منظمات حقوق التعذيب في مصر … الاسطوره ٤٨

Hafez_abo_Se3da

تقول الاسطوره ان هناك منظمات لحمايه حقوق الانسان المصري ضد التعذيب. الحقيقه ان هذه المنظمات هدفها حمايه حقوق الشرطه و الجيش في تعذيب المصريين كيفما تري مناسبا. 

بلاش نبص علي الجهاز “القومي” لحقوق الانسان التابع للحكومه و رئيسه السيد بطرس بطرس غالي الذي أعلن امام الناس في التلفزيون ان حقوق الانسان مش وقتها (مصدر ١). السؤال الذي يطرح نفسه لماذا إذن يأخذ مرتب من الشعب الغلبان في مقابل ما يطلق عليه الدفاع عن حقوق الانسان؟ 

بلاش لانها هيئه تابعه للحكومه. خلونا نبص علي الجمعيات “المستقله”. خد بالك من موضوع مستقله ده. 

لننظر مثلا للسيد حافظ ابي سعده و منظمته المدعوه الجمعيه المصريه لحقوق الانسان. ذهب السيد ابو سعده للدفاع عن الحكومه المصريه في مجلس حقوق الانسان في جنيف اول مره الحقيقه نري جمعيه حقوق إنسان تدافع عن الحكومات. هذه ظاهره تفرد بها السيد ابو سعده و لم يأتِ بها احد من الاولين و لا الآخرين. و قال السيد ابو سعده ان مصر لا يوجد بها معتقلين (نعم!) و ان القتل في رابعه و النهضه و غيره و غيره كان ضروره (مصدر ٢). 

و انبري السيد ابو سعده للدفاع عن الشرطه المصريه و انها الأفضل في العالم و ان كل ما يقال عن التعذيب و القتل في مصر هو افتراء واضح. 

طبعا نحن نعلم جميعا ملائكيه ضباط الشرطه في مصر دون شك. و نصدق تماماً لما يقوله السيد ابو سعده. المشكله ان العالم لا يصدقه و بالتالي أصدرت جمعيه مثل هيومان رايتس واتش تقريرا يقول ان السيسي ارتكب جريمه ضد الانسانيه في رابعه و انه يجب ان يحاكم (مصدر ٣). 

الحقيقه انه اذا كانت جمعيات حقوق الانسان تقول ان قتل الانسان ضروره إذن ما الحاجه للحكومات! 

جمعيه حقوق إنسان بالاجره! 

————————– 

و قذ لاحظنا انه عندما “يحتاس” نظام السيسي فانه يرسل السيد ابي سعده و السيده زياده كممثلين الدبلوماسيه “الشعبيه” المصريه. و مؤخراً تم إرسالهما لالمانيا حتي يتحدثان بأسم “الشعب المصري” فهو محامي حقوقي بيقولك مفيش تعذيب و هي سيده محجبه حجاب علي اصله و بتقولك الشعب كله بيحب السيسي. طيب يعني الغرب حيزايد علي المحامي الحقوقي و البنت المحجبه! هي دي الفكره من إرسالهم. 

المشكله انه كما كتبنا في السابق (مصدر ٤) ان دخول ألمانيا محتاج فيزا و الناس دي راحت في ٤٨ ساعه. ازاي ناس من “الشعب” المصري اخدت فيزا لالمانيا بهذه السرعه! 

طبعا من الواضح انهم أذرع لنظام السيسي. 

dalya_zeyada_1

لكن لماذا يفعل السيد ابو سعده هذا 

—————————— 

يعني ايه اللي يخلي واحد محامي محترم زي حافظ ابي سعده يشتغل صبي حقوق إنسان لتلميع سجل نظام السيسي. الحقيقه لازم نرجع لورا شويه. 

في ديسمبر ٢٠٠٨ التقي السيد ابو سعده و غيره من “الحقوقيين” المصريين بوفد من الكونجرس الامريكي و تم كتابه محضر باللقاء جري تسريبه ضمن ويكيليكس (مصدر ٥). قال هؤلاء الحقوقيون لوفد الكونجرس الامريكي الزائر التالي: 

١- يجب ان تضغط امريكا علي مصر للسماح بتقنين عدد اكبر من الجمعيات الحقوقيه. 

٢- لماذا تعطي امريكا لمصر معونه؟ يجب توجيه جزء اكبر من المعونه تجاه حقوق الانسان (حنفهم بعد شويه ايه معني الكلام ده). 

٣- اختلفوا حول قوه الاخوان المسلمين علي الارض ردا علي سوْال من وفد الكونجرس الامريكي. 

(يعني “الحقوقيين” دول كانوا عاوزين امريكا تقطع المعونه عن مصر و تديهم الفلوس في جيبهم طبعا! و السيد ابو سعده لا مانع لديه ان تضغط امريكا علي مصر من اجل مصالحه هو الشخصيه. اما مصالح الشعب المصري فلتذهب للجحيم طبعا) 

نبتدئ نربط النقط مع بعضها. في سنه ٢٠١١ و ٢٠١٢ قام الجيش المصري و المجلس العسكري مطلع فضيحه ان منظمات حقوق الانسان في مصر بتاخد فلوس من امريكا و اسم حافظ ابي سعده كان من ضمن الأسماء الموجوده (مصدر ٦). طبعا كل الامريكان في الموضوع طلعوا بره مصر في فضيحه قضاء مصر الشامخ الشهيره. 

المهم بقيه الأسماء. حتلاقي منهم اللي احتفظ بكرامته و طلع بره مصر و ما زال يحارب النظام مثل أيمن نور (لم يلتق مع الوفد الامريكي للامانه) و حتلاقي منهم اللي قاعد في مصر ساكت تماماً (و ده غالبا خايف من التعذيب و القتل و للامانه برضه أسمائهم مش موجوده مع من قابلوا وفد الكونجرس الامريكي). و طبعا حتلاقي اللي بيطبل للسيسي و الجيش لان علي راسه بطحه و ده واحد فقط هو السيد ابو سعده (و هو الوحيد المذكور في قايمه الجيش و فعلا قابل الوفد الامريكي). 

نربط النقاط مع بعضها إذن. الجيش و الامن و المخابرات ادخلوا اسماء شريفه كي يهددها و يتخلص منها مع اسماء غير شريفه كي يجعلها تعمل معه. تماماً مثلما كان صلاح نصر يهدد من تعرفون و نعرف. 

لذلك ليس كل ما نسمعه نصدقه. هدف هذه الأمور الاعلاميه النابعه من المخابرات هو وضع اسماء شريفه مع اسماء غير شريفه حتي يتم التخلص من الشرفاء و استعباد الحقراء. 

عرفنا لماذا يفعل السيد ابو سعده ما يفعل؟ 

Hafez_abo_Se3da2

المصادر: 

——– 

١- بطرس بطرس غالي عن حقوق الانسان: http://www.shorouknews.com/mobile/news/view.aspx?cdate=17102014&id=e27771de-3c18-4824-8160-351d314bcac5

٢- حافظ ابو سعده عن حقوق الانسان: http://www.roayahnews.com/وفد-القومي-لحقوق-الإنسان-يصل-جنيف-استع/04-716284.html

٣- جريمه ضد الانسانيه: http://www.hrw.org/news/2014/08/12/egypt-rab-killings-likely-crimes-against-humanity

٤- من هي السيده زياده: https://jawdablog.org/2015/05/27/diplomacy_precedes_sisi_to_germany/

٥- برقيه السفاره الأمريكيه عن لقاء جمعيات “حقوق الانسان” المصريه مع وفد الكونجرس الامريكي 

https://www.wikileaks.org/plusd/cables/08CAIRO2542_a.html

٦- اتهامات بتلقي الأموال:

http://www.madamasr.com/news/public-prosecutor-makes-wikileaks-blunder

One thought on “منظمات حقوق التعذيب في مصر … الاسطوره ٤٨

  1. Pingback: “عندما قال نجيب جبرائيل للالمان: “انت مش عارف انا مين | JAWDA

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s