الاساطير المؤسسه للعقل المصري … الجيش أرخص لانه خال من الفساد! الاسطوره ٦٧

myth67_Military_is_Cheaper_because_not_corrupt

الاستاذ احمد مدني كان يعمل كمدير في احدي دول الخليج في مجال الفندقه. و عمل في اكبر فنادق العالم حيث كون هناك خبره لا بأس بها. قرر الاستاذ احمد بعد تكوين ثروه قدرها ٣ مليون جنيه العوده لمصر للاستثمار في مجال عمله و نقل خبرات عالميه لمصر بايدي مصريه. قرر الاستاذ مدني الاستجابه لدعوه وزيره الهجره المصريه و انشاء قاعه حديثه للأفراح. هذا مشروع مضمون و لا شك لان الناس كلها لازم تتجوز و المصريون يحبون قاعات الافراح. قرر ان يطور المهنه بإدخال برنامج نهاري كما يحدث في الغرب و كذلك بإدخال امكانيه نقل الفرح او الحفله علي الهواء مباشره عبر الانترنت. 

كأي رجل اعمال قام الاستاذ احمد مدني بعمل الحسابات التاليه:

١- يحتاج لقاعه افراح تسع ٥٠٠ شخص علي الأقل. لذلك مساحه القاعه لا تقل عن ٢٠٠٠ متر مربع وفقا للمقاييس العالميه. 

٢- تكلفه الارض التجمع الخامس هي حوالي 

مليون جنيه بسعر ٥٠٠ جنيه للمتر المربع. و هو سعر معقول في منطقه متميزه. 

٣- تكلفه البناء بالمقاييس العالميه هي حوالي ٥ مليون جنيه. 

٤- التشطيبات و التأثيث سيتكلف حوالي ٥ مليون اخري معظمها مستورد حتي ينافس به. بسبب الاستيراد فهو مضطر ان يدفع حوالي ٢٠٪ رسوم و حوالي ٢٠٪ إكراميات. اي حوالي مليون جنيه رسوم و حوالي مليون جنيه إكراميات. 

٥- تكاليف اداره قاعه الأفراح هي مصاريف الكهربا و العاملين. سيحتاج حوالي ٢٠ موظف و فني و عامل علي الأقل. مصاريفهم حوالي ٦٠ الف جنيه في الشهر اي حوالي ٢٠٠٠ جنيه في الليله. كذلك مصاريف الكهرباء ستكون حوالي الف جنيه في الليله. بالاضافه لمصاريف الطعام و هي حوالي ٢٠ جنيه لكل فرد اي ١٠ الاف جنيه في الليله. نضيف لها مصاريف الإعلانات و هي حوالي ٣٠ الف جنيه في الشهر. 

اذن المصاريف كامله هي حوالي ١٣ مليون جنيه رأسمال و مصاريف استثماريه. و حوالي ١٤ الف جنيه كل ليله مصاريف اداره المكان كل ليله. 

الرجل لديه فقط ٣ مليون هم شقي عمره. لذلك قرر ان ينفق امواله و يقترض ١٠ مليون من البنك بفايده البنك و هي ١٥٪ علي الأقل. معني ذلك انه كل عام سيدفع للبنك ١,٥ مليون جنيه فوايد فقط دون حتي دفع الأصل. طبعا الرجل ايضا يحتاج لاستعاده امواله التي دفعها. و سنقول انه يحتاج فقط ان يستعيد امواله في ظرف ٦ سنوات. لذاك يحتاج المشروع ان ينتج حوالي ٢ مليون جنيه في السنه كي يدفع للبنك و يستعيد رأسماله الأصلي شقي عمره في حوالي ٦ سنوات و هو رقم معقول. لذلك يحتاج ان يحقق صافي ربح ٦ الاف جنيه كل ليله في السنه. مصاريف الليله حوالي ١٤ الف جنيه. لذلك هو يحتاج ان يحاسب كل من يريد ان يؤجر المكان انه بحوالي ٢٠ الف جنيه كل ليله. نضيف علي ذلك انه سيدفع ضرائب ٢٠٪ و اكثر. و بالتالي يجب ان يحاسب علي الليله بحوالي ٢٤ الف جنيه . 

المعلم محمد العسكري راجل تقيل و هو ملك سوق الافراح في مصر و سمعته زي البمب. و هو لم يسافر للخارج الا لحضور دوره تدريبيه في امريكا عن الديمقراطيه و حقوق الانسان. و خبراته لا علاقه لها بمجال الفندقه و لا الاستثمار. لكن كفايه ان اسمه محمد العسكري ملك الافراح و اي سوق تاني هو عاوزه كمان. تعالوا نشوف دار الافراح بتاعه المعلم محمد العسكري ماشيه ازاي. 

المعلم محمد العسكري اخذ الارض ببلاش فوفر مليون جنيه ثمن الارض. و كذلك المعلم محمد العسكري معفي من الضرايب و لا يدفع إكراميات. لذلك وفر ٢ مليون جنيه مصاريف استثماريه. و دول حوالي ٥ الاف جنيه في الليله توفير. كذلك المعلم العسكري لا يقترض من بنوك بل يأخذ الأموال مباشره من ميزانيه الدوله و لذلك يوفر ١,٥ مليون جنيه في العام فوايد للبنوك. دول حوالي ٤ الاف جنيه في الليله توفير. كذلك المعلم العسكري لا يدفع مرتبات العشرين عامل و موظف فكلهم بالسخرة و ببلاش. ادي كمان ألفين توفير في الليله . كذلك لا يدفع كهربا و دي الف جنيه في الليله. و طبعا مفيش ضرائب ٢٠٪ فأدي كمان ٤ الاف جنيه في الليله. 

يعني المعلم محمد العسكري موفر ١٧ الف جنيه في الليله. يعني هو ممكن يحاسب الليله بحوالي ٧ الاف جنيه بس. 

لكن طبعا المعلم محمد العسكري تاجر شاطر. لان منافسه الاستاذ احمد مدني بيحاسب الليله ب ٢٤ الف جنيه مضطر، المعلم العسكري حيحاسب الليله ب ١٩ الف جنيه. كده هوه خلص علي الاستاذ احمد مدني اللي طبعا حيفلس لانه مش حيقدر ينافس المعلم ملك السوق و حيرجع الخليج بعد لما خسر فلوسه و البنك حجز عليه و سرح الموظفين في الشارع. 

كمان المعلم العسكري حيعمل صافي ربح هو ١٢ الف جنيه كل ليله من تقريبا مفيش. 

و اللطيف ان الناس كلها بتشكر المعلم العسكري و بتقول انه رخيص عشان معندوش فساد! 

و طبعا الله يخرب بيت الاستاذ احمد مدني. ايه اللي رجعه. و إنترنت ايه و تطور ايه اللي كان عاوز يعمله. ده حتي الانترنت حرام و الافراح بتاعته بالذات بتحصل فيها حاجات مش كويسه. إنما المعلم محمد العسكري ده راجل تقي و بتاع ربنا و بتاع الافراح الوسطيه الجميله . 

و الناس بتغني كمان تحيا المعلم العسكري. 

يا لا نغني تحيا المعلم محمد العسكري. خصوصا انه قرر يعمل مشاريع مشتركه مع الاجانب الوحشين و يجيب رأسمال اجنبي يشارك معاه. 

فهمتوا؟

تخلصوا من الاساطير. أرجوكم. 

و الاساطير السابقه كلها في المصدر ١. 

المصادر:

——–

١- الاساطير و التابوهات في الحياه السياسيه المصريه:

https://jawdablog.org/category/الأساطير-و-التابوهات-في-السياسه-المصر/

 

One thought on “الاساطير المؤسسه للعقل المصري … الجيش أرخص لانه خال من الفساد! الاسطوره ٦٧

  1. Pingback: !اسبايس اكس و حلاوه المولد … عوده لاسطوره خير اجناد الارض | JAWDA

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s