ماذا يحدث للقمح في مصر؟

What_Happened_to_Wheat_in_Egypt

في الجمعه الماضيه ألغت مصر مناقصه توريد شحنات القمح الجديده. لماذا؟ لانه لا احد من الموردين العالميين قبل ان يدخل في المناقصه (مصدر ١ و هو اهم مجلات العالم في المجال الزراعي). هذا بالرغم انه وفقا لتقديرات وزاره الزراعه الامريكيه فهناك ٢٣٢ مليون طن في السوق فائضا عن الحاجه بعد محصول مبشر للغايه في شتي أنحاء العالم (مصدر ٢). اذا المفروض ان يتسابق التجار في العالم لبيع القمح لمصر و هي اكبر مستورد للقمح في العالم دون منازع. ما الذي يحدث؟ 

بدايه الازمه:

————

بدأت الازمه عندما أعلنت مصر رفضها شحنه قمح فرنسية لانها تحتوي علي نسبه عاليه من فطر الارجوت السام. 

ثم أعلنت وزاره التموين المصريه لاحقا انها لن تقبل اي شحنه قمح تحتوي علي “اي” نسبه من فطر الارجوت السام. و قالت الوزاره انها لن تقبل الا نسبه صفر من هذا الفطر في اي شحنه قمح. 

واحد يقول طيب انتم زعلانين ليه. ده فطر سام و الحكومه خايفه علي صحه الناس. استني عشان تفهم. 

نتج عن هذا الإعلان عجز مصر عن شراء القمح بأي سعر لانه لا احد لديه قمح يبيعه لمصر بهذه المواصفات. 

بعدها بقليل أعلنت مصر تراجعها عن الإعلان و قررت عوده مصر مره اخري للمواصفات العالميه و هي ٥.,٪ بالوزن. 

لكن طبعا ثقه الموردين في مصر تراجعت لأنهم معندهمش ضمانات ان مصر تغير كلامها تاني و ترفض استلام الشحنات. يعني يبعتوا القمح و مصر تستلمه و تاخده و ترفض تدفع الفلوس. و بالتالي في يوم الجمعه الماضي جم الموردين طالبين اسعار عاليه جدا (مصدر ١ و هو اكبر مجله متخصصه في الزراعه في العالم) و دفع مقدم عشان يقدروا يقبلوا المخاطره انهم يبعتوا القمح لمصر! 

الجنون في هذه الازمه

——————–

يعني السوق فيه فائض رهيب. و محصول ضخم في العالم كله مش لاقي مشترين. و اسعار القمح في العالم كله عماله تنخفض. يعني المفروض مصر كأكبر مشتري في العالم تحط رجل علي رجل و تنزل الاسعار و الموردين يتخانقوا مع بعض عشان يوردوا لمصر باقل سعر ممكن. لكن بسبب سياسات الحكومه السيسي يحصل العكس تماماً! ان مصر تدفع اسعار اعلي! 

و مش بس كده كمان. مصر تعلن للعالم كله في جرائدها و مع ابتسامات وزرائها نهايه زراعه القمح في مصر! يعني ببساطه بنقول للعالم احنا واقعين في عرض الموردين. و هم عارفين كده كويس. لذلك مصدر ١ بيقولك ان الموردين عارفين ان مصر محتاجه القمح عشان تأكل ال ٨٨ مليون و ان الحكومه عارفه كويس انها لو مأكلتش الناس حتحصل ثوره! 

يعني بدل الثورات ما تبقي ذخر للحكومه المصريه انها تاخد تنازلات في السعر بقت قيد بيستخدمه الموردين بسبب غباء حكومه السيسي او فسادها او الاثنين. لأنهم اما اغبياء او متواطئين مع تجار محددين عشان السعر يرتفع و مصر تدفع اكثر. لا يوجد سبب اخر ممكن. في الحالتين الشعب المصري يدفع الثمن. 

موضوع فطر الارجوت

——————–

نرجع للي بيقول انتم زعلانين ليه ان الحكومه خايفه علي صحه الناس. 

اولا نحن نرفق مصدري ٣ و ٤ و بهما مواصفات القمح العالميه الصادره من برنامج الغذاء العالمي التابع للأمم المتحده و وزاره الزراعه الامريكيه و بهما كميه الارجوت المسوح بها و هي مطلوب ان تكون اقل من ٥.,٪ و مكتوب ذلك بوضوح. 

و للاسف كتب بعض الكتاب في الموضوع دون تحليل دقيق و كتبوا عن فطر الارجوت من الناحيه التاريخيه و تأثيراته الصحيه (مصدر ٥) و هو كلام سليم و الفطر فعلا سام و لكن ان زادت نسبته عن المعدلات المسموح بها (الفطر لونه بنفسجي كما في الصوره و يظهر نتيجه لزراعه القمح في مناطق بارده و رطبه و هي معظم مناطق زراعه و تصدير القمح في العالم الان مثل روسيا و فرنسا و كندا و امريكا). لذلك هي كلها ما يطلق عليها معلومات سليمه و لكن غير مفيده TBU (true but useless). و بالطبع فالكاتب يسخر من السيسي و هو امر نشجعه و لكن للاسباب السليمه. 

بالطبع يمكن ان يقول احدهم احنا ايش ضمنا ان الحكومه مش بتغش و تدخل أرجوت أزيد من المواصفات العالميه. و طبعا ده ممكن يحصل سواء النسبه صفر او ٥.,٪. و للاسف انعدام الثقه في الحكومات و الحكام نتيجه انه لم ينتخبها او ينتخبهم احد هو احد اهم أسباب مشاكل مصر كما كتبنا سابقا (مصدر ٦). 

ايه الحل؟

———

الحل هو إعطاء المزارع المصري السعر العالمي للقمح لتشجيعه علي زراعته. و استخدام القمح المنتج محليا اولا. و الانتظار أطول فتره ممكنه قبل شراء قمح من السوق العالميه في وقت يزداد فيه الفائض العالمي و بالتالي تقل الاسعار. و هذا ما فعله الوزير د باسم عوده في السابق و حصلت مصر علي افضل الاسعار (مصدر ٧). 

لا ان تعلن خروج مصر من زراعه القمح و ان تعلن مواصفات غير ممكنه حتي تزود السعر علي الشعب المصري. 

#العلم

#القمح

#حلول

المصادر:

———

١- مصر لديها ٨٨ مليون سبب كي تستورد القمح:

http://www.agweb.com/article/egypt-has-88-million-reasons-to-end-bust-up-with-wheat-trade-blmg/

٢- فائض انتاج القمح في العالم لعام ٢٠١٦:

http://www.bloomberg.com/news/articles/2016-01-12/farm-boom-fizzles-as-u-s-crop-surplus-expands-financial-strain

٣- مواصفات برنامج الغذاء العالمي للقمح:

http://documents.wfp.org/stellent/groups/public/documents/manual_guide_proced/wfp259089.pdf

٤- مواصفات وزاره الزراعه الامريكيه للقمح:

http://www.gipsa.usda.gov/fgis/standards/810wheat.pdf

٥- مقاله الاستاذ وائل عباس عن فطر الارجوت:

https://t.co/6UMZhApu8D

٦- انعدام الثقه احد اهم مشاكل مصر الاساسيه:

https://jawdablog.org/2015/09/04/cleaning_up_building_trust/

٧- د باسم عوده و القمح:

http://www.ft.com/cms/s/0/781f945e-9560-11e2-a4fa-00144feabdc0.html#axzz3zoaSDFhj

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s