ثقافة البازار

Bazar_Culture

البياع: سبيك انجليش هيير

– السائح ذو الشكل الأجنبي لا يرد

البياع: نو. طيب بارلي فو فرانسي؟ عندنا هنا حاجات حلوه خالص. في تماثيل فرعونيه. فيه التمثال اللي نفرتيتي كانت بتتوحم عليه ساعه الولاده في توت عنخ آمون 

– السائح اخيرا يرد و يتكلم بالمصري الواضح و يقول: انا مصري. كنت عاوز اشتري جمل لعبه للعيال. 

البياع: طيب مش كنت تقول. تعال يا واد يا أيمن شوف الزبون المصري ده لحد لما اروح اشوف الراجل اللي لابس غطره و عقال ده. شكله كويتي و لا سعودي و عاوز يشتري. 

يترك البياع صاحب البازار المشتري المصري في صحبه الواد أيمن. و يذهب هو للسائح الخليجي. 

البياع: مرحبا. ايش لونك. كيف الحال. 

الخليجي: غالي قوي الاسعار دي 

البياع: عليا الطلاق ده اخر كلام. ١٠٠٠ جنيه بس في التمثال ده. و حديك تخفيض لو تدفع بالدولار. ١٠٠ دولار بس. 

الخليجي: هما ٢٠ دولار بس. 

البياع: طيب خليهم ٥٠ عشان النبي اللي نفسنا نزوره. 

أيمن بعد ما زحلق المشتري المصري: ازاي تبيع ب ٥٠ دولار بس. حرام كده. انا مش حاخد عمولتي كده. 

البياع: أسكت ياض. الراجل ده بركه من عند النبي. 

هذا حوار يدور في اي بازار في خان الخليلي. و الحقيقه ان ثقافه السيسي و طريقه تعامله مع مصر تعكس تماماً هذه الثقافه بالنظر انها البيئه التي نمي و ترعرع فيها. 

– السائح المكسيكي تمنه ٢٥ الف دولار. و المصري تمنه ٥ الاف جنيه. و طبعا المكسيك تعترض علي القيمه. و هناك فصال داير الان بين المكسيك و مصر. بينما المصيبه هي انه بدفع اي تعويض معناه اعتراف مصر القانوني بمسؤوليتها. و الاسوء هو ان الجيش المصري دون شك مسئول. 

ذات طريقه الفصال مع الأجنبي و ترك المصري في البازار. 

– تشتري جزيرتين؟ مع السائح السعودي ممكن نبيع الجزيرتين و نبيع ايضا ما هو داخل المحل. المسأله مسأله سعر لا اقل. و طبعا هناك فصال حول السعر. دون شك. و لكن مبدأ البيع تم إقراره. فكل شيئ في البازار قابل للبيع و الفصال. و الواد أيمن لا حق له في الاعتراض حتي علي السعر. انت حتشتغل في البازار و تعترض. مش كفايه مشغلينك و احسن من سوريا و العراق! 

ثقافه البازار مبدأ معروف في العالم كله و ينظر له العالم باستهجان شديد في مسائل البيع و الشراء. لان الامر يتحول من مفاوضات حول القيمه المضافه و التي يدخل فيها عوامل مختلفه الي مفاوضات حول عامل واحد و هو السعر. 

و هذه نقطه لا يفهمها كثير من المصريين. فالمفاوضات حول الصفقات التجاريه في العالم مثلا لشراء طائرات يقوم الشاري مثلا بعمل حسابات و يظهرها للبائع تظهر مثلا كيف لو انه اشتري بالسعر المطلوب فلن يستطيع الربح بالشكل المطلوب من تشغيل الطائره لان استهلاكها للوقود مرتفع. مثلا. فيقوم البائع بتقديم عرض ان يضمن تقليل استخدام الوقود خلال فتره استهلاك الطائره بغسلها دوريا بالمجان و تغيير بعض مكوناتها خلال فتره عمل الطائره. فجأه تتحول المفاوضات من فصال حول السعر كما في البازار الي مفاوضات حول تكوين قيمه مضافه و هو ما يطلق عليه win-win اي ان يكسب كل من البائع و المشتري. عوضا عن الفصال حول السعر فقط و هو ما يشكل خاسر و رابح. و يمكنك ان تقرأ اكثر حول الموضوع في مصدر ١. 

السيسي يعود بنا لثقافه الخان و مصر كلها للبيع في البازار. 

#دراسات_استراتيجيه

المصادر:

——–

١- اداره المفاوضات لتكوين مكسب للجميع:

http://www.skillsyouneed.com/ips/negotiation2.html

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s