ماذا يحدث للبورصه المصريه؟

ماذا يحدث للبورصه المصريه؟

تعالوا نتعلم الاقتصاد ببساطه 

lets_learn_economy_11_9_16_1

فيه ناس بتقول الحق ده سعر البورصه المصريه عمال يطلع. و طبعا قنوات التطبيل استغلت الفرصه لتمارس وظيفتها في التطبيل. مصدر ١.

الحقيقه ان الأسهم المصريه التي يتم تبادلها في سوق لندن انخفضت حوالي ٣٠٪‏ في يومين اتنين فقط. مصدر ٢. لدرجه ان دلوقتي بقي سعر الأسهم دي اقل بكتير مما كانت عليه في ٣٠ يونيو ٢٠١٣ عندما تراجعت الثقه في الاقتصاد المصري تماماً و حصل الانقلاب وقتها زي ما احنا عارفين.

هذه الاسعار في لندن هي المهمه. ليه؟ لانها مقيمه بالدولار. و بالتالي مقيمه بعمله ثابته و متداوله. بينما اسعار البورصه المصريه في مصر مقيمه بالجنيه المصري. و لذلك ممكن جدا حاجه ترتفع بالجنيه المصري بس لان الجنيه المصري ذاته نازل جدا فالحاجه دي في الحقيقه تكون بتنزل قيمتها جدا بالدولار.

لكن مش ده الحاجه الوحيده اللي تفسر ليه سعر البورصه المصريه بيزيد في حين سعر الأسهم المصريه في لندن بيقل جدا. بينهار الحقيقه.

lets_learn_economy_11_9_16_2

اللي حاصل كمان للاسف ان ناس كتير عاديين و متوسطين عندهم مدخرات بالجنيه المصري و شايفين ان قيمه مدخراتهم تآكلت بشكل ضخم في خلال كام يوم بس. الناس دي تعمل ايه عشان تحافظ علي القيمه؟ ممكن يشتروا دهب او دولارات. لكن هم خايفين لان نظام السيسي ضحك عليهم و قالهم أوعوا تشتروا دولارات لان الدولار سعره بينهار. الناس دي كمان ممكن تشتري عقارات. و ربما بيعملوا كده فعلا. لكن هم خايفين لان سعر العقارات في مصر ارتفع بشكل كبير جدا. لذلك هم بيحاولوا يحافظوا علي قيمه مدخراتهم فيقوموا شاريين في البورصه عن اعتقاد ان البورصه المصريه مضروبه بقالها فتره و اسعارها قليله و بالتالي مفيش قدامها غير انها تطلع. مشتروات المصريين دي في مصر ممكن تخلي البورصه المصريه تطلع بشكل مؤقت. لكن ده مش بيغير الأساسيات و هي ان السعر في لندن هو الاهم. و من الواضح ان المستثمر العالمي بيبيع بشكل كبير و شايف ان الاستثمار في الأصول المصريه ممنوش عائد و ده اللي بيخلي أسعار الأسهم المصريه في لندن تنهار.

الفارق ده بين لندن و القاهره مش حيستمر كتير. بعد وقت قليل ربما على يناير حتقوم اسعار البورصه المصريه في مقر تنزل تاني و للاسف ناس كتير حتخسر في العمليه دي.

و سلسله تعالوا نتعلم الاقتصاد كلها مجمعه في مصدر ٣.

المصادر:

——-

١- ارتفاع اسعار البورصه المصريه:

http://m.elwatannews.com/news/details/1565891

٢- انخفاض اسعار الأسهم المصريه في بورصه لندن:

http://finance.yahoo.com/quote/EGPT/?p=EGPT

٣- تعالوا نتعلم الاقتصاد ببساطه:

https://jawdablog.org/category/الإقتصاد/حلقات-تعالوا-نفهم-الاقتصاد/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s