! اجري زي البنات

يوم الاحد الماضي كان يوم نهائي كأس كره القدم الأمريكيه المعروف بأسم السوبر بول. و هي اهم حدث رياضي في امريكا و يشاهده كل امريكا. تكلفه الإعلان في خلال المباراه ٤ مليون دولار لكل نصف دقيقه. شركه اولويز لحفاظات السيدات قدمت اعلان مدته ٣,٥ دقائق يعني أتكلف ١٤ مليون دولار. تعالوا كده نشوف الإعلان بيقول ايه.

– مجموعه من الأولاد في الكاميرا. 

– المذيعه تطلب منهم ان يجروا زي البنات. 

– يقوم الأولاد بالجري بدلع مثل البنات. 

– تطلب منهم المذيعه ان يشوطوا مثل البنات او يسبحوا مثل البنات. 

– يقوم الأولاد بفعل ما تطلبه المذيعه بدلع و تريقه.

– بنت صغيره تظهر في الكاميرا. 

– تطلب منها المذيعه ان تجري زي البنات. 

– تجري البنت بكل طاقتها. 

– تسألها المذيعه ماذا يعني لها ان تجري مثل البنات. 

– تقول البنت ان هذا يعني ان تجري بأسرع ما يمكن.

– تقول المذيعه ان التريقه علي البنات تودي الي انخفاض ثقتهن بأنفسهن بين سن ١٠ و ١٢ سنه.

– تظهر مراهقه في الكاميرا. 

– تسألها المذيعه ما رأيها فيمن يتريق بالقول إنها تجري زي البنات. 

– تقول المراهقه: انا أقول لكل البنات. أجروا زي البنات. اضربوا زي البنات. شوطوا زي البنات. انجحوا زي البنات. و انا مش خجلانه اني بأعمل كل حاجه زي البنات. بالعكس انا بأصحي الصبح زي البنات. لأَنِّي انا بنت و فخوره بكده.

– سؤال للولد اللي كان بيتريق في بدايه الإعلان: انت مش شايف انك بتتريق علي اختك؟

– الرد: لا. انا اتريقت علي البنات بس مش اختي. … عندك حق. انا اتريقت علي اختي فعلا.

– أجروا زي البنات.

انتهي الإعلان. و لكن لم تتوقف حسرتنا:

ليه شركه تعمل اعلان لا تذكر فيه منتجاتها خالص؟ لانها شركه لها مسئوليه في المجتمع. لانها مش بتاخد الفلوس و بتجري.

قارن الإعلان ده بالإعلام المصري (الاعلام. و ليس الإعلان حتي فهذا فقدنا فيه الأمل):

– لميس الحديدي: السيسي لازم يسن السكاكين و يدبح. 

– عمرو اديب: احنا ممكن نجيب عاليها واطيها. 

– احمد موسي: يجب قتل الاخوان دون محاكمات.

في بلد بها اعلي نسب التحرش الجنسي في العالم.

عرفتم ليه بنتحسر!

عرفتم ليه هم بيتقدموا. و احنا لا؟

المصادر:

——–

١- اعلان شركه اولويز:

http://youtu.be/XjJQBjWYDTs

‪#‎runlikeagirl‬

٢- تكلفه الإعلان في كأس السوبر الامريكي:

http://www.forbes.com/sites/onmarketing/2014/01/29/yes-a-super-bowl-ad-really-is-worth-4-million/

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s