! الاسطوره ٧١ … الجيش حمي الثوره

Myth71_Military_Protected_Revolution1

كشف دور الجيش في موقعه الجمل

———————

٢٥ يناير من مراسلات هيلاري كلنتون

———————

الاسطوره ٧١ … الجيش حمي الثوره!

———————

نشرت وزاره الخارجيه الامريكيه بموجب قانون حريه المعلومات الامريكي كثيرا من مراسلات وزيره الخارجيه الامريكيه هيلاري كلنتون. و جزء من هذه المراسلات يغطي وقت الثوره المصريه. نتابع الترجمه و التعليق علي مختارات من تلك المراسلات.

Myth71_Military_Protected_Revolution2

————

٤ فبراير ٢٠١١

(تعليق جوده: كان هذا يوم الجمعه التالي لموقعه الجمل التي استمرت يومي ١ و ٢ فبراير)

الي: هيلاري

من: سيد (اسم الكنيه لسيدني بلومنثال احد اقرب مساعدي هيلاري كلنتون)

الموضوع: استخبارات عن مصر و خيارات انتقال السلطه

١- من مصادر تايلر درمهيلر (ربما لديك تلك المعلومات فعلا و لكن علي سبيل الاحتياط)

(تعليق جوده: تايلر درمهيلر كان رئيس السي اي ايه في مصر و كان قد تركها من فتره و يبدو ان الاداره الامريكيه فوجئت بقيام الثوره و لذلك استعانت بالخبراء القدامي لانها فقدت الثقه في الموجودين وقتها. و مما يؤكد ذلك هو التخلص من السفيره مارجريت سكوبي عند اقرب فرصه لاحقا. )

فان الجيش المصري زرع وحدات ذات خبره افضل في محيط ميدان التحرير للحفاظ علي السلام المدني هناك.

(واضح لماذا ذكر سيد ان هذه معلومات تعرفها هيلاري فعلا فتغيير الوحدات في ميدان التحرير امر لا شك تم رصده عبر الاقمار الصناعيه الامريكيه و وسائل التجسس الإلكترونيه و بالطبع فسيد بلومنثال يعلم ذلك.)

أعطي الجيش بلطجيه مبارك بطاقه سماح لمره واحده فقط و في الغالب لن يتم تجديدها. لم يتوقع الجيش ان يظهر جماهير غفيره يوم الجمعه في القاهره. و لكن هذه كانت نقطه تحول.

(تعليق جوده: واضح الكلام ان الجيش في البدايه لم يضع وحدات جيده في ميدان التحرير عن عمد حتي يعطي الفرصه لبلطجيه مبارك لتصفيه الميدان في موقعه الجمل. و بالفعل ظن الجيش ان الموقف تمت تصفيته و بالتالي وضع وحدات اكثر خبره بعدها للسيطره علي الامور. لكن ظهور أعداد غفيره في جمعه ٤ فبراير ٢٠١١ قلب الموازين (انظر الصوره). نلاحظ كمان ان الامريكان يعرفون أنهم “بلطجيه مبارك”. كلام واضح. ملاحظ ايضا ان الامريكان يعلمون ان الجيش هو الذي سمح للبلطجيه للدخول ببطاقه سماح لمره واحده. يعني مش حمي الثوره و لا هذا الكلام الفارغ بل كان يريد التخلص من الثوره. و البرقيات الأخري تظهر ان الجيش كان خايف علي نفسه من المظاهرات و انه ضحي بمبارك في مقابل الحفاظ علي القيادات. حنشوف ده بعدين.

Myth71_Military_Protected_Revolution3

كمان نرجع بالذاكره حنلاقي ان الدبابات ظهرت في محيط الميدان في ليله ٣-٤ فبراير. و ان الفكره كانت في الأغلب هي السيطره بقوه نيرانيه كبيره تخوف الناس و ان المظاهرات تقل و كل حاجه تروح لحالها. لكن ظهور الناس في ٤ فبراير في جمعه الرحيل غير الحسابات. يعني مش بس صمود المقاتلين في موقعه الجمل لكن كمان الشعب العظيم اللي راح يوم ٤ فبراير هوه ده اللي غير الامور. الناس اللي راحت يوم ٤ فبراير دول من أشرف ناس لأنهم راحوا و الامور مش واضحه و مكانش واضح لسه نوايا الجيش. و مكانش اوباما طلع قال ان مبارك لازم يمشي دلوقتي. كل ده مكانش حصل. و لو نفتكر ده اليوم اللي المسيحيين عملوا كوردون حوالين المسلمين و هم بيصلوا الجمعه. دي احلي ايام في تاريخ الشعب المصري).

Myth71_Military_Protected_Revolution5

Myth71_Military_Protected_Revolution4

(تعليق اخر من جوده: بعد موقعه الجمل مبارك طلع و قال انه حزين عشان انه شاف المصريين بيتقاتلوا مع بعض. و انه غير مهتم الناس بتقول ايه عنه لكن مصر هي اللي تهمه. و انه حيموت علي ترابها. كل ده ضحك علينا. و العالم كله عارف انه بعت البلطجيه بتوعه. و زي ما شوفنا قبل كده – مصدر ١ – ان اول شرط ليه انه يمشي كان تأمين حسابات البنك بتاعته. و تاني شرط ان الجيش يحميه. مش موضوع انه مش مهتم بنفسه. و الله بيضحكوا علينا و العالم عارف. )

الجيش مش حيطرد مبارك. الكلام في مجلس الشيوخ الامريكي عن قطع المعونه عن مصر عامل قلق كبير في المجلس العسكري. اكثر الناس تأثيرا علي المجلس العسكري هم الملحقين العسكريين الامريكان في السفاره اللي هم بيعتمدوا عليهم في معلوماتهم عن امريكا. و هم نقلوا للمجلس العسكري اللي بيحصل في مجلس الشيوخ.

(تعليق جوده:

واضح دلوقتي ان اكثر حاجه قلقت المجلس العسكري قطع المعونه. طبعا لانها سببوبه ممتازه جدا لهم كلهم. واضح طبعا من الكلام ان امريكا استخدمت تاثير الملاحق العسكريين عند المجلس العسكري لتضخيم مناقشات الكونجرس عن قطع المعونه عشان يخلوا الجيش يتحرك بسرعه و يشيل مبارك. و طبعا الملحق العسكري بيروح و يقول انه بينقل معلومات بس و انه عاوز يساعد و انه صاحبهم. و ده اُسلوب معروف. لكن طبعا احنا بنتكلم عن مجلس عسكري ابو ٥٠٪).

حزب مبارك الوطني الديمقراطي ابتدأ ينكسر. و عدد من الاحزاب حيتشكل منه. رد فعل المتظاهرين كان إيجابي علي الإصلاحات الدستوريه و انتقال حقيقي للسلطه. ده اللي حيحول الحركه في الشارع الي سياسه.

٢- افكار / خيارات (بعضها مكرر. لكن …)

الانتقال بشكل صحيح ركز علي الإصلاحات الدستوريه. لكن لو الامن استتب خلال عطله نهايه الأسبوع (السبت و الاحد في امريكا) ممكن إذن يبدأ تشكيل احزاب الأسبوع القادم و تشجيع هذا من السلطات المصريه مصحوب بكلمه عن احترام الحريات و الاحزاب و الانتخابات.

في الوقت ده الجيش ممكن يضمن الانتقال و نزاهه الانتخابات لحد لما التعديلات الدستوريه تحصل.

(تعليق جوده:

دي بالضبط الأفكار اللي عمر سليمان عملها. لو نفتكر انه بدأ الحوار الوطني و البنوك فتحت تاني يوم ٥ فبراير. كان في محاوله ان الامور تبدو و كأنها بترجع لطبيعتها. طبعا اللي طور الموقف بعد كده هو تمسك مبارك بالسلطه مؤقتا عشان ضمان الفلوس زي ما شوفنا قبل كده. و ده في الاخر خلي الجيش يعمل انقلاب في ١١ فبراير. حنشوف في مقال بكره ان امريكا نفسها و الجيش المصري نفسه سمي ١١ فبراير انه انقلاب. يعني الامور كانت واضحه للعالم كله. احنا بس اللي كانوا بيضحكوا علينا. و نتابع)

المصادر:

———

١- اسطوره ان مبارك تنحي من اجل مصر. الحقيقه انه تنحي من اجل حسابات سويسرا. 

https://www.facebook.com/jawda.org/posts/971235706279976

٢- اسطوره ان مبارك لم ينتوي توريث الحكم لابنه:

https://www.facebook.com/jawda.org/posts/971426546260892

٣- كل حلقات الاساطير السابقه مجمعه:

jawdablog.org/category/الأساطير-و-التابوهات-في-السياسه-المصر/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s