خليك إيجابي … هاشتاج سي ان ان

CNN_Hashtag_2

احنا دائماً رأينا ان الثوره المصريه لن تنتصر الا اذا اصبحت انت (ايوه انت) إيجابي. و كتبنا في كده كتير جدا (مصدر ١). كتير من المواقع الفتره اللي فاتت عاوزه متابعيها يشاركوا في هاشتاج عملاه سي ان ان اسمه “فقط في القاهره” او ‪#‎onlyincairo‬ و احنا عاوزين نكتب هنا نحذركم شويه من الموضوع ده. ايه الحكايه؟ واحد حيقول انتم بتقولوا خليك إيجابي و بعدين دلوقتي بتقول خد بالك؟

سي ان ان عندها قناه بتتعرض في امريكا ذاتها و هي دي اهم قناه عندها. عندها قناه تانيه اسمها سي ان ان انترناشيونال و دي بتتعرض في كل حته بره امريكا. سي ان ان انترناشيونال عندها برنامج اسمه “ربط العالم” او “كونيكت زا ورلد” بتقدمه مذيعه إنجليزيه الحقيقه طيبه للغايه و ملهاش مواقف سياسيه ضخمه اسمها بيكي (ربيكا) أندرسون (مصدر ٢). البرنامج بتاعها ده بيتذاع من ابي ظبي ذات نفسها. و معظم الإعلانات اللي عليه هي إعلانات من دوله الامارات العربيه. و طبعا بيكي أندرسون و المعدون و المخرجون و طاقم البرنامج كله يعيش في ابي ظبي.

نبص بقي علي المواضيع اللي البرنامج بيذيعها نلاقي الآتي:

١- ازاي العمال في دبي بيعملوا حاجات جميله (مصدر ٣). 

٢- ازاي الغرب يقدر يغلب داعش (مصدر ٤). يعني مش بس ازاي يجب مكافحه داعش. لا. ازاي الغرب. و ده طبعا موقف حكومه الامارات اللي عاوزه امريكا تيجي بذاتها تخلصها من مشاكلها و منها داعش.

و مواضيع تانيه ان العمال في الامارات معززين مكرمين مفيش عبوديه و لا حاجه.

في خلط بين البروباجندا و الصحافه. و جزء من ده هو طبيعي لما تعمل برنامج ضيف عند دوله. أكيد انت عارف انك مش حتقدر تنتقدها قوي في مقابل الإعلانات من الدوله دي. و جزء منها ان بيكي أندرسون اختيار ممتاز لكده لانها فعلا شخصيه طيبه و غير عدائيه و مستعده للتعاون. مش مثلا واحده زي كريستيان أمانبور ممكن تحرج و تعمل مشاكل.

البرنامج ده قرر يعمل “رود شو” يعني يلف علي دول المنطقه و يذيع منها. و طبعا اختار مصر كمحطة قادمه. و قرر انه يعمل هاشتاج يسميه “فقط في مصر” عشان الناس تحط فيه هي عاوزه تشوف ايه في البرنامج اللي حيتذاع من مصر ده. و هم بقالهم حوالي أسبوع بياخدوا بعض تعليقات الناس و يحطوها علي صفحه البرنامج. أتأكد بنفسك في مصدر ٢.

بالرغم ان معظم تعليقات الناس في الهاشتاج هي ضد الانقلاب طبعا التعليقات اللي البرنامج بيختارها كلها حاجات لطيفه و ظريفه. زي مثلا: “في منطقه السيده زينب توجد قهوه قديمه جميله”. او “هذه الصوره ملتقطه من وسط البلد في القاهره”. و هي صوره بها شوارع و مناطق عبور مشاه مخططه بعنايه. انظر الصوره المرفقه. او “تعرف انك في القاهره عندما تسير الحمير و السيارات بذات السرعه”. يعني شويه نقد بس مش قوي و كله كلام عن الثقافه و السياحه و الناس تقول اه دي بلد اكسوتيك (مختلفه). يعني ترويج سياحي مبطن للسيد السيسي. و تجاهل كامل لأي امر سياسي.

CNN_Hashtag_4

CNN_Hashtag_3

و طبعا ممكن البرنامج من القاهره يستضيف ناس شيك قوي من الجامعه الأمريكيه يقولوا كلام حلو جدا انهم عاوزين حريات للمرأه و ان في ثوره دينيه في مصر و حاجات كده. سياسه بس مش قوي. شويه نقد بس لطيف. و الناس اللي حتروح البرنامج كلهم حيكونوا مختارين بعنايه و حيكونوا ولاد ناس بتشتغل في المخابرات و القضاء و رجال اعمال.

طيب يعني معني كده مفيش فايده؟

——————————

إطلاقا. بالعكس. انت بقي سيبك من محاوله التأثير علي مكونات البرنامج. عاوزين نلعب علي نفسيه بيكي أندرسون ذات نفسها. ازاي؟

كل المطلوب اننا نكتب لبيكي ذاتها علي تويتر بشكل مستمر و نقولها انتي ليه قابله انك تكوني متحدثه و مروجه للقمع؟ و علي فكره بيكي فعلا شخصيه طيبه.

ايه المطلوب من قراء جوده؟

———————-

ادخل علي تويتر. لو معندكش حساب اعمل واحد. و اكتب عليه:

@BeckyCNN #onlyInCairo Ms Anderson, why accept to be mouthpiece of a coup in Cairo? Why we suffer while Sisi doth bestride our country?

بالعربي: 

السيده أندرسون: لماذا تقبلين ان تكوني متحدثه باسم انقلاب عسكري؟ لماذا نحن نعاني بينما يسيطر السيسي علي كل البلد (جمله مقتبسه من مسرحيه يوليس قيصر لشكسبير الذي درسته بيكي في المدرسه في مانشستر).

يمكن ايضا ان تكتب:

@BeckyCNN #onlyInCairo Ms Anderson, is Emirati ad money worth losing our respect for you? Become promoter of Sisi propaganda?

و الترجمه بالعربي:

السيده أندرسون. هل أموال الإعلانات من الامارات توازي فقدانك لاحترامنا؟ و تصبحين مروجه للسيسي؟

يمكنكم كتابه اي شيئ ترونه بالانجليزيه ايضا. و لكن رجاء الابتعاد عن الشتائم. كن محترما و تحدث بأدب و عن حق.

يمكن ان تكتب اكثر من مره و لكن لاحظ ان تويتر سيطلب منك تغيير و لو حرف واحد في التويته. ادخل كل يوم في مواعيد مختلفه و اكتب. الامر لا يستغرق الا ثواني.

المصادر:

——–

١- اسقاط الانقلاب بوسائل القرن ٢١:

https://jawdablog.org/category/الانقلابات-العسكرية/كيف-تكسر-الإنقلاب/

٢- كونكت زا ورلد علي سي ان ان انترناشونال:

http://www.cnn.com/shows/connect-the-world

٣- ابهار العمال في دبي:

http://www.cnn.com/videos/tv/2015/04/13/ctw-french-spiderman-climbs-dubai-tower.cnn

٤- ازاي الغرب يغلب داعش:

http://www.cnn.com/2015/05/28/middleeast/isis-how-to-stop-it/index.html

 



Categories: !!! كيف تكسر الإنقلاب

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: