!الاجابه البرازيل

The_Answer_Is_Brzil

في سنه ٢٠١٣ كتبت جوده سلسله مقالات تتبعت تطور الانقلاب العسكري في البرازيل حتي سقوطه في ١٩٨٥. شفنا ان السمات بين مصر و البرازيل متقاربه جدا كأن الانقلابات تسير علي مسطره. 

الحقيقه ان مصر و البرازيل بينهم تشابه كبير. فهم اكبر دولتين سكانا في المحيط و لهم ثقافه متميزه لها تاثير كبير في الإقليم حواليهم. كمان في تشابه ان البلدين عندهم تاريخ كبير من الحكم العسكري و الملكي (البرازيل كانت ملكيه في السابق) و عندهم تفاوت كبير في توزيع الثوره بين أغنياء جدا و فقراء جدا. عشان كده اخترنا ندرس البرازيل و تجربتها بدقه. 

مثلا شفنا في الحلقه الاولي (مصدر ١) ان انقلاب مارس ١٩٦٤ في البرازيل كان في وسط مظاهرات شعبيه نظمتها الكنيسه و رجال الاعمال و الاعلام ضد الرئيس البرازيلي المنتخب جوارو جولارت الذي لم يكن قد اكمل بعد عامه الاول! و شفنا في نفس الحلقه ان الجيش مطلعش يحكم من الاول كده. ده راح حاطط رئيس المجلس التشريعي كرئيس موقت طبعا كمنظر بدون اي فعاليات حقيقيه. 

في الحلقه ٢ (مصدر ٢) بقي شعار الجيش في البرازيل اما انك تحب البرازيل او تتركها! 

مش ممكن نفس ما حدث في مصر بالضبط. 

بدأ الجيش بقياده قايد الانقلاب كاستللو برانكو (اللي طبعا بقي رئيس جمهوريه) سياسه قمعيه شديده. و كذلك انتهج سياسه تسهل الحصول علي القروض و المعونات الخارجيه (مش قلنالكم ماشيين بالمسطره). 

بعد الانقلاب كان هناك توقعات تحصل حرب أهليه في البرازيل. لكن عدم حدوثها ادي لنقمه شديده في أوساط الشباب. اللي عملوا إضراب و مظاهرات يوميه. لجأ الجيش البرازيلي معاهم لما سمي بفرق الموت للتعامل مع قيادات الطلبه. كل من يعارض تم قتله او اعتقاله ليذهب وراء الشمس. و الحلقه الثالثه (مصدر ٣) تشرح تفاصيل عمل فرق الموت تلك. و كيف انها كانت فوق القانون و انها انتشرت من البرازيل نحو بقيه امريكا اللاتينيه. 

في الحلقه ٤ (مصدر ٤) شفنا ان الجنرال برانكو قايد الانقلاب اضطر للتخلي عن الرياسه بعد انتهاء مدته بضغط من الخلافات بين قيادات الجيش و جه بعده وزير الدفاع ارتور كوستا بعده و كان اكثر تطرفا و قمعا من برانكو نفسه. لذلك دائماً بنقول ان تعميق الخلافات بين قيادات الجيش مهم عشان ميفضلش رئيس مدي الحياه. ده مبدأ مهم جدا. لو قدرنا نوصله يبقي حققنا خطوه مهمه. 

في الحلقه ٥ (مصدر ٥) أجبنا علي اسئله القراء و كان معظمها حول تعريف الانقلاب و شفنا ان الناس وقتها في ٢٠١٣ كانت بتقول لما الجيش يبقي يحكم في مصر نبقي نسميه انقلاب! طبعا كنا بنضحك! ادينا شفنا دلوقتي ايه الوضع الحقيقي. 

في الحلقه ٦ شفنا ازاي ان تعاقب حكم الجنرالات علي البرازيل و دعم امريكا و الحصول علي قروض دون اي تفكير و ارتفاع اسعار النفط ادي في السبعينات لما عرف بمعجزة البرازيل الاقتصاديه و التي توجت بحصول البرازيل علي كاس العالم لكره القدم بقياده بيليه. لكن مع انهيار اسعار النفط في الثمانينات و استحقاق الديون علي البرازيل انهار اقتصاد البرازيل للقاع. 

و في الحلقه ٧ (مصدر ٧) شفنا ازاي سقط الانقلاب في البرازيل. و الحقيقه ان موضوع كيف سقط انقلاب البرازيل ده خلانا نكتب سلسله تاليه في عام ٢٠١٥ مخصوص عن تشريح ازاي سقط الانقلاب العسكري و كيف سقطت الديكتاتوريه في البرازيل. في كل حلقه كتبنا عن عامل محدد ادي لسقوط الحكم العسكري في البرازيل. 

في الحلقه الاولي (مصدر ٨) كتبنا عن العامل الاقتصادي و ان لما البرازيليين تاكدوا عجز الجيش عن أداره الاقتصاد تحقق هذا العامل. في الحلقه ٢ (مصدر ٩) كتبنا عن اهميه توحد صفوف المعارضه حول مطلب موحد. المطلب ده في البرازيل كان انتخاب الرئيس بشكل حر و مباشر. لانه من غير الظهير السياسي ده يصبح اي حراك شعبي عمليه انتحار او تحول للفوضي. 

و في الحلقه ٣ (مصدر ١٠) شفنا ان سيوله الأوضاع في الإقليم المحيط بتسهل الحراك الثوري. تحول اسبانيا و البرتغال للديمقراطيه كان تاثيره ضخم جدا علي امريكا اللاتينيه. لذلك الهجوم الكاسح علي تركيا مثلا في الاعلام المصري لانها دوله ديمقراطيه ناجحه في الإقليم. لكن طبعا الجيش و جماعات المنتفعين منه و القوي الخليجيه التي تقف ورائهم و معاها اسرائيل ، مش عاوزين حد يتعلم من تركيا. و طبعا يقولك سيبك من تونس دي حاله خاصه! طبعا انتصار ديمقراطي في سوريا ممكن يغير الوضع علي الارض في مصر تماماً. 

في الحلقه الاخيره (مصدر ١١) اتكلمنا عن اهميه البرازيل لامريكا تراجعت مع سقوط الاتحاد السوفيتي. معادتش امريكا محتاجه تضرب اي تحرك شيوعي في امريكا اللاتينيه. انهيار اهميه البترول لامريكا له نفس التأثير ان امريكا تبقي مش مهتمه باستقرار الشرق الاوسط. مع فارق طبعا ان من يحرك الاحداث في مصر إسرائيلي بالأساس و ليس أمريكي. لكن علي الأقل تصبح امريكا عامل مساعد للديمقراطيه. 

الحقيقه احنا بنزعل جدا من اتباع الشرعيه في مصر اللي يقولوا احنا مالنا و مال البرازيل! امال ليه ربنا امرنا بالتعلم؟ ليه ربنا قال انه جعلنا شعوبا و قبائل لنتعارف؟ جزء من التعارف اننا نتعرف علي تجارب الشعوب و نتعلم منها! امال يعني نعيد نفس الأخطاء؟ 

 نصف الحكمه الا تكرر اخطاء الآخرين. و ربعها ان تتعلم مما أجادوا فيه. و الربع الباقي ان تطور تجاربهم وفق احتياجاتك و تبتكر و تخترع. 

البرازيل الان اصبحت محصنه ضد الانقلابات العسكريه و تجلي هذا في خلال الشهور الماضيه عندما مرت البرازيل بازمه اقتصاديه كبيره نتيجه تراجع اسعار البترول و كذلك بعد ضغوط شعبيه كبيره ضد ديلما روسوف لكن كل الشعب البرازيلي ارتضي الاحتكام للقواعد الدستوريه و القانونيه و تم عزل ديلما روسوف وفق الدستور و دون تدخل الجيش بعدما استمر الشد و الجذب أعواما و ليس شهورا فقط. ليه ده مهم؟ لان المجتمعات التي تلجأ لاستخدام القوه في فرض نظامها السياسي لا يمكن ان تعرف سلطه القانون و تتحول لمجتمعات بلطجه و دراع. و هذا ما نراه في مصر حتي في المسلسلات الرمضانية! و بدون وجود قواعد و قوانين فالمجتمعات تتحول للفوضي و هذا ما نراه! 

تعلم البرازيليون كثيرا من تجاربهم. و يا ريت نقرأ السلسله كامله في مصدر ١٢ و نتعلم منهم. ياريت. 

المصادر:

——–

١- البرازيل قبل الانقلاب:

https://jawdablog.org/2014/09/14/brazil_military_coup_1/

٢- نمو المقاومه في السنه الاولي بعد الانقلاب:

https://jawdablog.org/2014/09/14/brazil_military_coup_2/

٣- فرق الموت:

https://jawdablog.org/2014/09/14/brazil_military_coup_3/

٤- مصير قائد الانقلاب:

https://jawdablog.org/2014/09/14/brazil_military_coup_4/

٥- الرد علي اسئله القراء:

https://jawdablog.org/2014/09/14/brazil_military_coup_5/

٦- كيف صعدت البرازيل للقمه ثم انحدرت للقاع:

https://jawdablog.org/2014/09/14/brazil_military_coup_6/

٧- سقوط الانقلاب:

https://jawdablog.org/2014/09/14/brazil_military_coup_7/

٨- كيف تحولت البرازيل للديمقراطيه:

https://jawdablog.org/2015/12/13/lessons_from_world_how_brazil_became_democratic_country/

٩- الظهير السياسي المطلوب للحراك الشعبي:

https://jawdablog.org/2015/12/14/lessons_from_world_how_brazil_became_democratic_country2/

١٠- سيوله الأوضاع في الإقليم كعامل مساعد للتحول الديمقراطي:

https://jawdablog.org/2015/12/20/lessons_from_world_how_brazil_became_democratic_country3/

١١- تاثير التطورات الدوليه في تحول البرازيل للديمقراطيه:

https://jawdablog.org/2015/12/29/lessons_from_world_how_brazil_became_democratic_country4/

١٢- ملف جوده عن الحكم العسكري في البرازيل:

https://jawdablog.org/category/الانقلابات-العسكرية/الحكم-العسكري-في-البرازيل/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s