ملاحظات اليوم الاول من الموجه الثوريه يناير ٢٠١٥

ستتوقف جوده عن كل الحلقات العاديه و ستورد تغطيه خاصه للموجه الثوريه يناير٢٠١٥ و فيها تحليل استراتيجي يومي لكيفيه زياده النجاح و تجنب الفشل. 

اولا: ماذا نجح فيه الثوار؟

نجح الثوار في اليوم الاول في التنويع النوعي و الجغرافي و الزمني. 

يعني ايه؟ 

١- يعني كانت المظاهرات في اماكن متعددة في كل أنحاء مصر: المطريه، عين شمس، الهرم، السويس، البحيره، الاسكندريه، العريش، و غيرهم. 

وجود عده مظاهرات في ذات الوقت في نطاق جغرافي كبير افقد الجيش و الشرطه القدره علي تكثيف الرد في مكان واحد. ده التنوع الجغرافي. 

٢- التنوع الزمني هو وجود موجات متتاليهً. يعني مش مظاهره واحده تنضرب و يخلص اليوم. الشرطه ضربت اول موجه. افتكرت انها خلصت. لقت بعدها موجه تانيه و تالته. بمرور الوقت معنويات الشرطه بتنهار. بالذات انها عارفه انها بتدافع عن الجيش اللي خد منها الموقع الاول في البلد. 

بمرور الوقت ستنهار الشرطه. في ظرف ايام يمكن ان تترك مواقعها تماماً للجيش. 

٣- التنوع النوعي. معناه مش مظاهرات بس. فيه وسائل جديده. الثأر مثلا وسيله جديده. افقدت الشرطه و القضاء و الجيش توازنهم. 

٤- كمان نجح الثوار في عدم التركيز علي دخول التحرير. 

بالعكس كان في مظاهرات رمزيه للتحرير في حين ان تركيز الجيش كله كان علي التحرير. أوعي تضرب العدو في أقوي نقاطه. دائماً في اضعف نقاطه. وجود مظاهرات تحويليه بهدف تحويل الأنظار نقطه مهمه جدا. تعمل مظاهره عند أقوي نقطه فقط لتحويل الأنظار عن الفعل الرئيسي في المطريه و عين شمس مثلا. عشره علي عشره. افقدت النظام توازنه. 

في كتاب اسمه “اللي جابك هنا مش حيوديك هناك” 

?What got you here will not get you there

اللي خلص علي مبارك في ٢٠١١ مش اللي حيتخلص من الاستبداد في ٢٠١٥. ركز قوي في دي. 

٥- الدفاع عن التظاهرات السلميه

السلميه مش معناها تنضرب. معناها تدافع عن نفسك لو انضربت. 

دي الثوار بدأوا فيها و محتاجين يطوروها. 

ثانيا. ناخذ بالنا من ايه؟

———————

١- ترك المطريه و عين شمس لوحدهم. مظاهرات تحويليه كثير حتخف الضغط عنهم. 

٢- النظام اهتز بدليل قفل القطارات. و العالم ابتدا ياخد باله. أوعي تسيبه. 

في الغالب الخطوه الجايه هي العنف الشديد و الاعتقالات. لانه نطام مجنون. 

أوعي تواجه. بالعكس. ممكن تريح ٢٤ ساعه و الناس تبات بره بيوتها عشان الاعتقال. 

الشرطه مستنفره و تعبانه. لو ما لقتش مظاهرات في ٢٤ ساعه حتفك. في اخر ال ٢٤ ساعه، ادخل تاني بقوه. حيبقوا عند اضعف وقت. عاوزين يروحوا و فاكرين الموضوع خلص. 

خليك ذكي. 

الاستراتيجيه مش مواجهه بالقوه بالعكس بالذكاء. الألعاب اليابانيه زي الجودو هدفها تهز الخصم و تستخدم قوته عشان تشنكله مش عشان تضربه. العب جودو مش مصارعه.

لينك المقال على صفحة الفيسبوك: https://www.facebook.com/jawda.org/posts/788623531207862

 



Categories: !!! كيف تكسر الإنقلاب

1 reply

Trackbacks

  1. ملاحظات اليوم الثاني من الموجه الثوريه يناير ٢٠١٥ | JAWDA

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: