هل فعلا أحسن انه يجي ترامب عشان الأمور تبقى واضحه؟

is_it_really_favorable_in_middle_east_for_trump_to_win

 الناس اللي كانت بتقول اوباما زي ترامب و ان كلهم ضدنا و أحسن انه جالنا ترامب عشان الأمور تبقى واضحه، الناس دي أخبارها أيه دلوقتي بعد الأمور بقت واضحه جدا في تصويت مجلس الأمن؟ 

 اول مره في تاريخ أمريكا انها تمرر قرار ضد اسرائيل في الأمم المتحده. القرار فيه صياغة لا مثيل لها، مثلا في مقدمه القرار: “ان كل المستوطنات الاسرائليه في الاراضي العربيه المحتله بعد ٤ يونيو ١٩٦٧ ليس لها اَي صلاحيه قانونيه و تمثل تهديد خطير للسلام في الشرق الأوسط و اعتداء صارخ على القانون الدولي و ان مجلس الأمن لن يعترف بأي تغييرات في خط ٤ يونيو ١٩٦٧ الا اذا وافق عليه الطرفان الاسرائيلي و الفلسطيني”. مصدر ١. 

طبعا واحد حيطلع يقول ده حبر على ورق و هوه يعني اسرائيل كانت نفذت قرار ٢٤٢ القاضي بانسحابها من أراضي عربيه محتله. الحقيقه الكلام ده مش صحيح و الا مكانتش اسرائيل قاتلت باستماته انها تمنع صدور القرار لدرجه انها تتصل بدونالد ترامب مباشره و ان ترامب يطلع منتصف الليل يقول القرار لازم ما يطلعش. و لما فشلوا مع اداره اوباما راحوا اتشطروا على البردعه السيسي اللي حس اخيراً انه له قيمه و ان دونالد ترامب بيكلمه بدل لما كان اوباما بيزبله باعتراف السيسي شخصيا. كل المحاولات دي عشان يوقفوا القرار ده. أكيد طبعا المحاولات دي مش عشان حبر على ورق. ببساطه كده في أوائل السنه الجديده خطه ترامب كانت انه يحط جوز بنته كوتشنر مسئول عن السلام في الشرق الأوسط و ان محمود عباس يمشي و يجي بداله محمد دحلان. و بعدين يعملوا اَي اتفاق سلام تاريخي و يقولوا الموضوع خلص خلاص و يكون برعاية مصر و روسيا و سوريا كمان. مصدر ٢. و في الخطه دي أكيد طبعا يفضّل الجيش الاسرائيلي و المستوطنات و يقولوا حماس ارهابيه و كمان تخش مصر و اسرائيل مع بعض يتخلصوا من حماس عشان هي عقبه في طريق السلام. القرار ده يوقف كل حاجه من دي. ليه؟ لان ازاي اَي مسئول عربي أو فلسطيني يوافق ان المستوطنات تفضل في حين مجلس الأمن و أمريكا نفسها بتقول لأ؟ قدام الشعوب العربيه و الشعب الفلسطيني القرار ده بيحط ارضيه مينفعش حد ينزل عنها. حتى في اتفاقات كامب ديفيد و أوسلو كان دائماً فيه مرجعيه قرارات الامم المتحده لان ده الأساس من القانون الدولي. مصدر ٣. حتى لما اسرائيل حاولت تقول انها مش حترجع كل سينا او ان مستوطنه ياميت تفضل كان دائماً المفاوض المصري بيرجع لنصوص قرار ٢٤٢. و شرحنا ده بالتفاصيل في مصدر ٣. لذلك القرار ده بيهد الخطه كلها. و ده سبب الهجوم الشنيع من اليمين الامريكي المتطرف لدرجه ان سيناتور أمريكي يطلع يقول انهم يوقفوا دفع حصه أمريكا للأمم المتحده الا لو ألغت القرار. مصدر ٤. و لاحظ انهم بيتشطروا على الامم المتحده مش اوباما لان شعبيته في أمريكا هي ضمن الأعلى في تاريخ رؤساء أمريكا. 

طبعا حيطلع ناس تقول أنتم هدفكم تلمعوا اوباما. و كلهم وحشين. مفيش فايده. حنقول ان التعامل مع الغرب بأسلوب ان الغرب كله وحش و بالتالي لا نتعامل معه هو بالضبط ما يريده اعدائنا. كتبنا قبل كده الغرب فيه ناس زي امنستي انترناشيونال اللي هي الوحيدة اللي وثقت جرايم رابعه. لحد دلوقتي الاخوان نفسهم معملوهاش. و فيها محايدين. ناس زي اوباما مش عاوزين يتدخلوا كتير في الشرق الأوسط. و فيهم أعداء واضحين زي ترامب. لو ضربنا كل دول يبقى احنا بنخسر الأصدقاء و بنزود الأعداء. مصدر ٥. مطلوب انك تتعامل مع المجموعه الاولى و تتحالف معاها. و تعلم المجموعه التانيه انهم يبقوا أصدقاء بالموعظة الحسنة. و تقاوم المجموعه التالتة. 

اخيراً. للناس اللي بتقول أحسن انه جالنا ترامب عشان الأمور تبقى واضحه. نرد عليهم بحديث الرسول الوارد في الصحيحين:

 “لا تتمنوا لقاء العدو واسألوا الله العافية، فإذا لقيتموه فاثبتوا، وأكثروا ذكر الله، فإن أجلبوا وصيَّحوا فعليكم بالصمت”. هذه رواية سعيد بن منصور. ورواه الباقون بنفس اللفظ على اختلاف يسير بينهم، والحديث أصله في الصحيحين من رواية عبد الله بن أبي أوفى بلفظ: “لا تتمنوا لقاء العدو، واسألوا الله العافية، فإذا لقيتموهم فاصبروا…”. 

مصدر ٦. 

لذلك تمني ان يجي واحد زي ترامب يقتل ٢-٣ مليون مسلم ده كلام ملوش علاقه بالإسلام. 

العقل أرجوكم. عشان تعبنا. 

و دي كانت الاسطوره رقم ٨٠ اللي بندحضها. و الاساطير ال ٨٠ كلها مجمعه في مصدر ٧. 

المصادر:

——-

١- نص قرار مجلس الأمن ٢٣٣٤

http://www.jewishpress.com/news/breaking-news/full-text-of-un-security-council-condemnation-of-israel-resolution-2334/2016/12/24/

٢- خطه سلام الشرق الأوسط 

http://www.businessinsider.com/why-israel-welcomes-jared-kushner-as-middle-east-peace-envoy-2016-11

٣- صفحات مخفيه من تاريخ مصر. كامب ديفيد 

https://jawdablog.org/2015/10/19/hidden_pages_of_history_camp_david_accord/

https://jawdablog.org/2015/10/22/hidden_pages_of_history_camp_david_accord_2/

https://jawdablog.org/2015/11/19/hidden_pages_of_history_camp_david_accord_3/

https://jawdablog.org/2015/11/27/hidden_pages_of_history_camp_david_accord_4/

https://jawdablog.org/2015/12/02/hidden_pages_of_history_camp_david_accord_5/

https://jawdablog.org/2015/12/09/hidden_pages_of_history_camp_david_accord_6/

٤- هجوم اليمين الامريكي المتطرف ضد اوباما و الأمم المتحده

http://www.cnn.com/2016/12/24/politics/lindsey-graham-united-nations/

٥- سياسه زياده الأعداء و تقليل الأصدقاء 

https://jawdablog.org/2016/11/22/policy_of_increasing_enemies_and_eliminating_friends/

٦- حديث الرسول عن تمني لقاء العدو

http://fatwa.islamweb.net/fatwa/index.php?page=showfatwa&Option=FatwaId&Id=6954

٧- الأساطير السائدة في العقل المصري

https://jawdablog.org/category/الأساطير-و-التابوهات-في-السياسه-المصر/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s