!سكة الكواكبي … الحلقه ٩ … المستبدون يتولاهم مستبد

Kawakbi_Way_9

نواصل مسلسلنا عن الامام عبد الرحمن الكواكبي. و اللي هو في اعتقادنا مسلسل اهم بكتير و أنفع من مسلسل حارة اليهود. فكرنا كتير قوي قبل ما نكتب الحلقه دي. لكن لازم نواجه الحقيقه. الامام الكواكبي بيحاول هنا يشرح لنا حاجه احنا شايفنها فعلا. بيقول ايه:

“الاستبداد أعظم بلاء، يتعجل الله به الانتقام من عباده الخاملين ولا يرفعه

عنهم حتى يتوبوا توبة الأنفة. نعم، الاستبداد أعظم بلاء لأنه وباء دائم بالفتن وجدب مستمر بتعطيل الأعمال، وحريق متواصل بالسلب والغصب، وسيل جارف للعمران، وخوف يقطع القلوب، وظلام يعمي الأبصار، وألم لا يفتر، وصائل لا يرحم، وقصة سوء لا تنتهي. وإذا سأل سائل لماذا يبتلي الله عباده بالمستبدين؟ فأبلغ جواب مسكت هو: إن الله عادل مطلق لا يظلم أحدا، فلا يولي المستبد إلا على المستبدين. ولو نظر السائل نظرة الحكيم المدقق لوجد كل فرد من أسراء الاستبداد مستبدا في نفسه لو قدر لجعل زوجته وعائلته وعشيرته وقومه والبشر كلهم حتى وربه الذي خلقه تابعني لرأيه وأمره.

فالمستبدون يتولاهم مستبد والأحرار يتولاهم الأحرار،”

و للاسف احنا شايفين ده. يعني كثير من المصريين (مش الكل) لو أديته فرصه يبقي مستبد بيبقي مستبد. مثال كده شفنا حادثه مرتضي منصور مع لاعب وادي دجله الميرغني (https://www.youtube.com/watch?v=1Mf2fojbcps). مرتضي منصور شتم اللاعب علي الهواء و قاله “يا بواب”. طبعا طبقيه و استبداد. يقوم واحد بيتكلم مع البواب عنده في العماره فالبواب يقوله “البوابين مهنه محترمه. هم ليه بيعاملونا زي الزبالين!” يعني بدل الدفاع عن الحريات و المساواه كمبدأ عام، كل واحد بس بيدافع عن نفسه و بيستبد باللي تحته. مرات الضابط بتستبد بالضابط. الضابط بيضرب العساكر. العسكري بيضرب المدرس. المدرس بيضرب الطلبه. الطلبه بتعذب كلاب الشوارع و لما يكبروا و يبقوا مراهقين حيعتدوا علي البنات و لما يكبروا أكتر حيعذبوا اي حد يجي تحت أيدهم. و للاسف كل ده احنا شايفينه. 

لذلك الكواكبي بيحط الأحرار قدام حلين. اما ينوروا الناس حواليهم او انهم يهاجروا:

“ما أليق بالأسري في أرض أن يتحول عنها إلى حيث يملك حريته، فإن الكلب الطليق خير حياة من الأسد المربوط.”

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s