“اسقاط الانقلاب بآليات القرن الواحد و عشرين …. التعليق علي “القفا

How_to_break_military_coup_Comment_on_Scruff

تحذير: لا تقرأ هذا المقال اذا كنت مع نظرية ان السياسة مثل تشجيع الكورة و انك مع فريقك في كل الأحوال لو صح و علي حق انت معاه و لو غلطان انت معاه و تضرب الحكم كمان. 

تمخض جبل المعسكر المضاد للانقلاب فولد فأرا. او في اقوال اخري ولد “قفا”. فزيارة السيسي لنيويورك معلوم ميعادها لانها تتطابق مع اجتماعات الجمعية العامة للأمم المتحدة في سبتمبر كل عام. يعني معروفه قبلها بسنة. كذلك معروف تماماً ان السيسي يصطحب معاه الجوقة الاعلامية من حملة المباخر و المطبلين و الأذرع الاعلامية. اولا لان رحلتهم لامريكا رشوة مقنعة للواد و البت. ثانيا لانها بتعمل تضخيم لعدد الناس المؤيدين له. المفروض الكتالوج اصبح محفوظ. 

نحن بقالنا سنة او اكثر بنكتب لازم محاكمات الأذرع الاعلامية دول. و كتبنا بدقة ازاي يتحاكموا و فين و بأي طريقة. كتبنا انهم ممكن يتحاكموا في امريكا بشرط ان احد المتضررين يكون مقيم في امريكا و يرفع عليهم قضية. تاثير القضية دي انه يرعبهم و يخليهم ميدخلوش امريكا تاني و يخافوا يدخلوا الغرب (مصدر ١). بالضبط زي ما حاولوا يعملوا مع احمد منصور.

و كتبنا كمان ازاي نحاكم الشركات المتورطة في الانقلاب. عشان السيسي ميقدرش يأخذ رجال اعمال معاه علي الطيارة و ميقدرش يقابل رجال اعمال (مصدر ٢). 

قلنا كل الكلام ده! 

لكن كل اللي قدر المعسكر المضاد للانقلاب انه يعمله انه يضرب واحد بالقفا! 

الحقيقي سوقية لا معني لها. و أساليب بلطجة لا تؤثر. 

طبعا كلنا هيصنا. لكن هل القفا ده حيمنعهم انهم يجوا امريكا؟ بالعكس. كل اللي حيحصل انه حيأجر حرس حواليه من شركة امن امريكية و المره الجايه لو قرب واحد منه الحرس ده مدرب ان يمسكه. الفكرة ان الحرس ده كتير منهم بيبقوا ضباط بوليس سابقين و بالتالي الشرطة في نيويورك حتسمع كلامهم أكتر و كتكتب المعتدي اقرار أنه ميقربش من الأذرع الاعلامية اقل من مسافه معينة يعني ميل مثلا. و خلاص. يعني بالعكس بدل ما ده يكون رادع للأذرع الاعلامية حيبقي رادع لمعسكر الشرعية ذاته!

قارن ده بقضية مرفوعة و انه بوصوله الفندق يجيله الشرطة و تبلغه انه لازم يحضر القضية يوم كذا الساعه كذا. اولا حياخد وقت انه يجيب محامي. و حيحاول يطلع بره امريكا بسرعة و هو عارف انه مش حيجرؤ يرجعلها تاني حتي لو المحامي طمنه!

للاسف كلنا بقينا بلطجية و سوقية و بنتعامل مع الانقلاب و القتل في رابعه كأنها عركه في حاره. 

أرجوكم. أرجوكم. نداء لكل من قام بالقفا:

١- حاكموهم

٢- خدوا بالكم السنه الجايه. 

اللهم بلغنا. 

و الحلقات السابقه كلها من الطرق الحديثه لاسقاط الانقلاب في مصدر ٣. 

المصادر:

———

١- اسقاط الانقلاب بأساليب القرن ٢١ – المحاكمات للأفراد:

https://jawdablog.org/2015/03/23/how_to_break_military_coup_14_trials-of-individuals/

٢- اسقاط الانقلاب بأساليب القرن ٢١ – محاكمه الشركات:

https://jawdablog.org/2014/12/28/how_to_break_military_coup_2/

– اسقاط الانقلاب بأساليب القرن ٢١. الحلقات السابقه كلها:

https://jawdablog.org/category/الانقلابات-العسكرية/كيف-تكسر-الإنقلاب/



Categories: !!! كيف تكسر الإنقلاب

1 reply

Trackbacks

  1. حتي ننقذ البنات و الأسر و المعتقلين في مصر … خطه واضحه | JAWDA

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: