!المشكله مش انك غير مشرفه … المشكله انك بواسطه

Oscar_Question_from_Shimoz

تاه الموضوع في قضيه الست شيماء التي ذهبت لتغطيه حفل الأوسكار. و قامت الست شيماء، او شيموز كما يطلق عليها اصدقائها، بالاعتذار انها لم تشرف مصر (مصدر ١). و وعدتنا انها المره الجايه حتكون مستعده و تذاكر و تبطل سجاير و تلعب حديد كمان. و قالت لنا انها كافحت و تعبت عشان تنقل لنا الاحداث من السجاده الحمرا لكن في الاخر ضربت لخمه و معرفتش تتكلم. و تعتذر انها مشرفتش مصر و بتوعدنا بالتمثيل المشرف المره الجايه. 

طبعا نقوم احنا نعيط كما فعل البعض. و نقول لازم انها تروح كل سنه الأوسكار. و نعيط ان احنا بلد بتحطم الكفاءات و مش بتدي امل لأي حد بيفشل. و يطلع واحد يقول هوه ده السبب اننا متخلفين يا متخلفين عشان مش بنشجع اي حد يقع او يغلط انه يقوم تاني. و كده سكتنا كلنا و ندي جايزه لشيموز علي أخلاقها العاليه زي ما قال أصحابها عنها. 

نسينا ان مشكلتنا مع شيموز مش انها غبيه او غير متعلمه او انها سألت سوْال غبي او انها الانجليزي بتاعها اقرب لإنجليزي سنه اولي ابتدائي او انها مشرفتناش او انها ضحكت العالم علينا. إطلاقا. احنا عندنا في مصر من امثالها ملايين. عندنا حكومات متتاليهً بيضحك عليها الدنيا كلها. عندنا سيسي كل العالم اتريق عليه لما اتباع علي ايباي. عندنا دوله خدت صفر لما حبت تنظم المونديال. للاسف احنا دوله مهزأه أساسا. 

كل ده مش مشكلتنا لان في من أمثال شيموز ملايين. مشكلتنا هي انها بواسطه. اينعم. انا مشكلتي معها انها وصلت انها تبقي محرره و تروح أوسكار بواسطه في حين ان في الاف من خريجي كليه الاعلام اللي جايبين تقديرات احسن منها مليون مره بيشتغلوا علي توكتوك. 

عارف لو واحد من دول هو اللي راح و عمل نفس اللي عملته شيموز، و لا كانت حتفرق معايا. كنت حقول ادوله فرصه تانيه. لأَنِّي عارف انه احسن الموجود في دوله تضمحل أساسا. لكن المصيبه انها دخلت المدرسه بواسطه و نجحت بواسطه و اتعينت عند عمو خالد صلاح بواسطه و راحت الأوسكار بواسطه. و بعد كل ده جايه تعمل علينا شويه الشغل بتاع المشير اشجان. 

لو عاوزه فعلا اني اعيط لها تسيب الشغلانه بتاعتها لواحد من الاف خريجي الاعلام اللي ابوهم مش لواء و يروح هو او هي الأوسكار السنه الجايه. 

لو ده حصل، حأعيط معاها و اتشتحتف كمان. 

مش حيحصل. لانه نظام كله فاسد. و بيحاول يضحك علينا. و شيموز نتاج هذا النظام الفاسد. و مش حيتغير حاجه الا لما يسقط النظام الفاسد ده. 

و أرجوكم موضوع الشياكه ده لا يعنيني في شيئ. لانها دوله الناس فيها بتنام من غير اكل و كلها ظلم و فقر و قرف. لما نحل المصايب دي كلها يبقي ندور علي الشياكه قدام العالم (مصدر ٢). جتكم القرف الصراحه. اسوء طبقه وسطي في العالم. 

#اسطوره_الشياكه

#شيموز

#اوسكار

المصادر:

——–

١- اعتذار شيموز:

https://www.facebook.com/shaimoz.abdelmonem/posts/10207065880457873

٢- اسطوره الشياكه:

https://jawdablog.org/2015/02/11/egypt_taboo_38_look_cool_in_egypt/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s