اين هو كوبري مصر – السعوديه؟

where_is_saudi_egypt_bridge

في ابريل من هذا العام حصلت زيطه و زمبليطه حول ما اطلق عليه كوبري الملك سلمان ليربط بين مصر و السعوديه و كان ذلك جزء من محاوله دربكه المصريين كي يتقبلوا التنازل عن تيران و صنافير. 

و كتبنا يومها مقاله (مصدر ١) انه لن يتم انشاء اي شيئ. و ان من يريد الربط بين البلدين لا يحتاج لا جسر و لا نفق و لا يحزنون. يحتاج فقط عباره مثل التي كانت تربط السويد بالدانمارك او زامبيا لبوتسوانا! علي الأقل ريثما يتم انشاء الجسر المزعوم! 

قلنا انهم بيشتغلوكم. 

و ها قد ثبت ما كتبنا. هل نفذ احد جسرا؟ أبدا؟ هل حتي بدأ اي احد في عطاءات الجسر؟ إطلاقا. طيب حتي ذكره في الاعلام؟ مفيش؟ 

طيب حتي نعمل كده زي ايام مصر بتفرح بقناه السويس و يطلع رئيس الهيئه الهندسيه يقول الجسر حياخذ ٣ سنين يقوم شاخط فيه و يقول لازم في سنه واحده. طيب تبرعات من المصريين حتي لتنفيذ الكوبري؟ مفيش حس و لا خبر. 

و طبعا طلع ما يطلق عليه وزير النقل في تصريح صغير عشان يعلن وفاه الجسر و يقول ان تنفيذه تعترضه عقبات! 

يعني العقبات دي مظهرتش مثلا في ابريل و لا مايو ايام ما كل المصريين كانوا شد تيران و صنافير! عشان بس تعرفوا انهم قد ايه بيشتغلوكوا و متخيلين أنكم هبل. 

و كتبنا بالنص ليه لا مصر و لا السعوديه عاوزين جسر بينهم والموضوع لا فيه اسرائيل و لا يحزنون من الكلام اللي المخابرات بتضحك عليكم بيه ده. اسرائيل تقدر تأمن الجسر و فوق الجسر و تحت الجسر كمان و تقدر تطلب انها تفتش كل مصري و سعودي معدي علي الجسر و تروح سور التفتيش لها في تل ابيب ذاتها. انتم بتتكلموا عن انظمه هي ذات نفسها محاصره قطاع غزه و اسرائيل بتطلب منهم يخففوا الحصار. و اللي حيقول دي مصر مش السعوديه بيبقي جاهل لان مكالمه واحده من ملك السعوديه ترفع الحصار عن غزه. السبب الحقيقي كما كتبنا في السابق هو:

“من ناحيه السعوديه الرابط البري بالأساس سيكون بين سكان تبوك السعوديه و سكان شرم الشيخ المصريه. بمرور الوقت سيحدث انتقال للبضائع و السكان بين المدينتين و يقل أتصال تبوك مع المنطقه الشرقيه السعوديه و يزداد ارتباط المنطقه الغربيه السعوديه مع مصر. و بالأساس أهل الغربيه و الشرقيه يوجد بينهم جفاء فأهل الحجاز ما زالوا اكثر تمدينا و اتصالا بالعالم و اقل انغلاقا و اقرب للهجه المصريه.

من الناحيه الثانيه وجود رابط بري يعني حركه مزيد من السكان لمنطقه شرم الشيخ و المنطقه المحيطه بها لخدمه السعوديين القادمين و في اعمال البيع و التجاره. و هذا يودي لتعمير سيناء و هو امر يبدو ان حكومات مصر المتعاقبه لا تريده (https://jawdablog.org/2014/12/30/leave_the_sinai_desert_or_reconstruction/) و بالذات مبارك و السيسي (لا علاقه للامر بكامب ديفيد و لا يوجد شيئ في كامب ديفيد يمنع مصر من تعمير سينا بالعكس السادات كان يتحدث باستمرار عن نقل السكان من الوادي الي سيناء – مصدر ٥. الحقيقه ان مبارك و السيسي و الجيش المصري متواطئون في تفريغ سينا من السكان و من السهل ان يلقوا المسئوليه في ذلك علي السادات و كامب ديفيد فلا احد يستطيع ان يحاسبه الان بينما يتهربون هم من المسئوليه و هي خطه جهنميه لا مثيل لها و الشعب المصري كله يقع فيها كل يوم!).

بين بوتسوانا و زامبيا توجد معديه تنقل الأفراد و سيارات النقل و الأتوبيسات علي مدار الساعه. اسمها معديه كازونوجولا (الصوره الثالثه) و تعمل بكفاءه. لا استنوا كوبري و لا نفق. و التجاره بينهم تنساب بسهوله. لذلك نقول اننا في سنوات سنتخلف عن افريقيا دون شك. التجاره جزء كبير من الربح و حركه التجاره الدوليه هي ما أنتجت الرفاهيه التي يعيش فيها الغرب الان. تخلصوا من الاساطير”

و الله بيشتغلوكوا. فوقوا بقي أرجوكم. مش تمسكوا في خناقنا احنا عشان بنصحيكم. 

المصادر:

———-

١- اسطوره ان مصر والسعوديه تريدان جسر بينهما:

https://jawdablog.org/2016/05/01/myth_egypt_and_saudi_need_bridge/

٢-تصريحات وزير النقل الاخيره حول صعوبات الجسر:

http://m.almesryoon.com/دفتر-أحوال-الوطن/881747-صعوبات-تعرقل-تنفيذ-الجسر-البري-بين-مصر-والسعودي?template=mobile

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s