كيف رفعوا الدعم في البرازيل؟ ابكي علي حالك

شفنا قبل كده ان البرازيل عملت ٤ خطوات مهمه لتخفيض الدعم:

١- التدرج: عملوا الموضوع علي ١٠ سنين و بدأوا بالحاجات الأقل تأثيرا علي الناس زي وقود الطيارات. 

٢- الحوار المجتمعي: إقناع الشعب بأهميه الموضوع. دوله ديمقراطيه و الشعب له رأي. 

٣- تقليل الخبطه علي الفقراء: عملت البرازيل برنامج بيدوا بيه للفقراء كارت فيزا يشتري به أكل و كهربا و الحكومه تحط فيه فلوس كل اول شهر كنسبه من عدد الاطفال طالما بيروحوا المدارس. بالضبط زي ما د باسم عوده كان عاوز يعمل قبل الانقلاب. 

٤- منع الاحتكار. بدل شركه واحده محتكره كل قطاع البترول سمحوا بالشركات الاجنبيه بس فرضوا عليها ضرائب تروح لمحدودي الدخل و لتحسين البيئه.

طيب في حاجه خامسه مهمه جدا عملوها. حطوا كل مرتبات كبار الموظفين و المستشارين في قطاع البترول انها تبقي متاحه لكل الشعب البرازيلي. ليه؟ عشان الفساد. عشان دي فلوس الشعب و من حقه يعرف بتروح فين.

و حاجه سادسه كمان. مقاطعه امازونيا هي أفقر مقاطعه في البرازيل (بها مدينه مانوس اللي بيتلعب فيها كاس العالم و محافظها اسمه عمر خوزيه عبد العزيز) كانت اخر مقاطعه ينطبق فيها تخفيض الدعم لانها الأفقر.

قارن الست خطوات دول بما حدث في مصر. و بعدين متجيش بقي تقول ليه البرازيل بتتقدم و تنظم كاس عالم و مصر بتنهار و تتغلب من غانا.

هو علم مش فكاكه.

المصادر:

——–

الدروس المستفاده من خفض الدعم في البرازيل:

http://www.iisd.org/…/2010/lessons_brazil_fuel_subsidies.pdf

مصير كارت الوقود الذكي في مصر مع الانقلاب الغبي:

http://uk.mobile.reuters.com/article/idUKL5N0MT3F220140401…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s