هل ٢٠١٨ عام الخلاص من السيسي؟

2018_the_end_of_Sisi

في مارس ٢٠١٦ بعد خطاب السيسي الموغل في القذافيه و الذي تبدي فيه عجزه الشديد كتبنا مقالا بعنوان “اوهام سقوط السيسي قريبا” (مصدر ١). و هاجمنا كثيرون. و قال احدهم سيسقط في بضع شهور. و قال بعض القراء انتم غلطانين و كلها حسبه شهرين او ثلاثه علي الاكثر! و قلنا في الردود وقتها ان اقرب ميعاد ممكن ان نتخيل فيه سقوط السيسي هو ٢٠١٨. لسبب بسيط ان السعوديه و الخليج يريدون بأي شكل تلصيم مصر و هم بالكاد ادخلوا الثوره المصريه في الصندوق او بيت الطاعه الان. و بالتالي فأي كلام عن انتخابات مبكره او ثوره شعبيه او غيره يعيد مصر مره اخري خارج بيت الطاعه و الجماعه لما صدقوا. حتي لو السيسي مشكله لهم فهي مشكله اقل من الجماهير المصريه التي يكره شكلها حكام الخليج. 

و طبعا بدا واضحا ان كل ما قلناه كان صحيحا و ان السيسي لم يسقط في حسبه لا شهرين و لا تلاته. 

و الحاصل الان هو شد ودن للسيسي من حكام الخليج الذين ملوا الانفاق علي مصر و ان الأموال تتجه للإنفاق علي أهل السيسي و عشيرته. فالجماعه في الخليج لا يمانعون في ترفيه الجيش و الشرطه و القضاء لكن ان تدار بقيه الأموال بشكل افضل. و خصوصا فقد اضطرت اماره ابو ظبي لتسريح عماله في شركه أدنوك للبترول (مصدر ٢) و كذلك تفعل السعوديه. لذلك هم يستغربون انهم يتقشفون بينما السيسي يُبحبح. مما اضطر الامارات ان تسحب مستشاريها من مصر (مصدر ٣). و هم أناس كانوا بمثابة المدعي السامي الامارتي في مصر. فالجيش في مصر يستولي علي كل المشاريع و لا يترك شيئ لرجال الاعمال. و الامارات تريد ان ياخذ الجيش البعض و ليس الكل! 

و لجوء مصر لصندوق النقد الدولي هو بمثابة شد ودن جديده يعطيها الخليج للسيسي. و كلنا يذكر ما حدث وقت انتخابات السيسي بمثابة شد ودنه عندما صدرت الصحف تقول “الدوله تبحث عن صوت”. 

كذلك يجب ان نفهم ان حكام الخليج يتطيرون و يعتقدون في الحظ السيئ و الساري لديهم الان ان السيسي وشه نحس و انهم دفعوا كل هذه الأموال و ما زالوا قلقين علي الوضع في مصر. و ان اداري ناجح مثل مبارك او شفيق كان كفيلا بأن يزيح هم مصر تماماً من علي أكتافهم. 

و هم طبعا كما كتبنا في السابق (مصدر ٤) لا يريدون لمصر الانطلاق تماماً كما لا يريدونها ان تغرق و يأخذهم ثقلها معها. فلو انطلقت مصر تماماً لتجاوزتهم و قزمتهم و لو غرقت لاغرقتهم. 

كذلك يجب ان نفهم اننا نقول ربما في ٢٠١٨ يظهر رئيس جديد عسكري (ايضا) شبه عسكري مثل شفيق المقيم في الامارات و الذي يتم دفعه عند الحاجه لاقلاق السيسي. و شفيق بالقطع اكثر فهمًا و تعليما و قدرات إداريه من السيسي و كل جيله من الجيش و كل من تلي جيله ايضا. 

و نقول “ربما” انه عندما يحين الجد قد يظهر مبدأ اللي نعرفه افضل و لماذا نغامر. 

و قد كتبنا سابقا التالي:

“غير كده، السيسي قاعد و مكمل مدته و المده اللي بعدها كمان. و لو استمريت انت بسلبيتك دي حيغير الدستور و يقعد ٣٠ سنه كمان. ايه رأيك. “

و كتبنا ان شروط الخلاص من السيسي ٤ هي:

“١- غضب العامه حول احوال حياتيه معينه. 

٢- عدم رضا النخبه او الطبقي الوسطي بصفه عامه و رغبتها في التغيير و إحساسها ان التغيير مضمون العواقب و سيأتي بما هو ماديا افضل. 

٣- اما رضا الاطراف الخارجيه المؤثره عن التغيير القادم او تحييدها. 

٤- حدوث اجواء سيوله سياسيه في المنطقه مثل اسقاط ابن علي في تونس مثلا الذي اشاع في مصر تفاؤل بامكانيه التغيير. انا وقد فعلها شعب تونس فيمكن للشعب المصري فعلها ايضا. 

لماذا نحتاج العوامل الاربعه مجتمعه؟

١- بدون العامه لا يمكن ملأ الميادين بل ستتحول التظاهرات الي وقفات تنتهي بإلقاء الجيش و الشرطه القبض علي المناوشين من الشباب. 

٢- الطبقه الوسطي و النخبه هم الأكثر قدره علي التنظيم فمثلا هم من يجيدون القياده و التنظيم و التفاعل عبر وسائل التواصل الاجتماعي مثلا. كذلك هم يجيدون التعامل مع العالم. من الصعب تشكيل ثوره دونهم. و لو حدث يمكن قمعها بسهوله. حتي ثوره الجياع التي يتحدثون عنها يمكن السيطره عليها بالقمع دون ان يدري العالم عنها شيئ. بالعكس يمكن ان تخرج النخبه المصريه و تقول انه يجب قتل هؤلاء الجياع و يوفرون الغطاء الاخلاقي للسلطه و الجيش للقضاء علي هؤلاء في اماكن تجمعاتهم في الريف و العشوائيات. 

٣- بدون تضامن عالمي سيهمل الاعلام واقع ما يحدث في مصر و لن يحدث ضغط علي السلطه مثلما حدث وقت مبارك عندما خرج كثيرون من زعماء العالم مطالبين مبارك بالتنحي. و لعلنا لا ننسي هذا. 

٤- الثابت انه في حاله مصر لم تحدث بها ايه ثوره شعبيه في القرن ٢٠ او ٢١ دون وجود اجواء سيوله سياسيه في المنطقه. فمثلا ثوره يناير لم تحدث الا بعد ثوره تونس و وضوح قدره الشعب التونسي علي اسقاط الرئيس. كذلك ثوره ١٩١٩ لم تحدث الا في اجواء سقوط الامبراطورية العثمانيه و أعاده تشكيل النظام السياسي في المنطقه وفقا لسايكس بيكو ووفقا لاتفاقات تشرشل في ميناهاوس. كذلك حريق القاهره و ما تلاه من انقلاب عسكري لم يحدث الا بعد الهزيمه في حرب ٤٨ و نشوء دوله اسرائيل. حتي الثوره العرابيه حدثت مع تدخل بريطانيا و فرنسا في مصر و إعادتهما تشكيل النظام القضائي في مصر بشكل اصبح مماثل للحمايه و مقارب للاحتلال، و هكذا كانت السيوله السياسيه في المنطقه مقدمه ضروريه في القرن العشرين و الواحد و عشرين لحدوث تطورات سياسيه شعبيه في مصر. 

نطبق الكلام ده علي ٢٥ يناير:

١- احوال اقتصاديه سيئه. ربما دلوقتي اسوء كمان بكتير من ٢٥ يناير. لكن ده سبب كافي انه تقوم انتفاضة يسهل قمعها لكن مش انه يحصل تغيير في نظام الحكم. 

٢- وقتها في ٢٥ يناير كان في الجمعيه الوطنيه للتغيير و داخل فيها الاخوان و البرادعي و اليسار. لذلك كان في شعور عند الطبقه الوسطي و كبار موظفي الدوله و كبار ضباط الجيش ان التخلص من جمال مبارك و التغيير عمليه مأمونه لان في بديل ممكن. 

هل هناك بديل الان؟ كبار موظفي الدوله خايفين من رجوع مرسي و الاخوان خوفا من الانتقامات. الاخوان مختلفين بينهم و بين بعض و متخانقين مع معظم النخب. بعض الناس خايف من المحاكمات. بعض الناس حتي اللي ادرك ان السيسي مصيبه خايف من التغيير لانه مش شايف بديل ممكن. 

هي دي النقطه اللي لازم كلنا نشتغل عليها. ازاي نجمع بَعضُنَا في بديل ممكن دي ما كتبنا في مصدر ٢. 

٣- في بوادر تأييد عالمي بالذات في الغرب. لكن لاحظ في ٢٥ يناير كان البرادعي بيلف العالم ضد نظام مبارك و ده تاثير مش بسيط. دلوقتي هوه قاعد ساكت و فقط كتبنا اننا نستعمله لإخراج المعتقلين هوجمنا بشكل كبير مع انه مفيش حد تاني في مصر له نفس الثقل الدولي. مفيش. معندناش. دوله ضعيفه الاتصال بالغرب خارج إطار سيطره الجيش. نعمل ايه؟ 

٤- مفيش سيوله في الإقليم حاليا. في اصرار للاطراف علي الحفاظ علي الوضع الحالي سواء في سوريا او اليمن و طبعا السعوديه لن تضحي باستقرار مصر بسهوله بعد لما دفعت فيه ٣٠ مليار دولار من الرز و مش حتغامر عشان السيسي طلع شكله قذافي. افضل ما ستفعله السعوديه انها تسقط السيسي في الانتخابات الجايه و تجيب بداله جنرال اخر اكثر سمعا للكلام و اقل طلبا للرز و اقل جهاله (لو لقيوا حد اقل جهاله يعني). 

نقطه ١ شغاله كويس و السيسي و الجيش بيخلصوا علي الاقتصاد من غير مساعده من حد. 

نقطه ٤ مش في أيدينا. السعوديه و سوريا و الخليج خارج نطاق سيطرتنا. لذلك نركز في اللي نقدر عليه. 

نقطه ٢ و٣ دول في إمكانياتنا. يعني نشتغل علي ان يكون في بديل و خريطه طريق واضحه تطمن لها الطبقه الوسطي. و نشتغل اننا نحاكم المجرمين في العالم و اننا نعمل حملات دوليه ضد النظام المصري. 

بيعجبنا جدا الناس اللي أكيد حتهاجمنا عشان بنقول حملات دوليه لأنهم حيقولك انتم معتمدين علي العالم. الناس بتوع الجهود الذاتيه دول لطاف قوي لأنهم اول ناس يقولوا مؤامرات خارجيه و لما تقولهم طيب نحيد تاثير الخارج يقولك لا انت عميل. و دول طبعا ناس فاكرين الغرب زي مصر يحكمه رئيس واحد و بفكر واحد. يا عيني الناس دي غلابه لأنهم عاشوا طول عمرهم في استبداد و فكر الزعيم الأوحد و مش متخيلين ان الغرب فيه تيارات كتيره و فيه منظمات حقوق إنسان. و فيه دونالد ترمب اللي عاوز يطرد المهاجرين و يعذب المسلمين و فيه برني ساندرس اليهودي اللي بيخطب ود المسلمين و فيه راتشيل كوري اليهوديه اللي ماتت عشان بتدافع عن الفلسطينيين ضد الاسرائليين. 

٢ و ٣ دول لما يشتغلوا يبقي نقول ان التغيير قرب. غير كده، السيسي قاعد و مكمل مدته و المده اللي بعدها كمان. و لو استمريت انت بسلبيتك دي حيغير الدستور و يقعد ٣٠ سنه كمان. ايه رأيك. “

اذا الامر في يدك و خليك ايجابي. اعمل المكتوب في مصدر ٥. 

لن يسقط السيسي من نفسه. سيسقطه نحن. انا و انتي و انت و كلنا. 

المصادر:

——–

١- اوهام سقوط السيسي قريبا:

https://jawdablog.org/2016/03/07/illusions_about_sisi_fall_soon/

٢- تسريح العماله في الخليج:

http://www.reuters.com/article/emirates-oil-idUSL5N18C0DD

http://oilprice.com/Energy/Energy-General/50000-Laid-Off-In-Saudi-Arabia-As-Oil-Crisis-Bites-Deeper.html

٣- الامارات تسحب مستشاريها من مصر:

http://arabi21.com/story/933934/إيكونومست-الإمارات-تسحب-مستشاريها-من-مصر-وتؤخر-الد

http://www.eanlibya.com/archives/91170

٤- ماذا يريد الخليج من مصر:

https://jawdablog.org/2015/06/23/ماذا-تريد-السعوديه-من-مصر؟-تعالوا-نتكل/

https://jawdablog.org/2015/05/20/sisi_and_saudi_strategy_in_region/

https://jawdablog.org/2015/03/22/national_security_and_gulf/

٥- خليك ايجابي:

https://jawdablog.org/category/الانقلابات-العسكرية/كيف-تكسر-الإنقلاب/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s