!المؤامره الكوبية على مصر

cuban_conspiracy_against_egypt

اقرأ المقال ده اولا و انتظر مفاجأة قويه في الاخر! 

يظن كثير من المصريين ان مصر هي محور اهتمام مؤامره كونيه لا تنتهي. و الحقيقه ان المصريين بصرف النظر عن انتماءاتهم السياسيه مقتنعون تماماً بهذا. و كتبنا في السابق لدحض نظريات المؤامره الوهميه تلك و ان الهدف الوحيد من ترويجها هو إفهام المواطن المصري انه لا امل. يعني احنا يعني حنقدر نحارب امريكا و لا اسرائيل و لا الماسونيه و لا مجلس العالم (اختراع مخابراتي جديد). و كتبنا عن هذا في مصدر ١. مش معني كده انه مفيش مؤامرات. بالعكس. معني كده انك تفكر انت حتعمل ايه لان كل دول العالم تتعرض للمؤامرات و مع ذلك تتحرك و تنجح.

طيب ناخذ مثال دوله زي كوبا. نظن انه مفيش دوله اتعرضت لمؤامرات و حصار زي كوبا. ازاي؟

– دي دوله بينها و بين امريكا ذاتها مرمي حجر. يعني ساعات فقط بالسفينة هي المسافه بين هافانا و مدينه ميامي الامريكيه.

– استخدم الاتحاد السوفيتي كوبا كي تكون مقر مؤامرته علي امريكا. ايه هي المؤامره؟ نصب الاتحاد السوفيتي صواريخ نوويه في كوبا لتهديد امريكا، و هي مؤامره في منتهي الخطوره لا شك لان اي صاروخ منطلق من كوبا لا يعطي امريكا اي فرصه للرد (مصدر ٢).

ننسي نحن في مصر ان هذه مؤامره سوفيتيه لا شك.

استطاعت الاقمار الصناعيه الامريكيه كشف المؤامره السوفيتيه و اصبح العالم علي شفا حرب نوويه لان امريكا هددت بقصف كوبا و الاتحاد السوفيتي ذاته لانها لن تسمح طبعا بوجود صواريخ سوفيتيه علي هذه الدرجه من القرب من امريكا.

– قامت امريكا منذ الستينات و حتي ٢٠١٥ بفرض حصار بحري و جوي مطبق علي كوبا. فأي سفينه تدخل او تخرج من كوبا معرضه لتفتيش البحريه الامريكيه. و منعت امريكا اي تبادل تجاري مع كوبا و فرضت عقوبات علي اي احد يخترق الحصار علي كوبا.

– اسوء من ذلك قامت المخابرات المركزيه الامريكيه ذاتها بمحاوله غزو كوبا (مصدر ٣).

– و قامت المخابرات الامريكيه بعشرات من محاولات اغتيال رئيس كوبا فيديل كاسترو (مصدر ٤).

– و امريكا ما زالت تحتل قاعده جوانتانمو في كوبا، احتلال رسمي صريح بقاعده عسكريه هي الأشهر في العالم!

نظن مؤامرات في كل الاتجاهات. الاتحاد السوفيتي علي امريكا و امريكا علي كوبا و كوبا ضد امريكا. كل الاتجاهات.

لننظر ماذا حققت كوبا في كل هذه الأجواء:

—————————-

١- نسبه تعليم ٩٩,٨٪. من اعلي النسب في العالم ان لم تكن أعلاها علي الإطلاق. تقريبا لا توجد اميه في كوبا. مصدر ٥.

٢- احد افضل نظم التعليم الجامعي في العالم. و هو مجاني ١٠٠٪. و تقرير البنك الدولي عن التعليم في العالم يقول ان نظام التعليم في كوبا هو الأفضل في امريكا الجنوبيه (مصدر ٦).

تحتل جامعه هافانا المرتبه ٨٣ في العالم (مصدر ٧).

٣- يعتبر نظام الرعايه الصحيه في كوبا احد افضل النظم في العالم وفقا لمنظمه الصحه الدوليه (مصدر ٨). لدرجه ان الصحف الامريكيه تتغني به. لدرجه ان الأطباء الكوبيين هم من افضل الأطباء في العالم و أبحاثهم الطبيه علي مستوي عالمي لا نقاش فيه. و الرعايه الصحيه في كوبا مجانيه للجميع.

٤- متوسط دخل الفرد في كوبا ٦٠٠٠ دولار في السنه (مصدر ٩).

متوسط دخل الفرد في مصر هو ٣٠٠٠ دولار في السنه. يعني نصف متوسط دخل الفرد الكوبي.

يعني مواطن في كوبا عليه حصار و مؤامرات و ارضه محتله و متوسط دخله ضعف المصري اللي لا ارضه محتله و لا امريكا بتحاصره بالعكس بتديله طيارات اباتشي و بتديله معونه و السعوديه بتبعتله الرز و حتي اسرائيل بتفتح سفاره عنده و حكام اسرائيل كل يوم يتغنوا بالعلاقات مع السيسي، و كل ده و معندوش لا نفس التعليم و لا الصحه و حتي نصف دخل المواطن الكوبي!

عرفتوا ان المؤامره الحقيقيه علينا هي من حكامنا؟ و عرفتوا انهم عاوزينا نعيش في جو المؤامرات الخارجيه عشان نفقد الأمل.

و حتي لو فيه مؤامرات، السؤال انت عملت ايه؟ حتعمل زي امريكا و تكشفها بالقمر الصناعي و لا زي كوبا و تشتغل و تنتج و لا حتقضيها كلام زي ما السيسي عاوزك و تقعد و تستكين و هو يتآمر مع اسرائيل زي ما هو عاوز (مصدر ١٠).

أرجوكم. تخلصوا من الاساطير.

و الاساطير كلها مجمعه في مصدر ١١.

——————————————

المصيبه هي ان هذا المقال ليس جديدا بمناسبة وفاه فيديل كاسترو بل كتبناه في ٢٠١٥. فتفكر! 

https://jawdablog.org/2015/09/18/egypt_taboo_63_the_west_hates_us/

المصادر:

———

١- اسطوره المؤامرات الاجنبيه:

https://jawdablog.org/2015/05/25/gypt_taboo_47_the_west_hates_us/

خليك إيجابي… التواصل مع صحف الغرب

٢- مؤامره الصاروخ الروسيه في كوبا ضد امريكا:

http://www.history.com/topics/cold-war/cuban-missile-crisis

٣- محاوله غزو كوبا التي عرفت بخليج الخنازير:

http://www.history.com/topics/cold-war/bay-of-pigs-invasion

٤- محاولات اغتيال فيديل كاسترو:

http://mentalfloss.com/article/30010/10-ways-cia-tried-kill-castro

٥- نسبه التعليم في كوبا:

http://data.worldbank.org/indicator/SE.ADT.LITR.ZS

٦- حقائق عن نظام التعليم في كوبا:

https://academicexchange.wordpress.com/2015/01/08/15-facts-on-cuba-and-its-education-system/

٧- ترتيب جامعه هافانا:

http://www.topuniversities.com/where-to-study/north-america/cuba/guide

٨- نظام الرعايه الصحيه في كوبا هو من ضمن الأفضل في العالم:

http://www.huffingtonpost.com/salim-lamrani/cubas-health-care-system-_b_5649968.html

٩- متوسط دخل الفرد في كوبا و مصر:

http://data.worldbank.org/indicator/NY.GDP.PCAP.CD

١٠- العلاقات بين السيسي و اسرائيل:

https://jawdablog.org/2015/08/12/nitinyahoo_congratulates_sisi/

١١- الاساطير كلها مجمعه:

jawdablog.org/category/الأساطير-و-التابوهات-في-السياسه-المصر/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s