرادعي. يطلعله تسريب مع عنان مع بتنجان. تسريب بان فيه ان البرادعي مش مقتنع بالثوره و بيتوسل للجيش. صح. غلط. مش مهم. المهم ان السيسي مرعوب و مبقاش في وضع الفعل. بقى في وضع رد الفعل. 

و رد الفعل بيّن ان السيسي كان متآمر على قياداته و بيسجل لهم. و ده طبيعي ان المجرم تحت الضغط و الانفعال و الخوف بتكتر غلطاته. و ده مطلوب و عظيم. 

يبقى احنا هدفنا ان السيسي يفضل كده أطول فتره ممكنه. و البرادعي يفضل ينكد عليه و يا ريت يتهمه بالقتل و يقول كده للعالم كله. 

يا ريت نركز و مندخلش بقى في معارك جانبيه مع دراويش البرادعي انه مش سابقنا بسنين ضوئيه و كل الكلام الخايب ده. ليه بتوع الشرعيه و دراويش البرادعي يضيعوا وقتهم في خناق مع بعض؟ احنا عاوزين بتوع البرادعي يدخلوا يبهدلوا السيسي و يكشفوا اكتر و يقووا عزيمه البرادعي انه يكمل اكتر. 

ركزوا الله يخليكم. 

المصادر

——–

١- هدم تحالفات السيسي

https://jawdablog.org/2015/03/07/how_to_break_military_coup_13/

https://jawdablog.org/2016/04/13/yes_sisi_is_afraid/

٢- محددات سقوط نظام السيسي

https://jawdablog.org/2015/11/24/how_to_topple_the_coup_by_21st_century_methods_when_the_next_revolution_will_happen/

٣- خطه محدده للافراج عن المعتقلين

https://jawdablog.org/2016/02/23/to_save_our_girls_and_detained_families_in_egypt/

٤- جنرال الظلام. تحقيق النيويوركر

http://www.newyorker.com/magazine/2017/01/02/egypts-failed-revolution

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s