اسرار لا تعلمها عن ‫#‏فيسبوك‬

Secrets_you_donot_know_about_Facebook

هل فيسبوك منحاز ضد ثوره مصر و لصالح قمع الحريات؟

—————————-

احد اهم الأسرار التي لا تعلمها عن فيسبوك انه شركه كبيره حققت ما يقرب من ٣ مليارات دولار ارباحا في عام ٢٠١٥ (مصدر ١) و ان هذه الارباح في ارتفاع كبير منذ عام ٢٠١٢. في عام ٢٠١٢ حققت الشركه حوالي ٥٠ مليون دولار فقط. التاريخ ده مهم جدا. احفظه في مخك دلوقتي انه بس سنه ٢٠١٢ كانت شركه فيسبوك بتعمل و لا حاجه من الارباح. دلوقتي بتعمل أرباح ٦٠٪ من قناه السويس ذاتها.

ازاي بتعمل فيسبوك الارباح دي كلها؟ 

يعني انت مثلا كقارئ دلوقتي مدفعتش حاجه لفيسبوك خالص. مش كده؟ هنا بقي السر. احنا مثلا في جوده عندنا حوالي ٢٠٠ الف صديق للصفحه. نفترض ان احنا كتبنا مقاله معينه. فيسبوك بقي مش بينشر المقاله دي لكل ال ٢٠٠ الف مشترك في الصفحه بتاعتنا. إطلاقا. فيسبوك بيوريها ل ٥٠٠٠ واحد بالكتير و بيختلف الامر بناءا علي حسابات متغيره باستمرار. عشان نخلي فيسبوك يوري المقاله بتاعتنا لأي نسبه من متابعين الصفحه فاحنا لازم ندفع لفيسبوك. و كل عدد له تسعيره. يعني لو عاوزين نوري المقاله ل ١٠ الاف بندفع اقل لو عاوزين نوريها لكل ال ٢٠٠ الف صديق للصفحه. كله بتمنه. و الكلام ده ماشي علينا و ماشي علي قناه الجزيره و ماشي علي صفحه مخابرات مصر مثلا (اللي أكيد بتدفع أرقام فلكيه من ميزانيه الدوله عشان تعمل دعايه للسيسي).

و علي فكره احنا لا اختبار لنا في مين من ال ٢٠٠ الف فيسبوك بيختار يوريهم المقاله. تعتمد بالأساس علي تفاعلهم مع الصفحه من ناحيه لايك و التعليقات. لذلك لو عملت لايك و تعليقات أكتر بيجيلك المقالات بتاعتنا أكتر.

التسعيره دي “للرأس” بتزيد كل لما يبقي فيه منافسه أكتر في مصر. يعني ايه؟ يعني لما صفحه مخابرات مصر تقرر انها عاوزه تشتري أعداد اكبر تشوف صفحتها و صفحات امن الدوله تعمل كده كمان، تقوم فيسبوك تزود السعر عليهم للرأس و طبعا بتزوده علي الجميع بما فيهم احنا كمان لان فيسبوك بتحسب “الرأس” في مصر بكام.

لذلك في الأيام الأخيره دي سعر وصول اي بوست لأي شخص في مصر تضاعف. لان احنا قربنا علي ٢٥ يناير و كل صفحات الجيش و امن الدوله عاوزه تزود جرعه غسيل المخ للشعب المصري.

الكلام ده مش بيمشي علي الأشخاص العاديه علي فكره. بيمشي بس علي الشركات و الجمعيات يعني علي الشخصيات الاعتبارية. و مينفعش اننا نكدب و نقول اننا شخصيه عاديه و ليست اعتباريه اولا لانه حرام ثانيا لانه مش حقيقي ثالثا لانه مخالف للقانون و القواعد رابعا لان فيسبوك عندها قسم يتحري عن اي منظمه تعمل كده.

احنا بندفع من فلوسنا الخاصه عن طيب خاطر و مش معترضين علي كده إطلاقا.

احنا معترضين علي حاجه تانيه خالص

———————————–

في سنه ٢٠١٢ برضه شركه فيسبوك فتحت فرعها في الشرق الاوسط في دبي (مصدر ٢). بالضبط في ٣٠ مايو ٢٠١٢ يعني شهر بالضبط قبل انتخاب د محمد مرسي. طبعا دبي مكان مثالي لفيسبوك. لكن كمان مكان مثالي لحكومه الامارات ان فيسبوك تبقي تحت تأثيرها في ارضها بالنسبه لسياسات الشرق الاوسط خصوصا بعد لما الربيع العربي خوف كل الملكيات الحاكمه في الخليج.

بعض الأحيان لما احنا نحاول ندفع عشان بوست معينه توصل للقراء نكتشف انها ترفض لأسباب واهيه جدا زي مثلا السبب المذكور في الصوره الثانيه اللي احنا عجزنا عن اننا نفهمه أساسا. و لما نشتكي لأداره فيسبوك يحدث اعتذار و تتم الموافقه علي الإعلان.

في مره وضعنا مقاله ذكرنا فيها محمد بن راشد حاكم الامارات. حدث شيئ غريب. في العاده المقالات بتوصل لحوالي ٥٠٠٠ من اعضاء الصفحه ببلاش. المقاله دي وصلت لاثنين بس! نعم اثنان فقط لا غير. العجيب ان بدون اي سبب اختفت المقاله تماماً من صفحتنا بعد ساعات. ده اللي في نفس الوقت صفحه المتحدث بأسم القوات المسلحه و صفحه مخابرات مصر عمالين يوميا يحرضوا علي القتل في سينا و علي دبح الناس و بوستاتهم تصل لعشرات الآلاف بالرغم اننا اعترضنا عده مرات انها مخالفه لقواعد النشر و الإعلان في فيسبوك.

التفسير الوحيد لدينا ان فرع فيسبوك في دبي هو الذي يتولي السياسه الاعلانيه في الشرق الاوسط. و انهم طبعا منحازون لمن نعرف جميعا و ضد اراده الشعب المصري و شعوب المنطقه. و انه عندما تصل الشكوي لفيسبوك في كاليفورنيا فانهم يمررون إعلاناتنا.

لازم نفهم كلنا الامور ماشيه ازاي.

‫#‏خليك_إيجابي

————

هل احنا بقي حنقعد نعيط؟ أكيد لا.

اول حاجه حنطلب منكم أنكم تدخلوا علي اللينك دي و هي صندوق الشكاوي في فيسبوك:

https://www.facebook.com/help/contact/268228883256323

اختار ads من قايمه الاختيارات و تكتبوا أنكم عرفتم ان فرع فيسبوك في ‫#‏دبي‬ يقوم بسياسه تميزيه ضد الإعلانات المواليه للديمقراطيه في مصر و المنطقه العربيه و لصالح الديكتاتوريات العربيه و يقوم برفض إعلانات لا تتماشي مع سياسه حكومه الامارات لاوهي الأسباب. و نحن ندعو فيسبوك للتحقيق في الموضوع. 

و يمكنكم استخدام النص الانجليزي التالي:

We are now aware that Facebook’s branch in Dubai has been selectively discriminating against ads and posts that do not tout the official line of the UAE government. For example promoting and accepting ads supporting Arab dictators while suppressing those aspiring for freedom, which amounts to violation of the universal freedom of speech. We urge Facebook to officially investigate the Dubai office and their practices and will be happy to supply evidence.

الحاجه التانيه اللي حنطلب منكم تعملوها أنكم تزوروا صفحتنا كل يوم و تتفاعلوا معاها و مع البوستات عشان تستمر البوستات توصل ليكم. متستنوش لحد لما البوست تظهر علي التايم لاين بتاعك.

علي فكره حاولنا قبل كده نكتب بوست انك لو ضغطت علي زرار لايك علي صفحتنا حيطلعلك كذا اختيار واحد منهم اسمه notifications او الاخطار بمعني ان كل لما احنا ننشر بوست يجيلك اخطار كده. و طبعا كان رد فعل فيسبوك انه هددنا يقفل الصفحه. فاحنا مش حنعمل كده تاني.

و خليك معانا. و حنشوف فيسبوك دبي حيعمل ايه مع البوست دي و حنقولكم في التعليقات. تابعوا معانا.

المصادر:

——–

١- تاريخ ارباح فيسبوك:

http://www.statista.com/statistics/223289/facebooks-quarterly-net-income/

٢- افتتاح فرع فيسبوك في دبي:

http://english.alarabiya.net/articles/2012/05/30/217490.html

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.