العبره بالمنسوب: و ما زال منسوب بحيره ناصر ينهار

Naser_Water_Level

القمر الصناعي جاسون ٢ بيراقب مناسيب البحيرات في العالم كله و بينشرها هنا (مصدر ١) و طبعا من بينها منسوب بحيره ناصر اللي نظام السيسي عامل حظر نشر عليها. احنا عاوزينكم كلكم تدخلوا علي موقع القمر الصناعي ده و تشوفوا بعينكم ايه اللي بيحصل. حتلاقوا في شهر يوليو فقط نزل منسوب البحيره حوالي ٢٠ سم بينما في شهر يونيو نزل المنسوب حوالي ٨٠ سم و زيهم في شهر مايو. عاده شهر يوليو ده 

بيبقي فيضان و يتجه منسوب البحيره للارتفاع مش الانخفاض. ده اللي احنا اتعلمناه و ده اللي البيانات بتوريه طول تاريخ الرصد. 

احنا بقالنا سنتين من سنه ٢٠١٤ و منسوب بحيره ناصر مستمر في الانخفاض دون توقف و دي اول مره تحصل في التاريخ. نعم انت سمعت صح و قريت صح. دي اول مره في تاريخ الرصد ان باختصار ميجيش فيضان و منسوب البحيره ميزيدش في الصيف. حتي في وقت الجفاف في اثيوبيا في الثمانينات كان بيجي فيضان و المنسوب بيزيد. لكن من ٢٠١٤ ده مش بيحصل في وقت الجنرال الميمون. 

قارن ما كتبناه في مايو ٢٠١٦ (مصدر ٢) و بين المرصود الان ستجد ان الحاله مرعبه. و المقارنه واضحه في الشكل المرفق. يعني مع كل تطبيل اعلام السيسي عن الفيضان في اثيوبيا و انهيار الكباري و البوابات الخ نتيجه كثره المياه لم يحدث شيئ الا ربما انخفاض في تسارع نقصان منسوب البحيره. يعني بدل ما بتنقص ٨٠ سم في الشهر بقت بتنقص ٢٠ سم في شهر يوليو! اللي هوه الشهر اللي المفروض منسوب البحيره فيه بيبتدي يزيد من ساعه لما بدأت بحيره ناصر حتي عام ٢٠١٤ في عصر البلاء السيسي اللي احنا فيه ده. يعني مثلا في شهر يوليو ٢٠١٢ زاد منسوب البحيره حوالي ١٠ سم بسبب بدايه الفيضان (مصدر ٣). احنا دلوقتي بنتكلم انه فيضان عظيم جدا الحمد لله ان منسوب البحيره قل بس ٢٠ سم. عشان بس تقدروا المصيبه اللي احنا فيها. 

علي فكره مصر في ٢٠١٥ لم يحدث فيها اي ارتفاع في منسوب بحيره ناصر إطلاقا. نفس اللي بيحصل دلوقتي. نفس اللي بيحصل دلوقتي في ٢٠١٦. حصل بس تباطؤ لانخفاض منسوب البحيره خلال الصيف نتيجه ان شويه ميه جايين بس اقل بكتير من التصرفات الطبيعيه التي تحتاجها مصر، و بعدين خلاص رجع الانخفاض يتسارع مره اخري. المهم ان الانخفاض في المنسوب مستمر. العبره بالمنسوب. 

بالمعدل ده في الانخفاض حنوصل لمنسوب التسعينات علي أواخر السنه دي. منسوب التسعينات ده كان بعد أطول فتره جفاف ي تاريخ السد. ده لما كان فيه جفاف رهيب في اثيوبيا. وقتها مع بدايه التسعينات اقتربت محطه السد من التوقف تماماً. احنا داخلين علي كده مع أواخر السنه دي بالمعدلات اللي ماشيين عليها دلوقتي. 

و لو عاوز تعرف توقعات ده ايه و ان الجنرال الدكر باعترافه سلم لاثيوبيا كل حقوق مصر في النيل اقرأ كل ما توقعناه قبل كده (مصدر ٤) لان احنا الصراحه زهقنا من ان كل التوقعات بتحصل و اننا كشعب بنتفرج علي كل التوقعات عماله تحصل. هرمنا و الله. و بالنسبه للي بيقولوا انتم بتقولوا بس المشاكل فين الحلول. اولا احنا كتبنا الحلول كلها و الجنرال مشي عكسها تماماً و الكلام واضح كل المطلوب انك تقرا المكتوب في مصدر ٤. ثانيا. الجنرال هو اللي ودانا في داهيه مش جوده. ليه مش بتحاسبه بدل ما تيجي تكلمنا؟ 

ربنا يرحمنا. 

المصادر:

——-

١- القمر الصناعي جاسون ٢:

http://www.pecad.fas.usda.gov/cropexplorer/global_reservoir/gr_regional_chart.aspx?regionid=metu&reservoir_name=Nasser

٢- رصد جوده لمنسوب بحيره السد في مايو ٢٠١٦:

https://jawdablog.org/2016/06/14/lake_naser_water_level_drops/#more-3632

٣- بيانات القمر الصناعي جاسون يوم بيوم منذ بدايه الرصد:

http://www.pecad.fas.usda.gov/lakes/images/lake0331.TPJO.2.smooth.txt

٤- توقعات جوده عن مشكله المياه في مصر و حلولها:

https://jawdablog.org/2016/05/11/egypt_water_crisis_satelite_analysis/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s