‫#‏حادثه_الطائره_الروسيه‬ … حلقه ٦ … اشمعني تونس سابوها لما حصل عندها حادث ارهابي و استقصدوا مصر؟

russian_air_plane_accident_6

السؤال ده بيتردد كتير و بيردده طبعا مؤيدي النظام. و الاجابه سهله جدا. 

في ١٠ اختلافات بين الحالتين كلهم اخطاء الحكومه المصريه بقياده السيسي:

١- مصر أنكرت و ما زالت تنكر ان الحادث ارهابي. 

تونس لم تنكر ذلك عندما حدث الاعتداء الإرهابي عليها في يونيو ٢٠١٥. 

بالعكس تونس قالت انه عمل ارهابي واضح. و قامت بزياده الامن في كل الفنادق السياحيه (مصدر ١). 

٢- تونس مقالتش احنا بلد الامن و الأمان و اننا قضينا علي الاٍرهاب و كل هذا الكلام الفارغ. 

رئيس وزرا تونس يوم ٣٠-٦ طلع و قال ان تونس تطلب مساعده العالم بإمدادها بمعلومات استخباراتيه و مساعدات عسكريه لمكافحة الاٍرهاب. 

و اعترف رئيس وزرا تونس (مصدر ٢) انه في تقصير أمني و انه سيعلن عن خطه امنيه بعد يومين لمعالجه التقصير الأمني. 

مطلعش زي السيسي او رئيس الوزرا الذي لا نذكر اسمه يتصور جنب الطياره و يقول ان التحقيق سيستمر لعده أشهر و حيطول. 

٣- الاعلام التونسي مطلعش قال ان بريطانيا و امريكا و الغرب متآمرين علي مصر. 

الاعلام المصري اتهم الدول دي صراحه بالتآمر علي مصر. 

٤- تونس في ظرف يوم واحد اكتشفت التليفون المحمول لأحد الجناه (مصدر ١) و ألقت القبض علي ٧ مشتبه فيهم. 

ما قتلتش ٧ مشتبه فيهم. فقط قبضت عليهم و إحالتهم للقضاء. 

٥- بناءا علي كده بعدها بيوم طلع دافيد كاميرون في البرلمان البريطاني و قال ان التعاون مع تونس في التحقيق يجري بشكل ممتاز (مصدر ١). 

٦- الشرطه التونسيه لم تكشفها الصحافه العالميه و هي تأخذ رشوه لتسهيل المرور في المطار. و لم يقل عنها السياح انهم بيلعبوا كاندي كرش (مصدر ٣). 

و مطلعش حد في تونس يقول ده مستحيل يحصل عندنا. احنا معندناش حد بياخد رشاوي! مع انه المصريين اللي قالوا الكلام ده اول ناس عارفين ان كل حاجه في مصر ممكنه بالرشوة. 

٧- كتير من الرعايا البريطانيين سابوا تونس بعد الحادث. و تونس كانت خايفه جدا برضه علي موسم السياحه في الصيف. لكن عكس مصر، تونس ما قالتش محدش حيسيب مصر و مقالتش انها حتحدد عدد الرحلات اللي تسيب مصر ب ٨ رحلات بس في اليوم (مصدر ٤). 

هل ممكن تفتكر ان بريطانيا ممكن تثق في حكومه بتعمل شغل العيال ده؟ 

٨- تونس محطتش رئيس لجنه التحقيق في الحادثه واحد بيقول ان الطياره سابت مصر خلاص (مصدر ٥). او طلع بيقول كلام غير فني و لا علاقه له بالحوادث بل كلام كله سياسي. و مطلعش في البدايه كمان يقول ان الطيار بلغ رساله استغاثه و طلع ان ده محصلش. 

٩- تونس نزلت شرطه مدنيه لتأمين الفنادق و الأماكن السياحيه (مصدر ١). منزلتش قوات صاعقه و خلت ضباط جيش يختموا الجوازات في المطارات! 

انت لو سايح و رحت بلد فيها ضابط جيش ماسك مدفع رشاش حطه في وشك و ضابط جيش تاني بيختم جواز سفرك حتقول ايه علي البلد دي؟ الامن و الأمان؟ 

١٠- تونس مدخلتش عندها طيارات من اسرائيل عشان تستطلع موقع الحادث و تقول للتوانسه مكانه فين (مصدر ٦). 

و بعدين تطلع مصر تقول ان عندها افضل كفاءات! 

هل ممكن تثق في حكومه او لجنه تحقيق بالشكل ده؟ 

أكيد لا. و لازم تعاملها باستهانه و تحافظ علي ارواح الناس بتوعك انك تطلعهم من عند الحكومه المتخلفه دي. 

و بعدين تسأل هم مستقصدينا ليه. بص علي تونس و انت تفهم. 

المصادر:

——–

١- حادثه تونس الارهابيه:

http://www.cnn.com/2015/07/01/africa/tunisia-terror-attack/

٢- طلب تونس المساعده من العالم:

http://www.ft.com/intl/cms/s/0/19ab8f2c-1f5b-11e5-ab0f-6bb9974f25d0.html#axzz3r2RFoIZZ

٣- الرشاوي في مطار شرم الشيخ:

http://www.foxnews.com/world/2015/11/07/sharm-el-sheikh-airport-officials-reveal-porous-security-faulty-scanner-bribes/

٤- تحديد مصر عدد الرحلات المغادره في اليوم:

http://www.nytimes.com/2015/11/07/world/middleeast/egypt.html

٥- السيد المقدم :

http://www.aljazeera.com/news/2015/10/major-airlines-review-routes-egypt-crash-sinai-russia-151031214836247.html

http://www.alaraby.co.uk/society/2015/11/9/أعلن-مغادرة-الطائرة-الروسية-مصر-بسلام-فترأس-لجنة-التحقيق

http://www.independent.co.uk/news/world/africa/russian-plane-crash-sharm-el-sheikh-airport-cctv-station-was-routinely-abandoned-a6725706.html

http://www.usatoday.com/story/news/world/2015/10/31/russian-plane-crash-egypt/74934010/

٦- طيارات من اسرائيل تستطلع موقع الحادث:

http://www.jpost.com/Middle-East/Russian-airliner-with-224-aboard-crashes-in-Egypts-Sinai-430608

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.