الاسطوره ٥٢ … عيد العلم

Myth52_Knowledge_Feast

تجري مصر سنويا احتفالا يطلق عليه “عيد العلم”. و هو افتكاسه فنكوشيه لا مثيل لها في اي مكان اخر في العالم بدءا من امريكا اكثر دول العالم تقدما و نهايه بالصومال. يقوم رئيس الجمهوريه في عيد العلم بمنح بعض “العلماء” جوائز الدوله التشجيعية و التقديرية، و كلها جوايز يتم منحها بناءا علي ترشيحات مجالس جامعات عينها الرئيس و موافقه اجهزه امنيه عملها هو حمايه الرئيس و تعطي تلك الجوائز لناس لم يسمع بهم احد لا داخل مصر و لا خارجها و لا ذكر لهم في اي مجال علمي عالمي، ثم يلقي الرئيس خطابا فخيما مذاعا في التلفزيون الرسمي عن أهميه العلم و العلماء لمصر. و طبعا هو ذات الرئيس الذي يرعي جهاز الكفته و يشرف علي دوله كامله لا علاقه لها بالعلم، بل تتحدي العلم و موجوده أساسا خارج اي نوع من انواع العلوم المعروفه السياسيه او الاقتصاديه او الطبيعيه، دوله يعمل فيها كل شيئ بالتساهيل و الاكراميات. 

الحقيقه ان ما يطلق عليه “عيد العلم” في مصر هو نكايه في العلم. و ان هدفه الحقيقي انه تمثيليه هدفها مثل أشياء كثيره في مصر هو تمثيل ان مصر تهتم بالعلم و بالتالي إبراء الذمه و إشعار الشعب ان كل شيئ علي ما يرام. تماماً مثلما تطلق فرقعات اعلاميه مثل ان مصر ستطلق وكاله لأبحاث الفضاء او ان طالب من المنوفيه اخترع جهاز لتوليد الكهربا من الفول او الطعمية او المياه او ان تلميذه من غمره اخترعت جهاز لتوجيه سفن الفضاء (!)، و هي لم تلمس سفينه فضاء في حياتها مثلا. كلها عمليه تمثيليه موجهه بالضبط مثلما يصحب معه السيسي ممثلين محترفين يمثلون دور الشعب المصري. 

ماذا تفعل دول العالم الأخري؟

————————–

نبص علي الهند. كل سنه يوم ٢٨ فبراير بتعمل الهند يوم العلوم الوطني. اختارت الهند يوم ٢٨ فبراير لانه اليوم اللي اكتشف فيه العالم الهندي فينكات رامان ما يطلق عليه تأثير رامان و نال عن هذا الاكتشاف جايزه نوبل عام ١٩٣٠ في الفيزياء. 

الهند بتعمل ايه في اليوم ده (مصدر ١)؟ المدارس في الهند كلها بتعمل مسابقات في العلوم و عروض لمشاريع العلوم و التكنولوجيا بتاعه الطلبه. السينمات و التلفزيون بيعرضوا أفلام لها طابع علمي. التليسكوبات في الهند بتتفتح عشان الناس تروحها و تشاهد السماء و النجوم ( خوداد في الهند فيها احد اهم التليسكوبات في العالم). 

لاحظ الفارق. في مصر كل شيئ حوالين الرئيس و الموضوع كله تمثيل. في الهند الشعب و المدارس و الجامعات و مراكز العلم هي اللي بتعمل الشغل و هدفها العلم و التعليم. 

كل سنه بتختار الهند عنوان ليوم العلم الوطني او تيمه عشان يتم التركيز عليها. في سنه ٢٠١٣ كان العنوان هو: “المحاصيل المعدله جينيا و تأثيرها علي الامن الغذائي”. لاحظ الهند بلد لا تستورد غذاء. لكن هي حريصه علي استمرار كده بالعلم. العنوان عام ٢٠١٤ كان “تحفيز الأخلاق في العلم”. العنوان في ٢٠١٥ كان “بناء الامه الهنديه بالعلم”. خد بالك من المواضيع؛ العلم، الأخلاق، الامن الغذائي، المحاصيل المعدله جينيا. 

عشان كده الهند وصلت المريخ (مصدر ٢). و عشان كده مصر عملت جهاز الكفته. 

نفس فكره يوم العلم الوطني بيتحول لأسبوع العلم في امريكا (مصدر ٣). و بعدين امريكا قررت انه يبقي العلم طول السنه و ان كل المدارس تعمل مسابقات طول السنه لتشجيع العلم. لا طلع رئيس الجمهوريه أتكلم و لكن هي اكثر دوله تشجع العلماء و اكثر دوله بها تكنولوجيا و بها علماء حاصلون علي جايزه نوبل. 

نفس الفكره في بريطانيا و سويسرا و استراليا و معظم العالم المتقدم و اللي عاوز يتقدم. 

هو ده الفرق. عشان مصر دايره حوالين رؤساء جهله من الجيش بتعمل جهاز الكفته و بتمثل انها بتعمل عيد علم. عشان الهند و امريكا و غيرها بيعملوا مسابقات للعلم في المدارس و الجامعات و ان توجيهات سياده الرئيس ملهاش دعوه بالموضوع اتقدموا. هو ده الفرق بين الاستبداد و الديمقراطيه. 

تخلصوا من الاساطير. 

الاساطير السابقه كلها في مصدر ٤. 

المصادر:

———

١- احتفال الهند بيوم العلم الوطني:

https://en.wikipedia.org/wiki/National_Science_Day

٢- الهند تصل للمريخ:

http://www.space.com/23203-india-mars-orbiter-mission-photos.html

٣- أسبوع العلم في امريكا:

https://en.wikipedia.org/wiki/National_Science_Week

٤- الاساطير السابقه كلها مجمعه:

https://jawdablog.org/category/الأساطير-و-التابوهات-في-السياسه-المصر/

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s