سكة الكواكبي … ليه المصريين مش بيثقوا في بعض و لا في نفسهم؟ الحلقة ٢٤

kwakbi_way_why_egyptians_do_not_trust_each_others

في الحلقات دي بنتعلم من استاذنا الكواكبي ايه اللي الاستبداد بيعمله في الشعوب. حنتعلم النهارده حاجه مهمه. و هي ليه المصريين مش بيثقوا في بعض. و الناس تقول كلام من نوع “مبقاش في أمان” او “فين ايام زمان لما الجيران بيوتهم كانت مفتوحة علي بعض” او “خلاص الثقة راحت”. 

تعالوا نشوف الاستاذ الكواكبي قال ايه في الموضوع ده من ١٠٠ سنه:

“أسري الاستبداد العريق فيه يرث شر الخصال، ويتربى على أشرها، ولا بد أن يصحبه بعضها مدى العمر. بناء عليه، ما أبعده عن خصال الكمال، ويكفيهُ تلَّبسه بالرياء اضطرارا مفسدة لكل الخصال الحسنة الطبيعية والشرعية والاعتيادية حتى يألفه ويصير ملكة فيه، فيفقد بسببه ثقة نفسه بنفسه لأنه لا يجد خلقا مستقرا فيه، فلا يمكنه مثلا أن يجزم بأمانته، أو يضمن ثباته على أمر من الأمورَّ فيعيش سيئ الظن في حق ذاته مترددا في أعماله، لواما نفسه على إهماله شئونه، شاعرا بفتور همته ونقص مروءته، ويبقى طول عمره جاهلا مورد هذا الخلل،

فيتهم الخالق، والخالق جل شأنه لم ينقصه شيئا. ويتهم تارةً دينه، وتارةً تربيته، وتارةً زمانه، وتارةً قومه، والحقيقة بعيدة عن كل ذلك وما الحقيقة غير أنه خلق حرا فاسر.”

يعني الواحد لما يتعلم الرياء و النفاق مضطر عشان مفيش قدّامه حاجه تانيه يعملها عشان يترقي مثلا، بمرور الوقت مبيقدرش يوصل لحاجه من غير النفاق و الرياء. مشكله كده انه بيبتدي الانسان يشك في نفسه و قدراته الذاتيه. لانه عارف ان اللي وصل ليه مقدرش يوصل له من غير رياء و نفاق. 

مصيبه دي. لان الانسان اللي مش واثق في نفسه بيبقي عاجز انه يحقق اي حاجه او يعملها صح. و بالتالي البلد تتخلف اكثر. 

كمان احنا دائماً بنلاحظ ان أكتر ناس بتقاوح مثلا في حقايق لا نقاش فيها هم مثلا موظفين الحكومه و اساتذه الجامعات الكبار اللي بيدعوا التخصص في الموضوع؟ ليه؟ لانه متعود ان اللي تحته حينافقه و مش حيناقشه و لذلك يزعل جدا لما حد يناقشه. كمان هو معندوش ثقه في نفسه و بالتالي مش بيناقش في الموضوع العلمي نفسه. مناقشته كلها هي من نوع “انت مش عارف انا مين”. لانه ميقدرش يناقش في الموضوع العلمي لانه فاقد الثقه في نفسه. 

و طبعا نتيجه لعدم الثقه في النفس ده نلاقي الناس توصل ان العيب يا اما في نفسهم (يقولولك احنا شعب مختلف مثلا كاننا لسنا بشر مثل بقيه البشر) او يقولك ان العيب في الدين (المسلمين كلهم متخلفين و هذه ليست حقيقه) او التربيه (احنا شعب مش متربي كأن الشعب الاسرائيلي مثلا كامل التربيه). 

و كمان الاستاذ الكواكبي بيفسر لنا ليه الاستبداد بيخلينا مش بنثق في بعض. أصل لو الكل بينافق و كمان يجاهر بالنفاق بتبقي مشكله لأَنِّي مش عارف بقي اذا كان اللي بتقوله ده حقيقي و لا نفاق و لا رياء و لا بتقوله عشان عاوز حاجه مني. نشوف الاستاذ بيقول ايه:

“أجمع الأخلاقيون على أن المتلبس بشائبة من أصول القبائح الخلقية لا يمكنه أن يقطع بسلامة غيره منها، وهذا معنى: «إذا ساءت فعال المرء ساءت ظنونه». فالمرائي مثلا ليس من شأنه أن يظن البراءة في غيره من شائبة الرياء، إلا إذاً بعد تشابه النشأة بينهما بعدا كبيًرا، كأن يكون بينهما مغايرة في الجنس أو الدين أو تفاوت مهم في المنزلة كصعلوك وأمير كبير. ومثال ذلك الشرقي الخائن، يأمن الإفرنجي في معاملته ويثق بوزنه وحسابه ولا يأمن ويثق بابن جلدته. وكذلك الإفرنجي الخائن قد يأمن الشرقي ولا يأمن مطلقا ابن جنسه. وهذا الحكم صادق على عكس القضية أيضا، أي أن الأمين يظن الناس أمناء خصوصا أشباهه في النشأة، وهذا معنى «الكريم يُخدع»، وكم يذهل الأمين في نفسه عن اتباع حكمة الحزم في إساءة الظن في مواقعه اللازمة.”

الله الله علي الكلام. فعلا ده اللي بنشوفه. بعني يجي واحد يقولك و الله انا اثق في اليهود أكتر منكم و اليهود مش بيغشوا الخ من هذا الكلام. 

زي ما شرحنا قبل كده مفيش بلد ممكن تتقدم بدون الثقه بين الناس. مستحيل. و دي احدث نظريات العلوم السياسيه. مصدر ١. 

و العجيب ان “الكريم يخدع” هو ما حدث لدكتور مرسي مثلا لكن تصبح هذه مشكلة الكريم مش مشكله المخادع!

و نحن هنا نتعلم ان سوء الظن من حسن الفطن في السياسة بالذات مع الذئاب. و علمنا ذلك ايضا شيخنا الجليل عبد الفتاح مورو نائب رئيس مجلس الامه التونسي الان و نائب رئيس حركه النهضه و احد كبار مفكري الامه. 

و الله الاستاذ الكواكبي ده شخصلنا كل شيئ. 

و الحلقات كلها في مصدر ٢. 

و نكمل في الحلقة القادمة بإذن الله. 

المصادر:

——–

١- علي نضافه … الثقه ضروريه للتقدم:

https://jawdablog.org/2015/09/04/cleaning_up_building_trust/

٢- حلقات سكه الكواكبي مجمعه:

https://jawdablog.org/category/التاريخ/حلقات-سكة-الكواكبي/

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s