‫#‏حادثة_الطائرة_الروسية‬ (٣) … تعليق فني حول المعروف حتي الان

Russian_Air_plane_3_3

Russian_Air_plane_3_1

حتي قبل ان يصل المحققون لموقع الحادث فان هناك أشياء تكون معروفة.

١- ارتفاع الطائرة و سرعتها منذ انطلاقها و حتي سقوطها و اختفاءها. 

—————————————————————

و هذه المعلومات يتم التحصل عليها بوسيلتين الاولي هي الرادار و الثانيه هي ان كل طائرة بها ترانسبوندر يرسل هذه المعلومات لهيئات الطيران المدني في العالم المسئولة عن مراقبة حركة الملاحة الجوية.

مع تقدم الانترنت اصبحت تلك المعلومات متاحه لحظيا لكل من يريد. و الصوره الاولي تظهر تلك المعلومات للطائرة الروسية حتي سقوطها.

(لاحظ ان هذه المعلومات لم تكن موجودة في الطائرة الماليزية التي سقطت في المحيط الهندي لان الطيار اختار مسار بعيد عن الرادار و كذلك لانه أطفأ جهاز الترانسبوندر. مما اثار الشكوك قطعا. )

عشان نفهم الطيارات بتشتغل ازاي لازم تفتكر و انت طفل بتجري بطيارة ورق kite و بتحاول ان تخليها تعلي. انت بتجري عشان تديها سرعه. السرعه بتزود الرفع lift و بتخلي الطياره تعلي. نفس أساس الطائرات الكبيرة (مصدر ١).

Russian_Air_plane_3_2

تمر الطائرات ب ٤ مراحل رئيسيه خلال رحلة الطيران:

١- الإقلاع: takeoff و عندها تكون المحركات في أقصي قدراتها بالذات اذا كانت الطائرة مقبلة علي رحلة طويلة و محملة بكثير من الوقود مثل حالة الطائرة الروسية. و مطلوب هنا توليد سرعة عالية للطائرة بشكل سريع قبل ان ينتهي الممر حيث ينتج عن السرعة ان تستطيع الطائرة الإقلاع lift.

٢- التسلق: climb و هي من ارتفاع حوالي ٣ الاف قدم حتي الوصول للارتفاع المطلوب للملاحه insertion altitude. و هو الارتفاع الذي يحدده برج المراقبه كي يكون امنا.

غير مطلوب في هذه المرحله زياده السرعه. بل المطلوب المحافظة علي سرعة ارضية محددة و زاوية اتجاه attitude محدد للطائرة حتي تستطيع زياده الارتفاع بشكل ثابت و امن.

٣- الملاحة: cruise و هنا تحتفظ الطائره بسرعتها بشكل عام و المهمه الرئيسيه هي الملاحة في أتجاه الهدف المحدد وفقا للمسار المحدد.

٤- الهبوط: landing. و فيها في الأغلب يتم تقليل سرعة الطائرة و هو عمل ليس سهل لانه اقل من سرعة معينة يمكن ان يقل الرفع lift بشكل كبير مما يودي لسقوط الطائرة بسبب ظاهره تعرف بال stall و هو عجز الجناح ان يوفر رفع مناسب للطائرة.

بالنظر للمناقشه دي، اكثر مرحله أمان في الرحله هي الملاحة. نادر جدا ان حوادث تحصل في مرحله الملاحه! لان المحركات بتبقي حرارتها اقل و مفيش زيادة في السرعة و مفيش خوف من stall نتيجه انخفاض السرعة. و كمان المجال الجوي بيبقي فاضي مش زي وقت الإقلاع او الهبوط حوالين مطار كبير مليان طيارات.

فده طبعا يثير علامه تعجب.

في حاله الطائرة الروسية هي سقطت اول لما وصلت لارتفاع ٣١ الف قدم اللي هو كان ارتفاع الملاحه المطلوب. النقطه دي بنسميها قمه التسلق top of climb.

كمان حاجه لازم فريق التحقيق يلاحظها. انه ليه top of climb. يعني بالضبط اول ما وصلت الطياره قمة التسلق تقوم واقعه. غريبه شويه. مصادفة عجيبة.

ففريق التحقيق لازم يفكر في سببين:

١- ان عطل فني محدد حصل عند نقطه top of climb. يعني اول لما الطيار يغير التحكم في قمره الطائره من الوضع “تسلق” للوضع “ملاحه” هل مثلا في مشكله في جهاز التحكم و انه باظ او ادي امر ان الطياره تنزل بدل ما تستقر؟

٢- او هل مثلا انه في متفجرات بلاستيكية وضعت علي الطائره موقوته بالارتفاع بمعني اول ما الضغط جوه عنبر الشنط cargo bay يقل مع الارتفاع عن حد معين تقوم المتفجرات مشتعله. ممكن جدا لان المتفجرات البلاستيكية صعب اكتشافها الا بتحليل كيميائي و جهاز التحكم ده حيبان انه لابتوب عادي.

كمان نلاحظ ان الطياره اقلعت الساعه ٦ صباحا. يعني الشرطه المصرية فتشت الشنط الساعه ٤-٥ صباحا. عاوزين خيالك يتصور حجم الدقه التي تعمل بها الشرطه المصريه الساعه ٥ صباحا مع سياح روس!

٣- الصدفه تمنع فكره انه يكون إطلاق صاروخي. و ده غريب ان كل الناس فكرت انه صاروخ مع ان ولايه سيناء قالت انها أسقطت الطائره و مقالتش انه بصاروخ!

(مصدر ٢).

Russian_Air_plane_3_4

٤- أسباب اخري معقده. مثل خلل فني او اكثر ادي لصعوبه تعامل طاقم الطائرة مع اكثر من مشكله في ذات الوقت.

ثانيا: بعد الوصول للموقع هناك حاجه مهمه جدا هي اول شيئ يقع عليه نظر فريق التحقيق!

————————————————–

و مش الصندوق الاسود. تخيل. اول حاجه بيبص عليها الفريق هي هل الحطام في مكان واحد و لا في اماكن كثيره متفرقه!

تفرق في ايه دي؟

تفرق انه لو الحطام في مكان واحد معني كده ان الطياره فضلت قطعه واحده لحد ما خبطت في الارض.

لو الحطام في اماكن كتيره بعيده معني كده ان الطياره اتحطمت في السما. و كل ما المسافات تكبر كل ما ارتفاع التحطم بيزيد. و فريق التحقيق يقدر يحسب بالتقريب التحطم حصل علي ارتفاع قد أيه من سرعات الرياح و وزن القطع.

في حالة الطياره الروسيه واضح ان الحطام علي مسافات متباعدة. و بالتالي الطياره اتحطمت في السما.

حاجه كمان بيبصوا عليها. هي اجزاء الحطام محروقه فين! 

يعني لو محروقه في مكان الكسر معني كده انها انكسرت الاول و بعدين اتحرقت. لو مش محروقه في مكان الكسر يبقي اتحرقت الاول و بعدين انكسرت. تفرق كتير في سبب الحادث.

ثالثا: الصندوق الاسود!

——————–

و هو في الحقيقه صندوقين:

– تسجيل الصوت في قمره القياده. Cockpit voice recorder 

– مسجل البيانات data recorder

عاده السؤال ليه الطيار مقالش انه عنده مشكله زي ما حصل في حاله الطياره الروسيه. (بالرغم من تضارب اقوال المسئولين المصريين في الموضوع – مصدر ٣).

الموضوع ده مش مشكله قوي و مش دليل زي ما الناس فاكره ان الموضوع حصل بسرعه يبقي لازم يبقي صاروخ او قنبله. لان الطيارين احنا بندربهم ان عندهم ٣ أولويات:

– الطيران aviate

– الملاحه navigate

– التواصل communicate

يعني اول حاجه انك تفضل طائر و متقعش. تاني حاجه انك تروح المكان اللي انت عاوزه. و اخيرا انك تتواصل مع العالم خارج القمره.

لذلك مسجل الأصوات حيقولنا بسهوله الحوار بين الطيارين و ايه المشاكل اللي شافوها.

كمان مسجل البيانات حيورينا بسهوله هل انظمه الطياره كانت تعمل بشكل سليم و لا لا. لو كل اجهزه الطياره كانت شغاله كويس يبتدي التحقيق يبقي جنائي و يشوف علامات القنبله او الصاروخ او التخريب.

و احنا هدفنا أنكم تفهموا. لذلك حنتابع معاكم السلسله دي كل لما تظهر اخبار جديدة.

و الحلقات السابقه في مصدر ٤.

المصادر:

——–

١- اساسيات عمل الطائرات:

http://www.aviastar.org/theory/basics_of_flight/

٢- بيان ولايه سينا حول الطائره الروسيه:

http://media.rosaelyoussef.com/uploads/files/2015/10/23/898988.jpg

٣- تضارب اقوال المسئولين المصريين:

http://gulfnews.com/news/mena/egypt/russian-air-crash-it-was-a-good-plane-says-official-1.1610201

٤- الحلقات السابقه من تقصي موضوع الطائره الروسيه:

https://www.facebook.com/jawda.org/posts/936977286372485

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s