ليه الأنظمة الفاشية دايماً بتسوق لشعوبها فكرة إنهم أعظم شعب في العالم؟

رأي ابراهيم العوضي:

ليه الأنظمة الفاشية دايماً بتسوق لشعوبها فكرة إنهم أعظم شعب في العالم؟

لأن استمرار الأنظمة دي مبني على منع التفكير، ومنع التفكير بيبدأ بمنع السؤال..

لو الشعب اكتشف حقيقة إن دولته متسواش تعريفة في ميزان الدول، وإنه كشعب بأهراماته بسلطاته ببابا غنوجه لو اختفى من على وجه الأرض مفيش حد هيحس بيه أساساً، هيبدأ يسأل نفسه إحنا ليه رخاص أوي كده؟

والسؤال ده خطر لأنه هيبقى مقدمة للتفكير..

عشان كده لما تقرأ أدبيات الإعلام في الأنظمة الفاشية هتلاقي إن دايماً بتجمعهم نفس المصطلحات..

شعب عظيم..

دولة عظيمة..

مؤامرة ضدنا..

نوهاريبو الإرهاب..

القائد الرمز الملهم (حتى لو كان القائد الملهم ده عيّل أهبل زي كوريا الشمالية)..

عنق الزجاجة..

شهبعاسهيبعايب..

وهكذا..

نفس الرسائل دي بالظبط (لدرجة تطابق المصطلحات أحياناً في بعض الدول)..

والهدف واحد: احمد ربنا على النعمة اللي إنت فيها، وداري على شمعتك تقيد عشان إحنا محسودين..

وفي سبيل ذلك يضربلك حديث يقول إن الجندي المصري أعظم جندي في العالم..

ويضربلك استبيان يقول إن الطفل المصري أذكى طفل في العالم..

ويضربلك معلومة تقول إن المخابرات المصرية سابع أحسن مخابرات في العالم..

ويضربلك شائعة بتقول إن المصري معروف بجبروته..

وهكذا..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s