مش بس ان غانا كسبتنا في الكوره. لا كمان غانا سبقتنا في الديمقراطيه و في خفض الدعم بطريقه محترمه و حساسه نحو الفقراء. ازاي؟

حاولت غانا في سنه ٢٠٠١ انها تعمل زي مصر كده. كان الدعم للبنزين بأرقام كبيره و كان رئيس غانا هو جون كوفور و هو كان نائب رئيس تحت جيري رولنجز اللي وصل للرياسه بانقلاب عسكري. فحاول جون كوفور انه يزود أسعار الوقود بنسبه ٩٠٪. و لكن بعد شويه و تحت الضغط الشعبي رجع في كلامه.

في ٢٠٠٣ حاول جون كوفور مره تانيه انه يخفض الدعم و زود الأسعار ٩٠٪. مره تانيه الضغط الشعبي اجبره علي التراجع و انه يزود الأسعار بنسبه اقل بكثير جدا.

و هذا كان قبل دخول جون كوفور في انتخابات ٢٠٠٤ و التي تعتبر بدايه ولاده الديمقراطيه الحقيقيه في غانا و كان جون كوفور حساسا للضغوط الشعبيه.

لذلك في ٢٠٠٥ و بعد نجاحه في الانتخابات قرر جون كوفور انه يخلي الشعب يصبح جزء من الحل فعملوا ٣ خطوات:

١- بحث اجتماعي لدراسه تأثير رفع الدعم عن الناس. استمر هذا البحث حتي ٢٠٠٦.

٢- التواصل مع الناس: بعد نشر الدراسه الاجتماعيه امام الشعب الغاني بدأت الحكومه الغانيه في حوار مجتمعي هدفه معرفه احتياجات الناس. و استمر طول عام ٢٠٠٦.

٣- مساعده الفقراء:

مع تطبيق برنامج خفض الدعم اتخذت الحكومه الغانيه الخطوات التاليه:

– إلغاء المصاريف في كل المدارس، مش زيادتها زي مصر. 

– زياده المواصلات العامه. 

– وضع حد أقصي لسعر المواصلات العامه، مش زياده السعر و قرايه “الفاتحة” مع السواقين انهم يلتزموا بالزياده دي فقط. 

– زياده الانفاق علي الصحه في الريف، مش زي ما واحد من القراء قال و هو الريف عاوز مستشفيات ليه. 

– و تسريع كهربه الريف، مش قطع الكهربا عنه.

طبعا لان حكومه الانقلاب فكيكه فهي ستأخذ كل هذا الكلام و تعمل عكسه تماماً.

المصادر:

———

الدروس المستفاده في العالم من تحرير أسعار الطاقه:

http://www.imf.org/external/np/pp/eng/2013/012813a.pdf

Categories: التحولات الديمقراطيه في العالم, الدروس و الأمثال من جميع أنحاء العالم, استراتيجيات وحلول