تعالوا نتعلم الاقتصاد … بالحسابات … تقدير حجم امبراطوريه اعمال الجيش المصري

Lets_understand_Economy_The_Egyptian_Military_Empire2

يتراوح تقدير حجم الاعمال الاقتصاديه للجيش المصري بين ٥٪ و ٤٠٪ من حجم الناتج القومي المصري (مصدر ١).

الحقيقه ان معظم هذه التقديرات في الأغلب غير دقيقه لانها من أناس خارج العمل الحكومي المصري. التقدير الوحيد الذي يمكننا الاطمئنان له هو تقدير رشيد محمد رشيد الذي قال ان بيزنس الجيش المصري هو اقل من ١٠٪ من الناتج القومي (مصدر ٢) و هو تصريح اختفي و أنزوي من ذاكره المصريين مع انه شديد الاهميه.

ليه تصريح رشيد محمد رشيد مهم:

١- لانه كان جوه الحكومه المصريه لفتره مهمه. 

٢- لانه شخص الحقيقه ذكي بالرغم من تورطه في مجموعه جمال مبارك لكن لا يمنع انه كان رجل اعمال ناجح (مصدر ٣) حيث تولي رياسه شركه يونيلفر في الشرق الاوسط و هي احد اكبر الشركات المتخصصة في مجال انتاج السلع الاستهلاكيه. 

٣- انه و مجموعه جمال مبارك كان في صراع مكتوم مع الجيش المصري و بالتالي يهمه ان يظهر الحقيقه و لكن ببعض المواربه.

طيب يظهرها ازاي انه يقول الرقم الحقيقي بس يضيف كلمه “اقل” و بالتالي لا تصبح صراع مكشوف مع الجيش.

و طبعا لو كان الرقم الحقيقي ٥٪ مش ١٠٪ كان حيقول انها ٥٪ او حوالي ٥٪.

لذلك احنا حنقول ان في الأغلب الرقم الحقيقي ١٠٪.

Lets_understand_Economy_The_Egyptian_Military_Empire1

طيب تعالوا نحسبها:

——————

الناتج القومي المصري حوالي ٢٠٠ مليار دولار في السنه. ١٠٪ منهم يبقوا ٢٠ مليار دولار. يعني حجم البيزنس بتاع الجيش في السنه هو ٢٠ مليار دولار.

لو نقول ان متوسط صافي الربح من اي مشروع في مصر هوه حوالي ١٠٪ في السنه بعد دفع الضرايب و مصاريف العمال و خلافه.

يبقي صافي الربح من ال ٢٠ مليار دولار هوه حوالي ٢ مليار دولار.

طيب الجيش مش بيدفع ضرائب و هي حوالي ٢٠٪ علي الأقل في مصر من الارباح. يعني ادي كمان ٢٠٪ من ال ٢ مليار دولار عشان الجيش مش بيدفع ضرائب. يعني ٤٠٠ مليون دولار.

طيب نقول ان متوسط تكاليف العماله في اي مشروع في مصر هو حوالي ربع التكلفة الكليه. يعني عشان اعمل حاجه بعشرين مليار دولار بتتكلف في مصر عماله ٥ مليار دولار. الربع. طيب الجيش مش بيدفع تمن العماله. دول كلهم عساكر مصاريفهم و مرتباتهم اولا و لا حاجه. ثانيا مصاريفهم بتيجي من ميزانيه الدوله…

ادي كمان ٥ مليار دولار داخلين كل سنه للجيش بس من توفير مصاريف العماله.

يعني الجيش بيعمل في السنه ١١ مليار دولار كالآتي:

– ٢ مليار دولار ربح المشروع 

– حوالي ٤, مليار دولار ضرائب مش بيدفعها

– ٥ مليار دولار مصاريف عماله ميزانيه الدوله بتدفعها و بتروح صافي ربح للجيش. طبعا التكاليف الحقيقيه للعماله دي عاليه جدا علي الاقتصاد. يعني مهندس او طبيب المفروض انه ينتج في السنه حاجات مثلا ب ٥٠ الف دولار بيروح ينتج الحاجات دي برضه بس بذل ما ياخد حقه بياخد فوق دماغه و محدش عارف الفلوس دي بتروح فين.

يعني الجيش المصري بياكل علي الحكومه المصريه حوالي ٥,٥ مليار دولار كل سنه في صوره مرتبات لا تدفع و ضرائب لا تسدد. و بيدخل للجيش في السنه حوالي ٧,٥ مليار دولار ربح صافي. كل سنه.

حنقول اننا غلطنا جدا في الرقم ده و حناخد نصه بس. يعني حتي ٣ مليار دولار بس في السنه.

طيب المشاريع الاقتصاديه للجيش دي شغاله من سنه ١٩٨٠ لحد دلوقتي. لكن حنقول ان التوسع في المشاريع المربحه زي بيع الاراضي محصلش الا ابتداءا من سنه ١٩٩٨ و نقول لحد ٢٠٠٨ لحد ما الاقتصاد ابتدئ يتباطئ و حركه بيع الاراضي و العقارات تقل. يعني عشر سنين!

(فلوس الجيش معظمها من بيع الاراضي مش من بيع العيش و الخضار في منافذ توزيع. المنافذ دي منظره بس. دعايه يعني لإخفاء الاراضي. و لا اعتراض لنا علي بيع الجيش لسلاح دون عمولات)

يعني الجيش في ١٠ سنين دخل له علي الأقل ٣٠ مليار دولار.

السؤال المهم جدا: راحوا فين؟

دول تقريبا قد فلوس الرز من السعوديه و الخليج!

و محدش يقول ان الجيش صرف بيهم علي مصر لانه اولا اخدهم من مصر. ثانيا و هو الاهم انه محصلش لانه في سنوات المجلس العسكري انهار الاحتياطي الدولاري المصري بعنف (مصدر ٤) و كان وقتها الجيش معاه ٣٠ مليار دولار استخسر يطلعهم عشان مصر. بل و يطلع طنطاوي و يقولك انه ادي معونه للميزانيه مليار دولار من فلوس الجيش (مصدر ٥) و يطلع السيسي يقولك الجيش كان بياخد نصف المرتب!

و كما أثبتنا الجيش اخذ ١٠ مليار دولار من فلوس الرز لم يظهروا في حساب البنك المركزي المعلن (مصدر ٦ به كل الحلقات السابقه من تعالوا نفهم الاقتصاد و بها مصادر البنك المركزي).

بجاحه فعلا

فين فلوسنا؟

دول ٣٠-٤٠ مليار دولار. يعني نصيب الفرد في مصر ٥٠٠ دولار. حقنا!

المصادر:

——–

١- التباين في تقدير حجم اعمال الجيش المصري:

http://www.sasapost.com/اقتصاديات-المؤسسة-العسكرية-المصرية/

٢- تصريحات رشيد محمد رشيد:

http://www.noonpost.net/content/316

٣- السيره الذاتيه لرشيد محمد رشيد:

https://en.m.wikipedia.org/wiki/Rachid_Mohamed_Rachid

٤- طنطاوي ببجاحه يقول انه بيسلف الموازنه؛

http://archive.aawsat.com/details.asp?section=6&article=652608&issueno=12058#.VkjAVa6rTBI

٥- السيسي بيقول ان الجيش بياخذ نصف المرتب!

http://m.youtube.com/watch?v=GZQRGQdSKMc

http://www.alarabiya.net/ar/arab-and-world/egypt/2014/06/26/استجابة-لمبادرة-السيسي-الجيش-يتبرع-بمليار-جنيه.html

٦- بالادله اين ذهبت فلوس الرز:

http://www.cbe.org.eg/Excel/9_Egypts_balance_of_payments.xls

jawdablog.org/category/الإقتصاد/حلقات-تعالوا-نفهم-الاقتصاد/

One comment

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s