حادثة_الطائرة_الروسية 1 نكشف لكم كيف يتم التحقيق في حوادث الطيران؟#

Russian_Air_plane_1_5

تحدد اتفاقية شيكاجو لتكوين منظمه الطيران المدني العالمية في ملحقها رقم ١٣ كيف يتم التعامل مع حوادث الطيران. الحقيقة هذه الاتفاقية (مصدر ١) هي احد انجح الاتفاقيات الدولية في التاريخ. تعالوا نبص علي ملحق ١٣ ده مكوناته ايه و هو كمان معاه مراجع تحدد اليات عمل التحقيق (مصدر ٢):

١- التخطيط و التنظيم للتحقيق: و هو الجزء الذي يحدد مين هي الدول التي تشارك في التحقيق و اي دولة تقود التحقيق. 

الاتفاقيه بتقول ان الدوله التي حدثت الحادثة علي ارضها او مياها هي الدوله التي تقود التحقيق (مصر في حاله الطائره الروسيه). لو الحادثة في مياه دولية تبقي دولة التسجيل للطائرة هي التي تقود التحقيق (زي مصر في حاله سقوط طائرة مصر للطيران في المياه الدوليه امام سواحل امريكا). 

الا طبعا لو اتنازلت الدوله دي عن قيادة التحقيق (برضه زي مصر في حاله سقوط طائرة مصر للطيران في المياه الدولية امام سواحل امريكا). 

بس لازم عضوية التحقيق تكون من الدول التالية:

– دول جنسيات الركاب القتلي او المصابين (روسيا و أوكرانيا في حاله الطائرة الروسية) 

– الدول المصنعة للطائره (فرنسا) و المحرك (امريكا). 

– الدول المصممة للطائرة (فرنسا و المانيا) و المحرك (امريكا و بريطانيا). 

– الدول التي توفر معلومات ضرورية حول الحادث (ممكن مثلا قبرص التي كانت الطائره المفترض ان تتصل ببرج مطار لارناكا بعد تركها للسواحل المصرية. ممكن ايضا ان مصر تطلب عضوية اسرائيل اللي سلاح الجو بتاعها مسح منطقة الحادثة بعد الحادث مباشره – مصدر ٣). 

٢- القواعد الإجرائية و قوائم التحقيق: و في هذا الجزء توجد قائمة كامله من مئات الاسئلة التي يجب علي فريق التحقيق انه يجاوب عليها للتعرف علي 

٣- التحقيق: ايه اُسلوب التحقيق اللي الفريق لازم يتبعه؟ ايه اللي يفحصه؟ يدور علي ايه؟ يعني يدور علي ايه في جسم الطيارة؟ في الصندوق الاسود؟ في المحرك؟ و هكذا. 

٤- التقرير: و ده الجزء اللي بيقدم ايه يكون شكل التقرير النهائي عن التحقيق و ايه مكوناته و ازاي يتكتب و ايه يتحط فيه و ايه ميتحطش. و احنا ندعوك انك تبص علي مصدر ٤ و نشوف شكل التفاصيل اللي لازم تكون في التقرير النهائي و الأروع هو كمية التفاصيل اللي بتحدد بيها الاتفاقية شكل و اُسلوب التقرير النهائي لحد ايه اسماء فصول التقرير و مين اللي لازم يوافق علي التقرير و مين لازم ياخذ نسخ من التقرير. 

عرفنا ان الموضوع مش سداح مداح؟ 

بكره و بعده بعون الله حنتابع ايه اللي مصر عملته غلط لحد دلوقتي و توقعاتنا عن موضوع الطيارة الروسية! 

المصادر:

——–

١- اتفاقيه شيكاجو:

http://www.icao.int/publications/pages/doc7300.aspx

٢- ملحق ١٣ (انيكس ١٣) من الكاو:

http://www.icao.int/safety/airnavigation/aig/pages/documents.aspx

٣- سلاح الجو لإسرائيل يمسح منطقه الحادث:

https://twitter.com/avichayadraee/status/660392454139547648

٤- شكل التقرير النهائي للتحقيق:

http://www.aaib.gov.mn/uploads/50ff3ff2-ecd8-4f88-b84c-467c0a0101be-9756_p4_cons_en.pdf

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s