خليك إيجابي … من ألمانيا الي جنوب افريقيا … اسقاط الانقلاب بوسائل القرن ٢١

South_Africa_Germany_Against_Coup

قلنا قبل كده ان الايجابيه حتجبر نظام السيسي علي التراجع و ان في وسائل كتيره غير المظاهرات. مش معني كده ان المظاهرات وحشه او ان اللي بيعملوها مش ابطال. بالعكس لكن في وسائل كتيره تانيه (كلها مجمعه في مصدر ١). الطرق و الوسائل دي فيها المحاكمات و مطارده مجرمي الانقلاب في العالم و مطارده الشركات المتعاونة معاهم و الحوار مع وسائل الاعلام و الحكومات الغربيه. و شوفنا قد ايه ان الحوار مع الحكومه الالمانيه و الضغط اللي انتم عملتوه بالكتابه للحكومه الالمانيه خلي زياره السيسي لالمانيا تجربه سيئه جدا له (مصدر ٢). 

و بعدين شفنا بعدها علي طول ان السيسي خاف يروح جنوب افريقيا في مؤتمر قمه أفريقي. ايه السبب في كده؟

١- انه فعلا خايف ان اللي حصل في ألمانيا يتكرر بشكل مضاعف في جنوب افريقيا. 

٢- ان بث زيارته لجنوب افريقيا حتخلي الشعب المصري يكتشف ان جوهانسبرج و بالذات بريتوريا و مطار او ار تامبو و منطقه زي ساندتون و غيرها مناطق متقدمه جدا و بمستويات اوروبيه. و كمان حيكتشفوا ان مثلا دلوقتي في جنوب افريقيا كابتن الطائره اسود و ضابط الجوازات اسود بينما المضيفه تحت رئاسته او العسكري تحته ابيض او بيضاء. هذه مجتمعات تريد التقدم. 

لو عاوز تعرف شكل اقتصاد جنوب افريقيا فقط اعرف انها بلد ضاعفت متوسط الدخل للفرد في خلال عشر سنين (مصدر ٣). 

و طبعا بص علي صور من جنوب افريقيا في مصدر ٤. 

و طبعا الناس حتكتشف ان برلمان جنوب افريقيا منعقد الأيام دي و ان تلفزيون جنوب افريقيا الرسمي بيذيع جلسات البرلمان اللي بقاله كذا شهر بيحاسب رئيس الجمهوريه عشان اقرار الموازنه الجديده لجنوب افريقيا و انه في اتهامات فساد بيتحقق فيها بجديه و محدش طلع يقول أقفل الديمقراطيه و التلفزيون (مصدر ٥). 

٣- بالطبع لا يمكن محاكمه رئيس دوله بدون قرار دولي لان رؤساء الدول لهم حصانه و جنوب افريقيا اعترفت بالانقلاب كوضع دي فاكتو (امر واقع) و لكن ليس دي جيري (قانوني). لكن يبقي الجبن سيد الأخلاق و يبدو كمان ان اللي حوالين السيسي من بتوع الجيش مش بيفهموا قوي في القانون الدولي (مصدر ٦). 

علي فكره. احنا سعدا جدا ان بعض الناس قالت خلينا نتحسب ان اعلان إلغاء الزياره خدعه عشان تقف الفعاليات في جنوب افريقيا. لأنهم فعلا عملوها في امريكا قبل كده و غيروا ميعاد الخطبه بتاعته في الامم المتحده. لذلك جميل ان الناس بتتعلم و مصحصحه. اعظم استخدام للإنترنت هو في مشاركه الخبرات و تطويرها و الاستفاده منها. 

جميل. هذا يضاف لنصر ألمانيا. المطلوب هو الاستمرار. المعركة الجايه المهمه هي زياره امريكا في سبتمبر. و دي مهمه و عاوزه شغل كبير و تحضير من دلوقتي و حتحتاج حلقه لوحدها. انتظرونا. 

المصادر:

——–

١- اسقاط الانقلاب بأساليب القرن ٢١:

https://jawdablog.org/category/الانقلابات-العسكرية/كيف-تكسر-الإنقلاب/

٢- خليك إيجابي … زياره السيسي لالمانيا:

https://jawdablog.org/2015/06/06/be_positive_send_a_letter_to_german_consular/

٣- تطور اقتصاد جنوب افريقيا منذ عام ٢٠٠٠:

http://www.tradingeconomics.com/south-africa/gdp-per-capita

٤- تعرف علي جنوب افريقيا:

http://www.southafrica.info/about/quickguide.htm#.VXytEEb3bCQ

٥- نقاشات برلمان جنوب افريقيا:

http://www.bloomberg.com/news/articles/2015-02-17/zuma-labeled-a-broken-man-after-south-africa-parliament-brawl

٦- الفارق بين الاعتراف بالأمر الواقع و الاعتراف القانوني في القانون الدولي:

http://en.m.wikipedia.org/wiki/De_jure

——————

الصوره المرفقه هي لمدينه جوهانسبرج التي خاف السيسي زيارتها بسبب ارتفاع معدلات الجريمه! هو بالطبع كان ينوي زياره حواري جوهانسبرج عشان يفتحوا عليه المطاوي فيها كما يحدث في مصر! 

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s