تعالوا نتعلم الاقتصاد ببساطه: توقعات الاقتصاد المصري خلال العامين القادمين

lets_learn_economy_10_5_2016

من اهم مؤشرات الاقتصاد المستقبليه لبلد ما هي اداء البورصه فيها. ليه؟ ببساطه لان المستثمر لما بيشتري اسهم في البورصه بيكون متوقع عايد علي الاستثمار ده. العايد ده اما انه يكون ان الشركه اللي اشترى السهم بتاعها تعمل ارباح سنويه و تديها لمالكي الأسهم. او ان سعر السهم يزيد جدا و بالتالي يبيعه و يعمل ارباح. طبعا لو اقتصاد بلد ما بيتحسن بشكل كبير بيحصل انه بيبقي فيه توقع ان ارباح الشركات تزيد و بالتالي يبقي فيه إقبال من المستثمرين انهم يشتروا الأسهم دي عشان ياخدوا الارباح دي. و الإقبال ده في حد ذاته بيخلي اسعار الأسهم تزيد. لو كل اسعار الأسهم في بلد ما تزيد ده معناه انه في توقعات بزياده الارباح و حدوث تطور اقتصادي. طبعا الكلام ده مش أكيد ١٠٠٪‏. لان المستثمرين دول بشر. بس الفكره انه الفكر الجمعي لمجموعه كبيره من المستثمرين يعطي فكره جيده عن المستقبل. 

كتبنا قبل كده (مصدر ١) انه البورصه المصريه صغيره و يسهل التأثير فيها من قبل مجموعه مستثمرين. لذلك في الاغلب سعر البورصه يعكس توقعات المجموعه دي من المستثمرين لمستقبل الاقتصاد المصري. 

كتبنا من سنه و ٣ شهور (مصدر ١) بالنص ان توقعاتنا للبورصه المصريه الا يقل مستواها إطلاقا عن مستوي يونيو ٢٠١٣ و هو اقل مستوى وصلت له. كمان قلنا بالنص ان توقعاتنا انه مستواها لا يزيد كثيرا عن مستوي يونيو ٢٠١٣. و بالضبط هوه دي اللي حصل. 

و بعدين من ٣ شهور كتبنا التالي بالنص (مصدر ٢):

“من الاخر كده تنبأنا في يوليو ٢٠١٥ ان البورصه ستهبط لمعدلات يونيو ٢٠١٣ بحلول اكتوبر ٢٠١٥ و لكنها ستكون فقط شده ودن و انها لن تتحرك كثيرا بعيدا عن ذلك! 

و هذا بالضبط ما حدث. بالضبط. انظر الشكل المرفق و به تحركات البورصه المصريه كما يتم تداولها في سوق لندن و استخدمنا هذا لانه يحيد تأثير هبوط الجنيه المصري. 

لاحظ انه بالضبط في اكتوبر ٢٠١٥ زي ما توقعنا عادت الأسهم لمستوي يونيو ٢٠١٣. بالضبط كما توقعنا. 

لاحظ كمان حجم التعاملات الكبير اللي حصل في يونيو – يوليو ٢٠١٤. هو نفسه حجم التعاملات اللي حصلت في يونيو – يوليو ٢٠١٣. واضح جدا ان اللي اشتري في ٢٠١٣ عشان البورصه تطلع هو نفسه اللي باع في ٢٠١٤ و عمل الفرق اللي هو تقريبا ضاعف امواله، و لما باع في ٢٠١٤ خلي البورصه تنزل. و طبعا فيه قرطاس باع في ٢٠١٣ لانه كان عايش جو القلق وقتها اللي كلنا دلوقتي عرفنا انه كان مصطنع و ان الأزمات كانت مصطنعه. و طبعا القرطاس التاني اللي اشتري في ٢٠١٤ تحت اجواء ان السيسي حيجيب الخير و ان نعم حتجيب النعم و ان مصر حتبقي قد الدنيا. الخ. القرطاس ده اشتري في ٢٠١٤ و دلوقتي خسر نص فلوسه و مش عارف حيعمل ايه. 

الشعب ده لقطه و الله. احنا بنتكلم عن ناس ضاعفت فلوسها في سنه بسبب “جمال” هذا الشعب. ياريت نوعي و نفتح بقي.”

يعني في يوليو ٢٠١٥ قلنا انه بحلول اكتوبر ٢٠١٥ البورصه حتنزل لمستويات يونيو ٢٠١٣ و بعدين ترتفع بعد كده عشان متبقاش شده ودن كبيره للسيسي. لكن مش حترتفع قوي و تفضل في نطاق ضيق جدا. هم مش عاوزين يوقعوه. هم بس عاوزينه يفضل مشدود ودانه و ميقبش فوق الميه. و بعدين في يوليو ٢٠١٦ ق

تعالوا نكمل بقيه القصه لانها لسه مستمره. بص علي الشكل المرفق حتلاقي ان الموضوع مازال مستمر. السعر يزيد شويه لكن ميعديش ٤٠ دولار للسهم. و بعدين ينزل بعدها و يوصل ٣٢-٣٣ دولار للسهم و كل ده بيحصل في شهور قليله. 

طبعا المستثمر الكبير اللي فاهم اللي بيشتري علي ٣٢ دولار و يبيع علي ٤٠ دولار بعد كذا شهر ده واحد عامل ٢٥٪‏ ربح من الهواء في ظرف عده شهور. و طبعا فيه ناس لقطه بتبيع للمستثمر الكبير ده علي ٣٢ دولار و بترجع تشتري منه تاني علي ٤٠ دولار. الناس دي لقطه و الله. الموضوع ده يتكرر مرتين تلاته في ظرف سنه او اتنين يبقي المستثمر الكبير ده عمل ٧٥-١٠٠٪‏ ربح في السنه من و لا شيئ. و المستثمر الكبير ده مبسوط جدا ان السعر بيدور في دايره مغلقه و كمان توقعات المستثمر الكبير ده ان محدش من بره حيدخل يلخبطله العمليه و يرفع الاسعار عليه لان البلد لا فيها استثمارات اجنبيه و لا بتاع و بالتالي ده معناه ان العالم كله متوقع ان الاقتصاد المصري يفضل تماماً محلك سر. لا حيقع زي ما البعض يتمنى و لا حيقوم لان إمكانيات السيسي و حكومته محدوده جدا. العالم بس عاوزه يفضل قافل علي غطا البلاعه و يمنع عنهم ان تحصل اضطرابات جديده هم مش قدها فالعالم معندوش مانع يدفع قرض صندوق و قروض من السعوديه و الصين عشان مصر تفضل لا عائمه و لا تغرق. 

لذلك يظل الحال علي ما هو عليه. و الخط البياني واضح جدا جدا في الصوره. 

و تابعوا السلسله كلها في مصدر ٣. 

المصادر:

——–

١- تعالوا نتعلم الاقتصاد ببساطه … البورصه:

https://jawdablog.org/2015/01/10/understand_economy_03_15/

٢- عام علي توقعاتنا للبورصه المصريه:

https://www.google.com/amp/s/jawdablog.org/2016/06/29/ayear_since_predicting_egyptian_stock_market/amp/?client=safari

https://jawdablog.org/2016/06/29/ayear_since_predicting_egyptian_stock_market/amp/

٣- السلسله كامله من تعالوا نتعلم الاقتصاد:

https://jawdablog.org/category/الإقتصاد/حلقات-تعالوا-نفهم-الاقتصاد/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s