تعالوا نفهم الاقتصاد ببساطه … نجيب علي اسئله القراء في حلقه خاصه … الحلقه الخامسه

حازت الحلقات السابقه من شرح الاقتصاد علي إقبال كبير من القراء. و أتتنا اسئله كثيره و نري ان نجيب عليها امام الجميع. 

س: يعني البورصه دي عامله زي ان الواحد بيشتري سمك في ميه؟

ج: اي استثمار في الدنيا يجب ان يكون فيه عنصر مخاطره. المفروض في العالم كله انه كلما قلت المخاطره قل العائد. يعني مش معقول ان واحد ميعملش مخاطره و ياخد عوايد عاليه. المفروض ان هذا لا يحدث و الا يصبح فساد. يعني عايد كبير مضمون بدون اي اجتهاد. اسمه فساد علي طول او ضحك علي الدقون! و طبعا في دول مثل مصر يظن كثيرون ان الفهلوه طريق نجاح و اُسلوب حياه. 

المخاطره تختلف عن المقامره. المخاطره معناها دراسه التكاليف و حساب احتمالات النجاح. ما يطلق عليه المخاطره المحسوبه و الا تصبح مقامره او اسوء تهور. 

لذلك اهم شيئين في البورصات الناجحه:

١- مستثمر فاهم. لذلك تبذل الدول و البنوك و الشركات مجهودا كبيرا في تثقيف المستثمرين و اطلاعهم علي ما يحدث. و توجد صناعه كامله في امريكا مثلا هدفها تثقيف المستثمر: مجلات، كتب، قنوات تلفزيونيه، الخ. لان المستثمر الواعي يضع امواله فيما يحقق ربح لاحقا و بالتالي يكسب الجميع. 

٢- قوانين عادله تمنع النصب. 

يعني في مصر في فكره ان القانون لا يحمي المغفلين. هذا غير حقيقي. القانون هدفه حمايه الجميع. طبعا مفيش قانون كامل ليس به عيوب لذلك يتعلم البشر من اخطائهم و يطوروا أنفسهم. 

مثال علي القوانين العادله ان قانون البورصه في الغرب مثلا يمنع تسريب معلومات لأشخاص دون غيرهم. يعني مينفعش أقول لصاحبي خد بالك بكره الشركه بتاعتنا حتطلع أرباح كثيره قوي يقوم صاحبي شاري اسهم النهارده علي توقع انها تزيد بكره. ده كلام يودي السجن مباشره مثلا. 

س: ايه الأفضل: شركه مصريه تشغل مصريين ام اجنبيه تشغل مصريين ام اجنبيه تشغل مصريين و اجانب؟

ج: 

العماله المحليه في شركه اجنبيه معناها ان جزء من الربح يذهب للخارج لكن الشركه الاجنبيه لديها خبرات متخصصه و يستفيد منها الناس و يستفيد منها السوق لانها تخلق قيمه مضافه عاليه. طبعا لو الشركه الاجنبيه بتعمل بسكويت مثلا فده كلام فارغ و قيمه مضافه منخفضه. لو بتعمل قطع غيار محركات طيارات او معدات حفر بترول مثلا يبقي قيمه مضافه عاليه جدا. يبقي تمام قوي. 

نفس الكلام للعماله المختلطة. لو جايب خبرا و ناس بتفهم يبقي حنتعلم منهم و تزيد الخبرات في السوق و تزيد القيمه المضافه. 

الهند مثال مفيد جدا لمصر هنا. 

لو جايب مربيات من الفيليبين يبقي اسمه تهريج. 

المصادر:

——–

١- الحلقات السابقه:

https://jawdablog.org/category/الإقتصاد/حلقات-تعالوا-نفهم-الاقتصاد/



Categories: حلقات تعالوا نفهم الاقتصاد

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: