!سكة الكواكبي … الحلقة ٧ … التجنيد الإجباري

Kawakbi_Way_7

نواصل مسلسلنا عن الامام عبد الرحمن الكواكبي. و اللي هو في اعتقادنا مسلسل اهم بكتير و أنفع من مسلسل حارة اليهود. 

يعني الامام الكواكبي أتكلم كمان عن التجنيد الإجباري و كتب الكلام ده في القرن ١٩ كمان؟ اه تخيل. تعال نشوف بيقول ايه:

“جهالة الأمة، والجنود المنظمة. وهما أكبر مصائب الأمم وأهم معائب الإنسانية، وقد تخلصت الأمم المتمدنة نوعا من الجهالة، ولكن بليت بشدة الجندية الجبرية العمومية، تلك الشدة التي جعلتها أشقى حياة من الأمم الجاهلة وألصق عارا بالإنسانية من أقبح أشكال الاستبداد، حتى ربما يصح أن يقال إن مخترع هذه الجندية إذا كان هو الشيطان، فقد انتقم من آدم في أولاده أعظم ما يمكنه أن ينتقم! نعم إذا ما دامت هذه الجندية التي مضى عليها نحو قرنني إلى قرن آخر أيضا تنهك تجلد الأمم وتجعلها تسقط دفعة واحدة. “

يعني بيقول ان اهم أدوات المستبد هما جهل الناس و الجيش! و ان دول اكبر مصايب في اي بلد. تخيل. و بيقول ان اللي اخترع التجنيد الإجباري لو كان الشيطان فهذا اكبر انتقام من بني آدم. للدرجه دي. 

و بيقول كمان ان التجنيد الإجباري ده بقاله قرنين. و انه لو استمر قرن كمان فالأمم دي كلها “ستسقط دفعه واحده”. 

يا خبر. ده اللي احنا شايفينه فعلا في مصر و سوريا و العراق. كلها بلاد فيها تجنيد اجباري و كلها دول عماله تقع ورا بعضها فعلا دفعه واحده زي الامام الكواكبي ما قال! 

طيب ليه الكواكبي قال كده عن الجنديه؟ تعالوا نشوف. 

“كم يتعجب رجال الاستقبال من ترقي العلوم في هذا العصر ترقيا مقرونا باشتداد هذه المصيبة التي لا تترك محلا لاستغراب إطاعة المصريين للفراعنة في بناء الأهرامات سخرة، لأن تلك لا تتجاوز التعب وضياع الأوقات، وأما الجندية فتفسد أخلاق الأمة حيث تعلمها الشراسة والطاعة العمياء والاتكال، وتميت النشاط وفكرة الاستقلال، وتكلف الأمة الإنفاق الذي لا يطاق وكل ذلك منصرف لتأييد الاستبداد املشئوم: استبداد الحكومات القائد لتلك القوة من جهة، واستبداد الأمم بعضها على بعض من جهة

أخرى.”

الراجل بيتعجب ازاي العلوم اترقت في العصر (عصره حتي) و ازاي احنا لسه بنعمل تجنيد اجباري و مش مصدق نفسه. و بعدين بيقول لما نشوف السخره اللي بتحصل في التجنيد الإجباري نقدر نصدق ازاي المصريين أطاعوا الفراعنه في بناء الاهرامات! مع ان بناء الاهرامات ده بس كان تعب علي الفاضي و تضييع وقت.

و بيقول ان التجنيد الإجباري ده بيعلم الامه الشراسه و الطاعه العمياء و الاتكال و تميت النشاط و الاستقلال و تكلف الامه انفاق لا يُطاق فقط عشان نأيد القائد الأوحد. 

الراجل فعلا كأنه شايفنا. احنا شايفين الشراسه اللي المصريين بيعاملوا بعض بيها: أقتل و أفرم ( http://youtu.be/d1x62aeLN5s ) لدرجه من العنف حتي الحيوانات لا تستخدمها. و كل ده سببه عسكره الدوله و التجنيد الإجباري. 

طيب ازاي التجنيد الإجباري بيعلم الطاعه العمياء؟ ده هو هدفه أصلا ان ياخد الفلاح المصري من بيته و يهينه و يهين أسرته و يعلمه انه عصيان الدوله لا طائل منه. بنشوف احنا أطباء و مهندسين يدخلوا الجيش و بدل ما يتعاملوا باحترام بيتشتموا. ده مقصود عشان يفهموا ان الجيش و قياداته تقدر تبهدلهم. و النظام ده حطه محمد علي باشا عشان الشعب المصري لا يثور عليه. 

و طبعا التجنيد الإجباري بيعلم الاتكال. مش بس المجند اللي بيتعلم الاتكال علي الدوله. لا كمان القيادات و أزواجهم و عيالهم كمان بيتعلموا الاتكال علي المجندين. البلد كلها بتكسل و يموت النشاط. و طبعا كل ده تكاليف ملهاش لزمه هدفه لا الحفاظ علي الارض و لا اي حاجه، هدفه بس الحفاظ علي العرش للمستبد، العرش اللي انتقل من انه ملك من أسره محمد علي انه يبقي قائد للجيش! 

لاحظ ان امريكا لغت التجنيد الإجباري بعد حرب فيتنام عشان أتسبب في وجود وسايط و قله الخبره و التدريب و انخفاض المعنويات. لاحظ ان اسرائيل عندها تجنيد اجباري لكن المهندس بيشتغل انه يطور سلاح و يخترع و مفيش حد بيتهزء و مع ذلك برضه عندهم مشاكل مع التجنيد الإجباري. 

و طبعا الامام الكواكبي لم ير مصانع الجيش للمكرونه و ما شافش العساكر مستنين البيه الصغير عشان يوصلوه المدرسه. و ما شافش قاعات الافراح في فندق الماسه. مش عارفين لو كان شاف كل ده كان عمل فينا ايه.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s