:عزيزي مؤيد “ثورة” ٣٠/٦ وتوابعها

– مرتاح ف الملابس المستعمله الاماراتى و لا نجيب لك مقاس اوسع شويه ؟

– الواى فاى اللى السيسى ركبه فى الاتوبيسات سرعته تمام و لا بطئ ؟

– الميه اللى بتشربها من نهر الكونغو احلى و الا اللى كانت بتيجى من اثيوبيا ؟

– مرتاح فى الشقه اللى اخدتها من المليون وحده سكنيه و الا ضيقه شويه ؟

– اتعالجت بالكفته الحمد لله و الا لسه ف فترة النقاهة ؟

– انبوبة الغاز اللى بتوصلك لغاية البيت بتوصل ف معادها ولا بدرى شوية ؟

– عدد ساعات الكهربا اللى بتقطع كويسه و الا نزود كمان ؟

– يا ترى اللمبات الموفره وفرت لك ف الفاتورة ولا بقيت بتدفع اكتر ؟

– اطمنت على الكماشه المصريه اليونانيه القبرصيه اللى عملوها على قطر ؟

– الاستقرار كدا كويس و الا تحب تاخد شوية استقرار فوق البيعه ؟

– زرعت الفدانيين اللى اخدتهم من الاربعه مليون فدان المستصلحين ايه ؟

– الكادر بتاع الاطباء و المدرسين عاجبك و لا نبحبح شوية ؟

– العربيه اللى اخدتها بتشتغل بيها فى سوق العبور و الا سوق الجمعه ؟

– باركت لمبارك و العادلى و احمد عز على البراءه و الا لسه ؟

– يا ترى اطمنت على الــ 44 مليار اللى السيسى اخدهم من الخليج ؟

– صفقة الاسلحه الروسى هنستخدمها فى قصف الحوثيين و الا لأ ؟

– اتعلمت حاجه جديده النهارده من الاسلام على ايد فاطمه ناعوت و الا لأ ؟

– مستمتع بالكهربا اللى ولدناها من السبانخ و الا تحب نستخرجها من الكوسه ؟

– زرت قائد الاسطول السادس الامريكى و اخدتله عيش و حلاوه و الا لسه ؟

– جربت الفرخه ام 75 قرش ولا مش بتحب الا اللحمة ام جنيه ؟

– مستريح فى ركوب التاكسى الطائر و الا نخليها سفينة فضاء احسن ؟

– مبسوط من الضريبه العقاريه و الا تحب نزودهالك كمان شويه ؟

– شفت المليارات اللى جايه من قناة السويس الجديده و الا لسه ؟

– نزلت انتخبت اللى انت عاوزه فى الانتخابات البرلمانيه و الا لسه ؟

– اتأكدت ان قطر و اميرها متخابرين على مصر و الا حضن السيسى لتميم نساك ؟

– انت مع الشرعيه فى اليمن و الا مع الانقلاب فى ليبيا ؟

– بترقص على تسلم الايادى و الا على بشرة خير ؟

خليك مصدق !!!

منقول

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s