خطوات علاج مشاكل مصر

عندما تخبر مريض بالسرطان انه مريض فهو يمر بخمس مراحل معروفه بنموذج كوبلر روس. 

هذه الخمس مراحل هي:

١- الإنكار: لا مش ممكن. انت اللي كذاب. انت اللي غلطان. انت ممول. انت عميل. 

٢- الغضب: أوعي يا خروف منك له تقول الكلام ده. أحسن اننا نخلص منكم. طبعا مقرونا بالسباب الذي عاده ما يكون موجها للطبيب او موجها لناقل الرساله مثل جوده. 

٣- التفاوض: طيب انا لو اتغيرت و بطلت سجائر هل حأخف و ارجع طبيعي؟ الإعدام في حق الاخوان دي بس احكام شده ودن لكن حتتخفف. 

٤- الاكتئاب: و بالطبع يعاني منه كثير من المصريين. البلد دي حالها مش حينصلح أبدا. 

٥- تقبل الحقائق: طيب أيه العمل دلوقتي؟

و يمكنك ان تشخص حاله زميلك او قريبك بناءا علي النموذج السابق. و من الطبيعي ان يتأرجح الشخص بين الحالات الخمسه وفقا للموضوع. 

كثير من المصريين بالطبع ما زالوا يتأرجحون بين المرحله الاولي و الثانيه. 

لذلك تعالوا ندرس المرحله الاولي بشكل أعمق. يقول علماء النفس ان الإنكار قد يأتي في عده أشكال: 

١- الإنكار البسيط: انت كذاب. انت جايب المعلومات دي منين. انت عميل. الكلام ده مش ممكن يكون السيسي قاله. كل وسائل الاعلام دي مأجوره. دي مؤامره. 

٢- التقليل من الاهميه: لا الموضوع ده بيتعالج و ناس كتير كان عندها و خفت. ايوه السيسي قال الكلام ده فعلا بس ده ذكاء منه لانه كده ضحك علي امريكا و هي دلوقتي مرعوبه مننا. 

٣- الإسقاط: و فيه يعترف المريض بالحقيقة المره و لكن ينكر انها مشكلته. مثلا: العباره السلام ٩٨ دي مش عباره مصريه و مش رافعه علم مصر لذلك مش مسئوليه الدوله المصريه. او: مش مسئوليتي قتل الناس في الشوارع في مصر. هو انا نزلت ٣٠-٦ و قلت اقتلوا الناس. ايه اللي وداها هناك؟ الستات لازم يقعدوا في البيت و مينزلوش مظاهرات. طيب هو احنا كنا نعمل ايه؟ هو احنا قد الجيش او قد امريكا…الخ. 

لا يمكن علاج مشاكل اي بلد بدون اعتراف شعبها فقط ان لديه مشاكل. لابد من الوصول للمرحله الخامسه حتي نستطيع ان نعالج. 

بالمناسبة. كل الامثله السابقة هي أمثله حقيقيه في الردود من بعض القراء علي جوده. 

المصادر:

———-

نموذج كوبلر روس:

http://en.m.wikipedia.org/wiki/Kübler-Ross_model

مظاهر حاله الإنكار:

http://en.m.wikipedia.org/wiki/Denial

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s