‏حادثة_الطائرة_الروسية‬ … حلقه ٥… الأخطاء الكارثيه للحكومه المصريه

Russian_Air_plane_5

من أسبوع بالضبط قلنا التالي بالنص (مصدر ١) كأننا كنا نعلم:

“هذا التضارب و انعدام السيطره و “السبهلله” سيودي لنتائج في منتهي الخطوره لاحقا. هذا ليس شغل عيال و لا تحقيق في حادث سياره في الشارع. هذا تحقيق دولي و هناك اتفاقيات دوليه و جهات كثيره مهتمه و اعلام عالمي لا يسكت. نحن ما زلنا في البدايه. لكن المؤشرات سيئه جدا. و قد اعذر من أنذر.”

و حددنا بالضبط الأخطاء التي وقعت فيها مصر. طبعا هذه الأخطاء تتزايد و هي لن تتوقف لان حكومه السيسي و الجيش تتصرف كطفل اخذ شخص منه الحلوي و هو يريد ان يضربه لاستعادتها منه! 

نشوف ازاي:

اولا: عدم استخدام معلومات فنيه!

———————

لما يظهر قائد فريق التحقيق في مؤتمر صحفي. المفروض ان ده راجل فني. يعني يقول كلام مثلا زي:

– احنا حللنا كذا و كذا من الطياره تحليل كيميائي و نتيجه التحليل لسه مظهرتش. او نتيجه التحليل ظهرت و مفيهاش اثار متفجرات. 

– بدراسه ازاي حصل الكسر fracture في اجزاء الطياره لقينا ان الصدمه كانت صدمه من خارج الطياره و ان في جزء من المحرك اليمين مفقود مما يعني ان الجزء ده هو اللي خبط في الطياره. او علي الأقل احنا لسه بنحلل اجزاء الطياره عشان نعرف الخبطه impact هل كانت من جوه و لا بره. اي متخصص في fracture mechanics علم ميكانيك الكسر حيفهم الكلام ده. 

لكن انه يطلع و يقول انتظرونا يا جماعه احنا لسه بنقول يا هادي. فده تكرار لكلام السيسي ان التحقيق حياخد وقت طويل. 

كلام ملوش معني بالنظر ان انت قدام دوله عظمي بتقول انها حللت و عندها معلومات أقمار صناعيه و مكالمات تصنتت عليها. 

الرد علي كلام امريكا ميكونش باسلوب اللوا عبد العاطي: “صدقوني يا جماعه ده انا لوا كبير في الجيش”

الرد يكون بشكل فني. و قولنا الكلام ده قبل كده بالنص و الله:

“جرت العاده في العالم ان رئيس فريق التحقيق (و هو شخص فني) هو الذي يتحدث للصحافه بنتائج التحقيق. و هذا يجعل الأمور محكومه بجهه واحده تتحدث للصحافه و تمثل فريق التحقيق الرسمي و كذلك تبعث الثقه بحكم ان المتحدث شخص فني ملم بتفاصيل الموضوع.”

٢- مينفعش انك عشان زعلان علي السياحه تقوم تعاقب الدول التانيه!

———————

حكومه السيسي و الجيش تتصرف كطفل اخذ شخص منه الحلوي و هو يريد ان يضربه لاستعادتها منه! 

يعني مينفعش انك مقموص تقوم تمنع الطيارات البريطانيه انها تجلي رعاياها و تقولهم انا مش حاسمح الا ب ٨ طيارات بس في اليوم (مصدر ٢). 

ده شغل عيال. زي لما حاكبر حاضربكم! 

و لو انت فاكر ان ده حيخلي الدول دي تتراجع تبقي غلطان. و لو فاكر انك كده انتصرت برضه تبقي غلطان لأنهم كده عرفوا انك لا يعتمد عليك و بالتالي سهل قوي يمنعوا مواطنيهم من السفر لمصر لفتره طويله جدا لحد ما يتأكدوا انك شخص يعتمد عليه في أوقات زي ذي. 

الصح انك تسمح للدول بإجلاء رعاياها و تتعاون معاهم في الموضوع ده. 

٣- الموضوع دلوقتي بقي سياسي ايضا 

——————–

ميصحش (زي ما بيقول) ان السيسي يكلم بوتين و ميكلمش الشعب المصري يقوله ايه اللي بيحصل بدل الإشاعات اللي دايره في كل مكان. 

رئيس وزرا ماليزيا نجيب عبد الرزاق كان بيكلم مواطنيه باستمرار و كان بيكلم اهالي الضحايا باستمرار (مصدر ٣) وقت حادث الطياره الماليزية. 

٤- تسريب نظريات المؤامرات:

———————-

عيب جدا انك بدل ما تخلي الشعب يتعلم و يعرف معلومات ان المخابرات تسرب حكايات عن المؤامرات علي مصر و غيره. عيب. هذا استهتار بالشعب و الله. 

الحقيقه ان مش معقول انك تضرب أهل سينا بالطيارات كل يوم (مصدر ٤) و لا تتوقع انهم كبدو لن يتعاونوا مع اي احد بما فيه ولايه الشام للانتقام منك. 

سياسه الجيش في سينا و طريقه عبد العاطي هي أصل المشاكل. حلوا الأصل عشان الدنيا تمشي. 

و علي فكره من يظن ان اخطاء الحكومه المصريه انتهت او ان الموضوع قارب علي الانتهاء واهم. 

الحكومات دي حتطلب طلبات امنيه و انها تفتش الناس و الشنط بنفسها في المطارات و حتخلي مصر تدفع تمن الناس دول انهم يقيموا في مصر علي حساب الحكومه المصريه و مصر تدفع مرتباتهم كمان. 

و كمان الدول دي حتطلع تقارير سيئه جدا عن مصر و الامن فيها. و حتطالب بتفتيش الفنادق و الأماكن السياحيه بمعرفتها ايضا. يعني مش حيسيبوك. لانك واقع في عرضهم انهم يرجعوا السياحه ليك و هم مش عاوزين لأنهم مش واثقين فيك و بالتالي حيحطوا طلبات تعجيزية و انت برضه حتوافق و الدول دي عندها اعلام حيفضحك. الأفضل انك تصارح الناس.. 

و لسه. الامر لم ينتهي. 

المصادر:

——-

١- الحلقات السابقه من ماذا حدث للطائره الروسيه:

https://jawdablog.org/category/الإقتصاد/استراتيجيات-وحلول/

٢- منع او تقليل الطائرات البريطانيه:

http://www.nytimes.com/2015/11/07/world/middleeast/easyjet-flights-britain-egypt.html

٣- حادث الطياره الماليزية:

http://www.bbc.com/news/world-asia-26716572

٤- ملف جوده عن سينا:

https://jawdablog.org/category/مواضيع-أخرى/سيناء-مواضيع-أخرى/

 

One thought on “‏حادثة_الطائرة_الروسية‬ … حلقه ٥… الأخطاء الكارثيه للحكومه المصريه

  1. Pingback: !‫#‏حادثه_الطائره_الروسيه‬ … الحلقه ٧ … نظريات المؤامره | JAWDA

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s