“الأسطورة: “الضباط يضحون بارواحهم عشانا واحنا نايمين تحت البطانيه

Myth_Police_sacrifice_themselves_for_us

الأسطورة: “الضباط يضحون بارواحهم عشانا واحنا نايمين تحت البطانيه في الدفا.. وان مكنش عاجبك خلي امك تروح تحمي الحدود”

فيه كام نقطه هوضحهم:

اولا : الضباط سواءا جيش او شرطه عباره عن موظفين في الدوله بيقومو بواجبهم وباخدو مرتباتهم وبدلاتهم نظير الوظيفه دي … يعني مش بيمنو علينا بوظيفتهم دي

ثانيا : البيه ضابط الشرطه او ضابط الجيش محدش ضربه علي ايده عشان …يدخل الكليه العسكريه ويضحي بروحه عشانا …..بالعكس .. ده رجليه حفيت وجاب وسايط الارض ويمكن دفع فلوس عشان يدخل الكليه دي …. عشان يطلع ضابط قد الدنيا له شنه ورنه … مش عشان يضحي بنفسه عشانا

ثالثا : اللي قاعدين علي الحدود وشايلين السلاح في عز البرد همه المجندين اللي بيقضو خدمتهم العسكريه….. اللي هما مواطنيين عاديين زي وزييك … … ودول عددهم دايما اكتر من ضباط الوحده.

رابعا : الدكتور برضه معرض انه يفقد حياته لو اتعدي بفيروس او مرض خطير من المرضي بتوعه … وده حصل كتير جدا قبل كده 

لكن الطبيب مش بيزلنا بمهنته وتضحيته دي وهو بعالجنا زي ما بتذلنا باسيادك الضباط 

خامسا : زي ما الدوله مش ممكن تقوم من غير ضابط شرطه او ضابط جيش … فالحياه والدوله مش ممكن تقوم برضه من غير الدكتور والمهندس والمدرس والفلاح 

ولا تكونش امك هي اللي هتعالجنا وهتبنيلنا وهتدرسلنا وهتزرعلنا الارض 

اخيرا : كل واحد في الوطن بيخدم الوطن ده من واقع وظيفته او تعليمه او مؤهلاته … فمن غير المقبول ان حد يعمل نفسه هو بس اللي بيضحي واللي قايم بالوطن ده .. والباقيين ملهمش لازمه

النظره دي مش موجوده غير في المجتمعات المتخلفه والديكتاتوريه …لكن في الدول المحترمه … الكل سواسيه …. الجميع يؤدي وظيفته باخلاص … والقانون يطبق علي الجميع دون تفرقه

منقول

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s