ارفع راسك فوق انت مصري

Raise_your_head_you_are_Egyptian

هم فعلوا كل ما فعلوه كي لا ترفع رأسك. تريد أزاحه مبارك؟ تريد ان تنتخب رئيس و برلمان؟ تهتف ارفع راسك فوق انت مصري؟ ازاي؟ نحن من يحكم هذه البلد و شعبها يأتمر بأمرنا. تريد حكومات السعوديه و الامارات و اسرائيل و الجيش المصري الحاكم ان يفهموك انك “متعملش كده تاني”. و ان اخرك انك تشكر اسيادك انهم ادولك بطاطين مستعمله هديه. هما اللي خايفين من الشعب المصري. 

و لأنهم خايفين هم يزايدون و يبالغون في محاوله أفهامك انك أوعي ترفع راسك. امين شرطه يضرب طبيب. و ماله. طيب بالعند كمان امين الشرطه ده حياخد اخلاء سبيل. و كمان حنهدد الطبيب بالقبض عليه. لازم تفهم ان سيد البلد الشرطه و القضاء و سيد الشرطه الجيش. و سيد الجيش في السعوديه و الامارات و اسرائيل. مصري يتقتل في الخليج؟ هو الغلطان. انت عبد و احنا اسيادك. انت امشي جنب الحيط و احنا العربيه تمشي علي سجاده حمرا. و كمان حتدفع تمن الميه اللي حتشربها. 

الثوره مش في الميادين بس. في كل دول العالم اللي سبقتنا في القضاء علي حكم الجيش و حكم الملكيات المحافظه الثوره لهب في النقابات و نقابات العمال و عند الطلبه. 

هم بيقتلوا فينا زي ما الجيش في البرازيل مثلا عمل فرق الاغتيالات (مصدر ١). لكن احنا كل يوم بنكسب ارض. عارفين ليه؟ لأننا شايفين الخوف في عينيهم. و شايفين قد ايه هم متاكدين انهم فاشلين. و شايفين قد ايه ان ربنا معانا. بص كده ازاي سعر البترول نزل في العالم كله. و ده مثلا كان من أسباب التحول الديمقراطي في البرازيل (مصدر ٢). 

الخوف في عينيهم دليل علي اننا منصورون ان شاء الله. حننهزم بس لو سكتنا. أوعي تسكت. كلم قريبك و ناسك عن جرايم النظام. أيد نقابه الأطباء. اكشف فشل النظام و اللي وراه. استعمل اللي كتبناه قبل كده (مصدر٣). قول لا.

هم عاوزنا نطاطي. لكن مش حنطاطي. 

ارفع راسك فوق انت مصري. 

ارفع راسك فوق انت مصري. 

المصادر:

——–

١- فرق الموت في البرازيل:

https://jawdablog.org/2014/09/14/brazil_military_coup_3/

٢- التحول الديمقراطي في البرازيل:

https://jawdablog.org/2015/12/13/lessons_from_world_how_brazil_became_democratic_country/

٣- أوعي تسكت:

https://jawdablog.org/2015/09/23/how_to_break_military_coup_series_continue_to_criticize/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s