سايكس – بيكو و الحرب العالميه الاولي … الحلقه ٧

صفحات مخفيه من تاريخ مصر

كيف كان العالم ينظر للمصريين و العرب و اليهود … الحلقه ٧

sykes_pico_How_the_world_Viewed_Egypt_Arabs_Jews

من ضمن الامور الغايبه لما بندرس الفتره دي هي ازاي العالم كان وقتها بيبص لنا. سهل قوي اننا نقول إنجلترا و فرنسا عملوا اتفاق سري و قسموا العالم العربي. و نقعد نعيط. و نقول ان إنجلترا أعطت ما لا تملك لمن لا يستحق في وعد بلفور. و برضه نقعد نعيط. لكن محدش قبل كده وقف و قال طيب هم ايه اللي خلاهم يعملوا كده؟ ايه هي العوامل الاساسيه؟ ايه الفرق بين العرب و اليهود وقتها؟ و دلوقتي؟ ماهو مش معقول يعني فقط عشان زرقه عيون الشعب اليهودي؟ تعالوا نفهم. 

تعالوا نشوف ايه رأي الناس اللي المفروض هم حلفاء العرب و المسلمين في الحرب، يعني الألمان. و بعدين بعد كده حنشوف رأي الإنجليز في المصريين و العرب. نبدأ بالألمان. 

كورت بروفر كان الملحق العسكري الألماني في القدس و كان هوه المسئول الألماني الاول عن العالم العربي وقت الحرب العالميه الاولي. في مارس ١٩١٥ و كان وقتها فيصل بن الحسين بيزور دمشق (الحلقات السابقه في مصدر ١) و في نفس الوقت اللي الإنجليز كانوا بيمهدوا للهجوم علي اسطنبول ذاتها بتجهيز السفن و الجيش بتاعهم في مصر، في نفس الوقت ده الأتراك كانوا عاوزين يجهضوا الهجوم علي اسطنبول بالهجوم علي الإنجليز في مصر بعبور قناه السويس. 

(تعليق جوده: ما زال حتي اليوم الاجهاز علي مصر هو مقدمه للهجوم علي اسطنبول ذاتها. و لذلك نفهم لماذا يحمل اردوغان اليوم قضيه تحرر مصر لانه يعلم ان مصر ما هي الا مقدمه لإسطنبول ذاتها كما تريد دوائر الحكم في الامارات و اسرائيل و الجماعات الصهيونيه المتطرفه في امريكا. و قد رأينا بالفعل ان الهجوم علي ثوره مصر كان فعلا مقدمه لمحاولات متعدده لاسقاط اردوغان في تركيا بدأت بميدان تقسيم ثم تزوير الانتخابات و اخرها الجاريه الان بالانفجارات في المدن التركيه. و للاسف معظمها محاولات تتخذ دول عربيه بعينها مركزا للاعداد و التمهيد و التخطيط و التمويل و الانطلاق. بالضبط كما كانت مصر مركزا لتجهيز الجيوش ضد اسطنبول في الحرب العالميه الاولي. و الحقيقه ان المنطقه منذ غزو العراق في ٢٠٠٣ تعيش أحداثا شديده الشبه بأحداث الحرب الاولي و ربما ستنتهي الامور بتسويه في المنطقه مشابهه لما انتهت به الحرب الاولي في مؤتمر ميناهاوس عندما اتي تشرشل و قسم المنطقه و أعطي مصر دستورا جديدا بالرغم من كرهه لمناقشه موضوع مصر و اصراره ان مصر وقتها مستعمره بريطانيه دون نقاش و لكن ثوره ١٩ أرغمته، و انشأ دولا و عروشا جديده. و لن يكون مستغربا اذا كان تشرشل الجديد سيكون مثلا هيلاري كلنتون كرئيسا لامريكا. المنطقه حبلي بكل التطورات. و سنفهم مؤتمر ميناهاوس لاحقا في هذه السلسله). 

محاوله تركيا عبور قناه السويس فشلت و تم إجهاضها في مارس ١٩١٥ بسبب صلابه الدفاعات البريطانيه شرق القناه. لكن كورت بروفر كان مقتنع تماماً (مصدر ٢) ان الهجوم علي إنجلترا في مصر مهم جدا. و ان الهجوم ده لو تم بمساعده الطيران و المدفعيه الالمانيه ممكن ينجح بالذات و إنجلترا غرقانه في الهجوم علي شبه جزيره جاليبولي (الحلقات السابقه – مصدر ١). 

الكلام ده كان عظيم علي الورق لكن مشكله كورت بروفر كانت انه كون شبكه من الجواسيس المصريين داخل مصر عشان يتجسسوا علي التحصينات البريطانيه. المشكله انه كل الجواسيس دول باعوه لما هجوم الأتراك علي قناه السويس فشل. كورت حاول في صيف ١٩١٥ انه يبني الشبكه دي تاني من اول و جديد لكنه فشل. لدرجه انه كتب التالي لرؤسائه في المانيا:

“من خلال خبرتي العمليه المريره، فان معظم البدو و المصريين لايمكن الوثوق فيهم. و انهم مستعدون يبيعوا الشرف و الوطنيه عن رؤيه اي إنجليزي مستعد انه يوزع عملات ذهبيه”. 

خد بالك. المفروض ان الجاسوس ده بيتعامل مع الألمان حلفاء الدوله العثمانيه دوله الخلافه الاسلاميه ضد الإنجليز “المسيحيين” المحتلين لمصر. كان امل كورت ان الاسلام و الوطنيه حيخلي الناس تتعاون معاه. 

كورت كتب كمان ان المانيا ممكن تشتري المصريين دول زي إنجلترا. بس عاده اللي ممكن يتباع أكيد معلوماته مش موثوقه. 

كورت توصل ان الحل السحري للمشكله دي هم اليهود. وقتها روسيا كانت بتطرد اليهود منها و كانوا لاجئين في الدوله العثمانيه. الأتراك ادوهم اختبار اما انهم ياخدوا جنسيه عثمانيه او يروحوا بلد تانيه. في الوقت ده السفن الأميريكية في لبنان كانت بتجلي اليهود دول من الدوله العثمانيه لقبرص و منها لمصر اللي كانت تحت الاحتلال البريطاني. 

كورت بروفر توصل للفكره الجهنمية انه يزرع الدكتوره منّه وايزمان اللي هربت من روسيا و راحت فلسطين، يزرعها في السفن دي و انها تنزل مصر و تعمل شبكه مخابرات يهوديه له. 

الفكره كانت ان اليهود بيكرهوا الروس جدا. و انهم أكيد حيساعدوا المانيا حليفه الأتراك ضد بريطانيا و ضد روسيا. 

الدكتوره منه وايزمان كانت شديده الجمال و طبيبه ايضا (اول طبيبه ست في فلسطين) و كانت تكره الروس جدا. و كان كورت بروفر أتعرف عليها في القدس و بقوا أصدقاء و دخلوا في علاقه حب قويه جدا. منه وايزمان هي شقيقه خاييم وايزمان المسئول الأساسي عن وعد بلفور. د خاييم وايزمان بقي لاحقا اول رئيس لدوله اسرائيل و هو أستاذ في الكيميا في إنجلترا و اخترع طريقه عمل الأسيتون (هوه اللي احنا كلنا بنستخدمه) و طبعا عمل معهد وايزمان للعلوم في رحوبوت بإسرائيل و هو احد اهم المعاهد العلميه في العالم الان. 

قارن منّه وايزمان (صاحبه الصوره المرفقه) و صلابتها في حب قوميتها و وطنها و دينها لدرجه تقبل عمليه خطيره بالشكل ده مع انها دكتوره طبيبه بفيصل بن الحسين اللي كان بيخون الأتراك بني جنسه و بني دينه. قارن برضه ده بالجواسيس المصريين اللي كورت بروفر كتب عنهم. قارن كمان درجه تعليم الشريف حسين في مكه بخاييم وايزمان. تكتشف بسهوله لو انت بريطاني او ألماني مين اللي انت تحترمه و مين اللي انت تفضل تتعامل معاه. 

في ١٩١٦ سير سايكس كتب في مذكراته (مصدر ٣) انه وضع مصر في الشرق الاوسط هو قاعده خلفيه للحلفاء. لسه ده وضعها لحد دلوقتي. يكفيك فقط تبص علي حرب الخليج و الطيران الامريكي و هو يقصف مارا بمصر و انظر كذلك للمستشفي التي بنتها امريكا في مصر للإخلاء الطبي لجنودها (ما اطلق عليه لاحقا المركز الطبي العالمي) و هو كله ما ينطبق عليه وصف القاعده الخلفيه. و دائماً ما يريد المخطط الحربي فصل القاعده الخلفيه عن محور العمليات. و هذا يفسر وجود سيناء كأرض عازله فمحور العمليات هو فلسطين – سوريا – العراق. و يفسر حتي تقليص دور مصر في الشرق العربي. و يفسر عزل مصر تماماً عن غزه و هدم رفح (مصدر ٤). 

في عام ١٩١٧ و مع انتشار اخبار وعد بلفور حدثت مظاهرات في مصر (طبعا لا تذكرها الكتب المدرسيه في مصر بل تركز فقط في ثوره ١٩ مع ان انتفاضه ١٩١٧ كانت ضخمه فعلا – مصدر ٥)، كتب تي اي لورانس في مذكراته:

“حتي الشعب المصري المستأنس و المراقب أمنيا بشده highly policed، حتي هذا الشعب انتفض.” 

الإسقاط علي الأوضاع الحاليه:

————————-

١- حتي اليوم لازال الشعب المصري هو الأكثر highly policed في العالم. عده جهات امنيه كلها تراقب الشعب المصري و تعتقله و تعذبه: امن الدوله، المخابرات العامه، المخابرات العسكريه، و اخيرا جهاز السيسي الأمني الجديد. حتي اليوم. 

٢- لازال تقدير الغرب ان التعامل مع اليهود اكثر أمانا. الروس مثلا اشتكوا للامريكان عندما أخذت مصر سلاحا من روسيا ثم طردت الخبرا الروس. لذلك تتعامل امريكا بمنتهي الحرص مع مصر و العرب. و لا تعطيهم تكنولوجيا حديثه مطلقا. بينما تعطي احدث طائراتها لإسرائيل و تركيا مثلا. الطائره اف ٣٥ ستدخل السلاح الجوي التركي و الاسرائيلي بينما لن تدخل اي سلاح جوي عربي مثلا. بالرغم من كل علاقات الحب و المال. 

٣- يكفيك ان تلقي نظره علي حكام العرب و مستوي تعليمهم و ثقافتهم. هل هناك طبيب (بشار الاسد طبيب و لكنه وصل للرياسه بالخطأ)، مهندس (باستثناء د محمد مرسي و نعلم ما حدث له)، عالم؟ إطلاقا. هناك من لا يكتب و لا يقرأ. هناك من هو ٥٠٪. حتي محمد بن سلمان الحاكم القادم للسعوديه تلقي تعليما محدودا (ليسانس قانون من السعوديه دون اي شيئ يذكر و طبعا بمساعده الكل كونه امير). يكفيك ان تلقي نظره علي السيسي. مع ان الشعوب العربيه تقدمت في التعليم كثيرا. 

قارن ببنيامين نتنياهو (اداره اعمال من جامعه ام اي تي افضل جامعات العالم إطلاقا) او باراك اوباما (خريج افضل مدارس الحقوق في العالم و أستاذ للحقوق في جامعه شيكاجو). 

كأنه مفروض ان يحكمنا الجهله. 

و نكمل. 

#سايكس_بيكو

#صفحات_مخفيه

المصادر:

———

١- الحلقات السابقه من صفحات مخفيه من تاريخ مصر:

https://goo.gl/BoZWI8

٢- مذكرات كورت بروفر عن الحرب الاولي:

http://www.amazon.com/Prufer-German-Diplomat-Kaiser-Hitler/dp/0873383451

٣- مذكرات سير مارك سايكس:

http://www.amazon.com/Caliphs-Last-Heritage-Middle-collection/dp/0405053614/ref=asap_bc?ie=UTF8

٤- هل هدم رفح مفيد للامن القومي المصري؟ 

https://jawdablog.org/2014/12/30/palestine_useful_or_harmful_for_egypt_security/

https://jawdablog.org/2014/11/08/egypt_taboo_25/

https://jawdablog.org/2015/06/18/rafah_crime_destroying_egyptian_city/

https://jawdablog.org/2015/07/18/israel_/

و هل ترك سيناء مهجوره مفيد للامن القومي المصري؟ 

https://jawdablog.org/2014/12/30/leave_the_sinai_desert_or_reconstruction/

٥- لورانس في بلاد العرب:

https://play.google.com/store/books/details?id=99NTgkPUh9AC&source=productsearch&utm_source=HA_Desktop_US&utm_medium=SEM&utm_campaign=PLA&pcampaignid=MKTAD0930BO1&gl=US&gclid=CJihlcPFoswCFaMZMgodAfYBLQ&gclsrc=ds



Categories: اتفاقيه سايكس بيكو

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: